விவேகம் - VIvegam

தவம் செய்வோர் எதுவரைச் செல்வர் ?

2011-04-26T22:12:00.001+08:00

தவம் செய்வோர் எதுவரைச் செல்வர் ?
இதற்கு அன்னை அவ்வையார் விடையளிக்கிறார் பாருங்கள்:

அரிது அரிது மானிடர் ஆதல் அரிது
மானிடர் ஆயினும் கூன்குருடு செவிடு
பேடு நீங்கிப் பிறத்தல் அரிது
பேடு நீங்கிப் பிறந்த காலையும்
தானமும் தவமும் தான்செயல் அரிது
தனமும் தவமும் தான்செவா ராயின்
வானவர் நாடு வழிதிறந் திடுமே!

விளக்கம்:

உலகில் மானிடப் பிறப்பே உயர்ந்தது. ஐந்தறிவிலிருந்து ஆறாவது அறிவுநிலைக்கு செல்வது என்பது விலங்குத் தன்மையிலிருந்து மனிதத் தன்மைக்கு உயர்த்தப்படுவதாகும். இவ்வுலகில் தோன்றிய உயிரினங்களுள், மிக உயர்ந்த பிறவி மானிடப் பிறவியேயாகும். அவ்வாறு மனிதராய்ப் பிறப்பெடுதாலும் கூன் இல்லாமல், செவிடாய் இல்லாமல், பேடு இல்லாமல் பிறத்தல் அரிது என்று அவ்வை மூதாட்டி பகர்கின்றார். அவ்வாறு பிறந்தாலும் தானமும் தவமும் செய்வது என்பது எல்லாருக்கும் கிடைக்கும் வாய்ப்பில்லை, அரிது என்கிறார். யாரெல்லாம் தானமும் தவமும் தொடர்ந்து செய்கிறார்களோ அவர்களுக்கு வானவர் நாடு அதாவது தேவருலகம் வழிதிறந்திடுமாம். உண்மையான வாக்கு; அவ்வை வாக்கு!

அன்னை அவ்வையின் இந்தத் தெளிவான சான்றிலிருந்து நாம் தெரிந்து கொள்ளவேண்டியது என்னவென்றால், மனிதராய் பிறந்தோர் ஒவ்வொருவரும் தனமும் தவமும் செய்வது 'கடமை' என்று அறிகிறோம்.

அந்தக்கரணங்கள்

2011-04-19T17:56:00.002+08:00

ஆறாவது அறிவாகிய மனம், ஒரு மாயைத்திரை. அது கண்ணுக்குத் தெரியாத ஓர் எந்திரம். மனத்தை வென்று வெட்டவெளிக்குச் செல்லும் மகான்கள் மனத்தை மிக நுட்பமாக ஆராய்ந்தவர்கள் ஆவர். மனதிற்குள் ஐந்து அங்கங்கள் இருப்பதாக உணர்த்திச் சென்றுள்ளனர். மனத்தின் இந்த அங்கங்களை அந்தக்கரணங்கள் என்று எடுத்துரைத்தனர்.

சைவச் சித்தாந்தம் வகுத்த மகான்கள் மனதை நான்கு உறுப்புகளாகப் பெயரிட்டனர்: அவை மனம், புத்தி, சித்தம், அகங்காரம் என்பனவாம். திருஅருட்பிரகாச வள்ளலார்தான் ஐந்தாவது உறுப்பாகிய 'உள்ளம்' என்ற ஒன்று இருப்பதை உறுதி செய்தார். இவை ஐந்தும் அகக்கருவிகள் எனத் தெளிவுபடுத்தினார்.

வான் பார்க்கும் நேரம்

2011-04-16T23:42:00.003+08:00

வான் பார்க்கும் நேரம்

வாய் பேச‌க் கூசும்..!

கண் பார்க்கும் நேரம்

மனம் பேசாமல் பேசும்..!

உன் பார்வை போதும்

வெண் நிலாவும் உற‌வாடும்...!

ஆணவம் ஒழிய...

2011-04-12T23:33:00.001+08:00

'நிலத்திலிருந்து முளை எழுந்தபோது முரசோன்றும் முழங்கவில்லை! பழம்பழுத்துப் பக்குவமடந்தபோது ஊதுகொம்பின் ஒலியில்லை! ஒளிதரும் ஞாயிறு நிலவுகள் எழும்போது வீர முழக்கம் இல்லை! உன் உதடுகளைத் தைத்திடுவாய் மக்குதிம்மா!'
'மக்குத் திம்மன் பிதற்றல்கள்' ‍மகான் குண்டப்பா

கன்னட மண்ணில் வாழ்ந்த மகான் இவர். எங்கிருந்தால் என்ன, மகான்களின் வார்த்தைகள் அர்த்தம் மிகுந்தவை. நம்மிடமிருக்கும் ஆணவமாகிய முகமுடியைச் சுக்கு நூறாகச் சிதைக்கிறார், பாருங்கள்!

இருவேறு உலகத்து இயற்கை...

2011-03-21T20:59:00.002+08:00

'இருவேறு உலகத்து இயற்கை திருவேறு தெள்ளியர் ஆதலும் வேறு' (குறள்:374)

விளக்கம்:
இந்த உலகம் இரண்டு வேறுபட்ட இயல்புகளை உடையது. பொருளை முதன்மையாகக் கொண்டு வாழ்வோர் ஒரு வகை; அறிவை முதன்மையாய்க் கொண்டோர் மற்றொரு வகை.

'திருவேறு' என்பது பொருள்களையும் புலன்களையும் அடைப்படையாகக் கொண்ட இகலோகத் தவ வாழ்க்கை. புறக்கண்களைத் திறந்துகொண்டு பெறும் அனுபவங்கள் அத்தனையும் இதில் அடங்கும்.

'தெள்ளியர் ஆதலும் வேறு' என்பது ஞானத் தெளிவு பெற்று ஆன்மா அனுபவம், இறை அனுபவம் பெறுவதை அடிப்படையாகக் கொண்ட பரலோகத் தவ வாழ்வு. அகக் கண்ணைய் திறந்து கொண்டு அனுபவங்களைக் கொண்டது.

அறிவுத் தெளிவும் மனப் பக்குவமும்தான் தவத்தின்வழி பெறப்படும் பயன்கள்.
எத்தனை பக்தி இருந்தாலும் ஏராளமாய் தான தர்மங்கள் செய்திருந்தாலும் 'ஞானத்தெளிவு' பெறாதவரை முழுமையான அனுபவத்தைப் பெற முடியாது. பிறவித் தொடரிலிருந்து விடுபடவும் முடியாது!

வினை விளைவுத் தத்துவங்களைக் கொண்ட நம் வாழ்க்கை என்பது இந்த பூமி சார்ந்தது. இகலோகம் எனும் புவிசார்ந்த வெற்றிகளை மட்டுமே கொடுக்க வல்லது.

தவம் என்பது இந்த வினை விளைவு வாழ்க்கையிலிருந்து 'விடுபட்டுப் பரத்தை' நோக்கிப் பயணிக்கும் வானம் சார்ந்த ஒரு...வகை வித்தை. பரலோகம் எனும் பரம்பொருளை அடையும் சாதனா வெற்றிகளைச் சார்ந்தது.

தெய்வம் நமக்காக வருமா?

2011-03-19T17:21:00.003+08:00

காலத்தினாற் செய்த நன்றி சிறிதெனினும்
ஞாலத்தின் மாணப் பெரிது

விளக்கம் : மிகவும் தேவைப்படும் நேரத்தில் ஒருவருக்கு செய்யப்படும் உதவி சிறிதாக இருந்தாலும், அது உலகத்தை விடப் பெரிதாக மதிக்கப்படும்.

கேள்வி:
அருமையானத் திருக்குறள் ஐயா. கண்கள் இருந்தும் நாம் குருடர்களாக வாழ்கிறோமா என்ற அச்சம் தீடீரெனத் தோன்றிவிட்டது...எங்கே செல்கிறோம் நாம்? இதனைப் பற்றி திருவள்ளுவர் ஏதாவது கூறியிருக்கிறாரா?

நல்ல கேள்வி....பதில் சொல்ல முயல்கிறேன்.

அதாவது சமுதாய வாழ்க்கை என்பது ஒரு கூட்டு முயற்சி. 'எனக்கென்ன?' என்று ஒருநேரம் இருந்தாலும் மறுகணம் இருக்கத்தோன்றாது. நல்ல மனிதத்தன்மையின் இயல்பான பண்பு அது.

ஒருவர் மற்றவருக்கு உதவியாய் இருப்பதில் இந்தப்... பிரபஞ்சத்தின் அடிப்படை சூட்சுமம் அடங்கியுள்ளது. சிறிதளவாவது...எந்த வகையிலாவது...இயன்றளவு என்று உதவிசெய்பவர்களை இயற்கை கூர்ந்து கவனிக்கிறது என்கிற உண்மை பலர் அறிவதில்லை. இவையெல்லாம் 'மறைந்து கிடக்கும்' இரகசியங்கள்.

இந்த உதவும் மனப்பான்மையிலிருந்துதான் நாம் 'சமூக அக்கறை' எனும் அடுத்த கட்டத்திற்கு நகர்த்தப்படுவோம்.

சமூக அக்கறையுடன் பொதுத்தொண்டு செய்ய வருவோருடன் மட்டுமே இயற்கை தொடர்பு கொள்ளும். இறையருளும் இறங்கிவரும். 'தான் உண்டு தன் வேலை உண்டு' என்று வாழும் சுயநலமிகளை இயற்கை திரும்பியும் பார்க்காது. இறையருளும் அவர்களுக்கு வாய்க்காது.

ஒருவகையில், சமூக அக்கறையுடன் செய்யும் தொண்டு என்பது பிறருக்கு செய்யும் உதவி கிடையாது. அது நமக்கு நாமே மறைமுகமாகச் செய்யும் உதவியே ஆகும். ( இதுவும் 'சுயநலம்' தானே என்று எண்ணிவிடாதீர்கள். இது 'அதையும் தாண்டியது. வேண்டுமானால்..."யார் யார் சிவம்? நீ நான் சிவம்..!" எனும் பாடலை மனதிற்குள் ஓடவிட்டுப் புரிந்து கொள்ளுங்கள்! )

இதோ நீங்கள் கேட்ட குறள்:
'குடிசெய்வல் என்னும் ஒருவற்குத் தெய்வம் மடிதற்றுத் தான் முந்தூறும்' (குறள் ; 1023)
விளக்கம்: 'சமூக அக்கறையுடன் பொதுத்தொண்டு செய்வோர்க்குத் தெய்வமே வரிந்து கட்டிக்கொண்டு உதவி செய்யும்' என்பதே இதன் பொருள்.

நீங்கள் கேட்ட கேள்விக்கு அய்யன் திருவள்ளுவரை ( தமிழ்ஞானச் சித்தர் )
துணைக்கழைத்தேன். எல்லாப் புகழும் அய்யனைச் சாரும்.

பயணங்கள் நிற்பதில்லை... தேடல்கள் போலவே!

2011-03-16T19:23:00.002+08:00

நெடுஞ்சாலைப் பயணம்
நெடுகிலும் வாகனம்
நெஞ்சிலும் புகைச்சல்!

ஆன்மீகப் பயணம்
ஆசையை அறுத்துத்தகனம்
ஆறுவது சினம்!

எதிரில் விளையாடுபவன் எதிரியல்ல!

2011-03-15T23:16:00.002+08:00

சாதாரண பந்து விளையாட்டைப் பார்த்திருக்கிறோம். எதிர் அணியில் விளையாடுபவனை எதிரியாகப் பார்ப்பவர்களை ( பாதகமாக விளையாடுபவர்களை ) 'விளையாடத் தகுதியற்றவன்!' என்று ஒதுக்கி வைப்பதுதானே விளையாட்டுக்குரிய விதியாக உள்ளது!

இந்த உலகமும் ஒரு விளையாட்டுத் திடலே! வாழ்க்கையில் உங்களுடன் உடன்பாடாக நடந்து கொள்பவர்கள் உங்கள் அணியின் வெற்றிக்காகப் பாடுபடுகிறார்கள். உங்களுடன் இணைந்து பாடுபடுகிறார்கள்.

உங்களுக்கு எதிர்ப்பாக நடந்து கொள்பவர்கள் ஏதோ ஓர் எதிர் அணியின் வெற்றிக்காகப் பாடுபடுகிறார்கள். உங்களுக்கு எதிராக விளையாடுகிறார்கள்.

இந்த இயல்பைப் புரிந்து கொண்டால் எதிர்ப்பாக நடந்து கொள்பவர்கள் மீது கோபமோ, ஆத்திரமோ தோன்றாது.

உங்களுக்கு எதிர்ப்பாக விளையாடவேண்டி, விதியினால் தேர்ந்தெடுக்கப்பெற்றோர் எதிரியின் களத்தில்தான் இருக்க வேண்டும் என்ற அவசியமில்லை. உங்கள் களத்தில் உங்கள் அருகிலேயே இருந்துகொண்டு கூட உங்களுக்கு எதிராக விளையாடலாம்.

எந்த நிலையில் விளையாடினாலும் அந்த நபரை எதிர் அணியில் விளையாடுபவராய்த்தான் பார்க்க வேண்டுமே தவிர எதிரியாய்ப் பார்க்கக் கூடாது.

விளையாட்டு முடிந்தவுடன் அன்பைப் பரிமாறிக் கொள்லத் தயங்கவும்கூடாது. இதுதான் இந்தப் புவிவாழ்க்கை என்னும் விளையாட்டிற்குரிய அடிப்படை விதியாகும்.

இந்தக் கோணத்தில் வாழ்க்கையைப் பார்க்கப் பழகிக் கொண்டால் விருப்பு வெறுப்பை வெல்லலாம். மனத்துன்பங்களிலிருந்து விடுதலை பெறலாம்.

'இன்னாசெய் தாரை ஒறுத்தல் அவர்நாண‌
நன்னயம் செய்து விடல்.' (குறள்: 314)

என்னும் தமிழ்மறையின் தத்துவத்தை எளிமையாகப் புரிந்து கொள்ளலாம்.

அன்பே சிவம்!

அடைக்கலம்

2010-12-23T08:16:00.002+08:00

உள்ளத்தை உருக்குகின்ற உணர்ச்சியுள்ள நூலைப் பற்றி ஒரு பழமொழியுண்டு. "திருவாசகத்திற்கு உருகாதார் ஒருவாசகத்திற்கும் உருகார்". திருவாசகத்திற்கு ஒரு உள்ளம் உருக வில்லையென்றால் ஒருவாசகத்திற்கும் உருகாது. கல்லைப் பிசைந்து கனியாக்கும் தன்மை திருவாசகத்திற்கு உண்டு.

சரணாகதி என்ற வடசொல்லுக்கு நேர் தமிழ்ச்சொல் இருக்கிறதா என்ற வினாவுக்கு திருவாசகம் விடைதருகின்றது.
ஆண்டவன் அருளைப் பெறுவதற்குத் திருவாசகம் அருமையான நெறியைக் காட்டுகிறது.அதுதான் அடைக்கலம் என்ற நெறி. அது அருமையான தமிழ்ச்சொல். சரணாகதி என்றாலும் அடைக்கலம் என்றாலும் பொருள் ஒன்றே.

அடைக்கலம் என்பது திருவாசகத்தில் அருளிச்செய்யப்பட்ட ஒருபகுதி. அடைக்கலத்தில் மாணிக்கவாசகர் தன்னை அடைக்கலப்பொருளாக ஆண்டவனிடன் ஒப்புவிக்கிறார்.

திருவாசகத்தில் வரும் ஒரு அருமையான வாசகம்:

"வெறுப்பனவே செய்யும் என் சிறுமையை நின் பெருமையினால்
பொறுப்பவனே அராப் பூண்பவனே பொங்குகங்கை சடைச்
செறுப்பவனே நின் திருவருளால் என்பிறவியை வேர்
அறுப்பவனே உடையாய் அடியேன் உன் அடைக்கலமே."

விளக்கம்:
நான்வெறுப்பனவே செய்கின்றவன்தான். என் சிறுமையை எல்லாம் ஆண்டவனே! உன்பெருமையினாலே பொறுத்து என் பிறவியின் வேரறுத்துவிட வகைசெய்ய வேண்டும். அடியேன் உன் அடைக்கலம். இத்தகைய பெரிய உதவியை அடியேனுக்குச் செய்யவேண்டும் என்று அவர் சொல்லுகிறார்.

என் தந்தையின் 3ஆம் ஆண்டு நினைவுநாள்

2010-03-20T09:04:00.002+08:00

அமரர் திருமிகு.நா.இலட்சுமணன். பி.ஐ.எஸ் ( ஓய்வு பெற்ற தமிழ்ப்பள்ளி தலைமையாசிரியர் )

இன்று என் தந்தையின் 3ஆம் ஆண்டு நினைவுநாள். அவரது நினைவுமலரிலிருந்து..........

அமரர் திருமிகு.நா.இலடசுமணன் அவர்கள், தமது 17‍வது வயதில் ஆசிரியர் பணிக்குத் தம்மை அர்ப்பணித்துக் கொண்டு தொடர்ந்து சுமார் 40 ஆண்டு காலம் தமிழ்ப்பள்ளி மாணவர்களின் வளர்ச்சிக்கு அரும்பாடு பட்டவர்.

அவர் தமிழுக்காக குறிப்பாக தமிழ் இயக்க வளர்ச்சிக்காக இளைஞர் பருவத்திலிருந்தே பொது இயக்கங்களுடன் த‌ம்மை இணைத்துக் கொண்டு சேவையாற்றியுள்ளார். அவர் இளைஞர்ப் பகுதி செயலாளராக இருந்த பொழுது, தமிழகத்துத் தமிழரிஞர்களை மலாயாவுக்கு வரவழைத்து தமிழின மக்களிடையே தமிழுணர்வு ஊட்டியுள்ளார். ம.இ.கா வின் வழி சமூகப்பணியாற்றிய சிறந்த தொண்டர்.

ஆசிரியர்ப் பணி அறப்பணி என்பதை தாம் பணியாற்றிய பள்ளிகளில் எல்லாம் கடமையுணர்வுடன் தமது செயல்நடவடிக்கையின் வழி மெய்ப்படுத்தியுள்ளார். அவர் பணியாற்றிய பள்ளி ஆசிரியர் பெருமக்கள் கூறக் கேட்டிருக்கின்றேன். அவர் மாணவர்களுக்குக் கணிதம் கற்பிக்கும் பாங்கு மகிழ்ச்சிகரமானது. மாணவர்களின் கவனத்தைக் கவருவதில் வல்லவர். குழந்தைகளின் பொது அறிவைத் தூண்ட அடிக்கடி கேள்விகள் கேட்டும், விடுகதை, புதிர்க் கேள்விகள் கேட்டும் சிந்தனை வளர்ச்சியைத் தூண்டியவர். சரியாக விடையளிக்கும் மாணவர்களுக்கு புத்தகங்களைப் பரிசாக வழங்குவதை தமது இறுதி காலம் வரை செய்து வந்தார். வாசிப்பது அவருக்கு சுவாசிப்பது போன்றது என்றால் மிகையாகாது.

காலஞ்சென்ற என் தந்தையார் அவர்கள் கண்டிப்பும் கடமையுணர்வும் மிக்கவர். ஆனாலும் எல்லோரிடமும் அன்பு பாராட்டுவார். ஜொகூர், சா'ஆ வட்டாரத்தில் தம் ஒத்த வயது மலாய்க்காரர் , சீனர் சமூகத்தினரிடம் நட்புடன் இருந்து 'ருக்கூன் தெதாங்கா' இயக்கத்தின் வழியும் நற்சேவையாற்றியுள்ளார்.

ஆரம்பக் காலத்தில் தமது ஓய்வு நேரத்தில் ஓவியம் வரைவதிலும். கைவினைப் பொருட்கள் செவதிலும் கவனம் செலுத்தியவர், பிற்காலத்தில் தட்டச்சுப் பொருள் மற்றும் தையற் கலையிலும் சுயமாகாக் கற்றுத் தேர்ந்தவர். அவர் வாழ்ந்த காலத்தில் நல்லாசிரியராகத் திகழ்ந்து நேர்மையுடனும் தர்மத்தின் வழி வாழ்வை செம்மையாக வாழ்ந்து இறைவனடி சேர்ந்துள்ளார். அவரது மறைவு ஈடுசெய்ய இயலாதது!

அப்பாவின் நினைவலைகளில்.....

பிரபஞ்ச அச்சில் மறைதல் என்பது வேறொரு மாற்றமே !

இமயமலைக்கு ஓர் இமாலயப் பயணம்: 6

2010-03-17T21:04:00.014+08:00

குறிப்பு: இப்படம் விமானம் புறப்பட்டு கொஞ்ச நேரத்தில் ( 11.24க்கு ) எடுக்கப்பட்டது.

நேரம்: இரவு மணி 10.00

விமான எண் 9W 17 என்று அச்சிடப்பட்ட 'போர்டிங் பாஸ்' இன்னும் சட்டைப்பையில் தான் இருந்தது.ஆனால், அப்போது நான் அதை மீண்டும் எடுத்துப் பார்த்தது ஐந்தாவது தடவையாக இருக்கும். ஏரணச் சிந்தனைக்குப் பழகிப் போன இந்த மனம் செய்யும் விளையாட்டை எண்ணி 'மனசுக்குள்' சிரித்தேன். சத்தம் போட்டு சிரித்தால் 'லூசா ?...பைத்தியமா ?' என்று எண்ணிவிடுவார்களோ எனும் போலி கௌரவம் வேறு!

வாழ்க்கையை ஒரு விளையாட்டாக பார்க்கத் தெரியாததால் தானே மனசுக்குள் போறாட்டம் ஏற்படுகிறது.

'வாழ்க்கையை வாழ்ந்து விடு...ஒவ்வொரு கணமும்'.... என்றோ படித்த விசயத்தை நினைவுக்கோப்பிலிருந்து எடுத்து அறிவு கொடுக்கும்.

மனம் ஏற்றுக்கொண்டால் எல்லாம் இன்பமயம்; உணர்ச்சிக் கொந்தளிப்பில் இருந்தால் துன்பமயம்.

நடைபெறும் சம்பவங்கள் அனைத்தையும் அனுபவித்து ஏற்றுக்கொள்ளாமல் தடுமாற்றம் அடைபவர்களையே அதிர்ச்சிக்குள்ளான நிகழ்வுகள் ஏற்படும்போது நிலைகுலைந்து விடுகிறார்கள்.

'நான் எந்த விதத்திலும் மாற‌மாட்டேன்; மற்றவர்கள்தாம் எனக்காக மாறவேண்டும்!' என்று இறுகிய மனத்துடன் அடம் பிடிப்போர்க்குத்தான் எல்லாமே சிக்கலாகத்தோன்றும்.

வேறொன்றுமில்லை....விசயம் இதுதான்.
ஒரு மணி நேரத்திற்கு முன் நிகழ்ந்த சம்பவம்.......கேட்டால் சிரிப்பீர்கள்!

சொல்லட்டுமா.....சரி..சரி...

பெரிய பயணப்பையையும் சேர்த்து சிறியப்பையையும் தள்ளுவண்டியில் தள்ளி வந்தேன் என்று கூறியிருந்தேன் அல்லவா..?

ஒரு பயணியின் 'லக்கேஜ்'‍- பயணப்பை 20 கிலோ கிராமுக்குக் கூடுதலாக இருக்கக்கூடாது என்பது 'ஜெட் எர்வேஸ்' விமானத்துக்கான பொதுக் கட்டளை. விமான நிலையத்தில் வைக்கப்பட்டிருந்த ஒரு இலத்திரன் நிறுவையில் பெரிய பயணப்பையை வைத்தேன்.

மேலே சிறிய மின் திரையில் ...22.27 கி.கிராம் என்று காட்டியது.

உடனே அப்பையைத்திறந்து கம்பளிச் சட்டையையும் இன்னும் சில பொருள்களையும் வெளியே எடுத்து தோளில் மாட்டிக்கொள்ளும் சிறிய பைக்குள் நுழைத்தேன்.

மீண்டும் நிறுவையில் வைத்துப் பார்த்தால் அளவை 19.25 கி.கிராம் என்றிருந்தது.

அதிகாரி ஒருவர் பெரிய பையை 'ஸ்கேன்' செய்து அதன் மேல் செவ்வக வடிவிலான 'பார்கோர்ட்' அச்சிடப்பட்ட வழவழப்புக் காகிதத்தை ஒட்டினார்.பிறகு ஏதோ ஒரு
விசையை அழுத்தினார். என் எதிரிலேயே பெரிய பை தானியங்கி இயந்திரத்தால் நகர்த்தப்பட்டு அதிகாரிக்குப் பின்னால் மறைந்திருந்த மற்றொரு தானியங்கி நகர்த்திக்குத் தள்ளப்பட்டு 'காணாமல்' போனது.

அட...மனுசன் ( அதிகாரி ) ஒன்றுமே நடக்காததுபோல் இயல்பாக புன்முறுவல் பூத்த வண்ணம் என்னிடம் ஆங்கிலத்தில் 'நன்றி' சொன்னார்.

இந்த பாழாய்ப்போன மனசுதான் 'பக்' 'பக்'கென கண நேரம் அடித்தது.
பத்திரமாய் நாம் ஏறவிருக்கும் விமானத்திற்குள் அனுப்பினால் சரி...என அந்த அதிகாரியைப் பார்த்து ஒப்புக்கு அவர் பானியில் 'நன்றி' சொன்னேன்.

முத‌ற்சோத‌னை பெரிய‌ பைக்கு என்றால், இர‌ண்டாவ‌து சோத‌னை சிறிய‌ பைக்கும் என‌க்கும். அங்கே சோதனை அதிகாரியாக நின்ற‌வர்களில் சிலர் த‌மிழ‌ர்க‌ள். அலைபேசி மற்றும் இத‌ர‌ த‌க‌வ‌ல் சாத‌ன‌ங்க‌ள் இருந்தால் எல்லாவ‌ற்றையும் அங்கே ஒரு பெட்டியினுள் வைத்துவிடும்ப‌டி கேட்டுக்கொண்டார். என் கையில் இருந்த‌ த‌மிழ் புத்த‌க‌த்தைப் பார்த்த‌தும் த‌மிழில் 'எங்க‌ சார் போறீங்க‌ ? ம‌லேசிய‌ரா நீங்க‌ள் ?' என்று கேட்டார்.

'ம‌லேசிய‌ர்தான்....புது டெல்லிக்குச் செல்கிறேன்'

'நானும் ம‌லேசிய‌ர்தான்' என்று அவ‌ர் கூறும்போது பொருள்க‌ள் யாவும் 'ஸ்கேன்' செய்ய‌ப்ப‌ட்டு அடுத்த‌ இட‌த்திற்கு ந‌க‌ர்த்த‌ப்ப‌ட்ட‌து. தோள்பையைத் திற‌ந்து பார்த்தார். முத‌லில் நுழைத்த‌ க‌ம்ப‌ளி ஆடையும் இன்னும் சில‌ புத்த‌க‌ங்க‌ளும் இருத்த‌ன‌. ச‌ரி பார்த்துவிட்டு என்னிட‌ம் கொடுக்க‌ அதை அப்ப‌டியே என் இட‌து தோளில் மாட்டிய‌ வ‌ண்ண‌ம் முன்னே ந‌கர்ந்தேன். அது ஆளை முழுமையாக‌ 'ஸ்கேன்' செய்யும் இட‌ம் என்று உண‌ர்ந்த‌போது 'அலார‌ம்' ஒலித்தது.

தோளில் மாட்டியிருந்த‌ பையை ப‌க்க‌த்தில் உள்ள‌ மேசையில் வைத்தேன்.
அதை மீண்டும் சோத‌னையிட்டார். ஒன்றும் கிடைக்க‌வில்லை போலும்!

சோத‌னை அதிகாரி மீண்டும் காற்ச‌ட்டைக்குள் ஏதேனும் இருக்கிற‌தா என‌ வின‌வினார். உள்ளுக்குள் ச‌ற்றே ப‌த‌ற்ற‌த்தில் இருந்த‌தை வெளிக்காட்டிக் கொள்ளாம‌ல் ப‌ண‌ப்பை ம‌ட்டும்தான் உள்ளது என்ப‌தை எடுத்துக் காண்பித்தேன்.
மீண்டும் என்னை 'ஸ்கேன்' ப‌குதியைத் தாண்டி வ‌ர‌ச்சொன்னார்.
இம்முறை எந்த‌ ச‌த்த‌மும் இல்லை!

'தப்பித்தோம்...அப்படா....! 'என்றிருந்த‌து.

சரி...பிற‌கு எப்ப‌டி 'அலார‌ ஒலி' எழுப்பிய‌து...?
புரியாத‌ புதிராக‌ இருக்கிற‌தே.....?

ப‌ய‌ண‌ம் தொட‌ர்ந்த‌து.......விடைதெரியாம‌ல்!

இமயமலைக்கு ஓர் இமாலயப் பயணம்:5

2010-03-16T02:25:00.006+08:00

"நான் உரைக்கும் வார்த்தைகள் எல்லாம் இறைவன் என்னிடம் கூறிய வார்த்தைகள். நான் சுயமாக பேசவில்லை" என்று சொன்னவர் வள்ளலார் என்றழைக்கப்பெறும் சிதம்பரம் இராமலிங்கம் எனும் மகான்.

பயணமோ ஆன்மிக யாத்திரை !....எனவே மனசை முன்கூட்டியே பக்குவப்படிதியதாலோ என்னவோ மகான்களின் நூல் தொடர்பு கிடைத்துவருகிறது.

இக்கருத்தை விளக்கும் பாடலைத்தான் .....

நான் உரைக்கும் வார்த்தை எல்லாம்
நாயகன் சொல் வார்த்தை அன்றி
நான் உரைக்கும் வார்த்தை அன்று!

....அப்புத்தகத்தில் கண்டேன்;நெகிழ்ந்தேன்.

கொஞ்சம் நேரம் கண்மூடி மீண்டும் விழித்தபோது அந்த அகண்ட விமான நிலைய பயணிகள் அமரும் இருக்கியில் தன்னந்தனியாக இருப்பதை உணர்ந்தேன்.

ஜோகூர் பாருவிலிருந்து வாடகை வண்டிமூலம் 'சாங்கி' விமான நிலையம் வந்தடைதேன்.கொண்டுவந்த இரு பைகளில் ஒன்று பெரியது மற்றொன்று சிறியது -தோளில் மட்டிக்கொள்வது.பெரிய துணிப்பையின் அடியில் சக்கரங்கள் இருப்பதால் கனமாயிருந்தாலும் சுலபமாக தள்ளிச் செல்லலாம். இருப்பினும் பெரியதையும் சிறியதையும் செர்த்து வைத்துச் செல்ல நுழைவாயிலில் வரிசைக்கட்டிக் கொண்டு இருந்த தள்ளுவண்டி ஞாபகத்திற்கு வந்தது. உடனே எழுந்து நடந்தேன். சுமார் ஐம்பதுக்கும் மேற்பட்டு ஒட்டிக்கொன்டு இருந்த தள்ளுவண்டிகளில் ஒன்றை பின்னாடி இழுத்து வாட்டமாக முன்னுக்குத் தள்ளி வந்தேன்.

முதல்முறை தன்னந்தனியாக வெளிநாட்டிலிருந்து ( சிங்கை ) இன்னொரு நாட்டிற்குச் செல்கிறோமே.....கொஞ்சமாவது முன் ஜாக்கிரதை வேண்டாம்..?
இப்படியா....இரு பயணப்பைகளையும் அப்படியே விட்டு விட்டுச் செல்வது ?

ஏரணமாய் எச்சரிக்கை எண்ணங்களை ஏவிவிட்டது பாழாய்ப்போன 'மனம்'.

அட....இங்கு என்னைச் சுற்றி இருபது மீட்டர் சுற்றளவில் மனித நடமாட்டம் இல்லை! பிறகு ஏன் அலட்டிக்கொள்கிறாய்..? அதே மனம் சமாதானம் சொல்லிக்கொண்டது. சரி...சரி...பயணச்சீட்டும் கடவுப்பத்திரமும் சட்டப்பையில் இருந்ததால் வந்த‌ ஒரு மெத்தனப்போக்கு. கவனிக்கிறேன்..!

காற்சட்டைச் சோப்பினுள் இருந்த‌ இலத்திரன் படக்கருவியை உருவி வெளியே எடுத்துதேன். விசையை அழுத்தியதும்...சன்னமாய் எழும்பும் ஒலி கேட்டது. காட்சியை இலத்திரனில் பதிவாக்க தயார் என்பதைத் திரையில் நெரலையில் காண்பித்தது. இடது கையில் அக்கருவியை சற்றே 45 பாகைக்கு கையை நீட்டி ஒரு 'கிளிக்'.

'எனக்குள் ஒருவன் என்னைப் பிடித்தான்'!

அதை பத்திரமாய் வைத்துவிட்டு மீண்டும் அருட்பெருஞ்சோதி ஞானச்சித்தர் புத்தகத்தைத் திருப்பினேன். உனக்குத் தெரியுமா ? உனக்குத் தெரியுமா ?என்பதுபோல் அடுக்கடுக்காய் கேள்விகள்..? அதில் ... சிதம்பரம் இராமலிங்க பெருமானாரை நிழற்படம் எடுக்க பலர் பலமுறை முயன்றும் முடியாது போனது உனக்குத் தெரியுமா ? இறுதியாக ஓர் ஓவியர் கருங்குழியில் அய்யா அவர்களை நேரில் பலநாட்கள் பார்த்து வரைந்த மீசையுடன் கூடிய ஓவியமே அவருடைய உண்மையான‌ தோற்றம் என்பது தெரியுமா ?

மனதில் ஒரு 'கிளிக்'; பளிச்சென்று மின்னல் போன்ற ஒரு 'ஃப்லெஷ்'.

இமயமலைக்கு ஓர் இமாலயப் பயணம் 4 : திருக்குறள் கூறும் அறங்கள்

2010-03-14T22:05:00.006+08:00

திருக்குறள் கூறும் அறங்கள்:

* அன்பாய் இருப்பது அறம்
* உண்மை இன்ப‌ம் த‌ருவ‌து அற‌ம்
* இனிமையாய்ப் பேசுவ‌து அற‌ம்
* க‌டுஞ்சொற்க‌ளைத் த‌விர்ப்ப‌து அற‌ம்
* ந‌ல்ல‌தையே நாடுவ‌து அற‌ம்
* ந‌ன்மை தராத‌வ‌ற்றைத் த‌விர்ப்ப‌து அற‌ம்
* ம‌ன‌தில் குற்ற‌ம‌ற்று இருப்ப‌து அற‌ம்

இமயமலைக்கு ஓர் இமாலயப் பயணம்:4

'கவனகர் அய்யா' தலைமையில் இமயமலை யாத்திரை.

சத்தியமான ஒன்றை இங்கு குறிப்பிட்டே ஆகவேண்டும். திருக்குறளை ஞான மறைநூலாக 'விழிப்புணர்வோடு' பார்க்கத்தூண்டியவர் 'கவனகர் அய்யா' என்று மக்களால் கனிவுடன் அழைக்கப்பெறும் திரு.இராம. கனகசுப்புரத்தினம் அவர்கள்.

திருக்குற‌ள், த‌மிழ் ச‌மூக‌த்திற்குக் கிடைத்த‌ மாபெரும் புதைய‌ல். இய‌ற்ற‌ப்பெற்ற‌ ஒவ்வொரு குற‌ட்பாவும் ஒவ்வொரு வாழ்விய‌ல் சூத்திர‌ம். வாழ்க்கைப் பிர‌ச்னைக‌ள் அத்த‌னைக்கும் தீர்வு காண‌ ஒரு நூல் உண்டென்றால், அது திருக்குற‌ள் ம‌ட்டுமேயாகும்.

* வாழ்வாங்கு வாழ‌ விரும்புவோர்க்கு அது ஒரு வாழ்க்கை நூல்
* மெய்யுண‌ர்வு பெற‌ விரும்புவோர்க்கு அது ஒரு ஞான‌ நூல்
* யோக‌ம் ப‌யில‌ விரும்புவோர்க்கு அது ஒரு யோக‌ நூல்
* அர‌சிய‌ல்வாதிக‌ட்கோ அது ஒரு அர‌ச‌ த‌ந்திர‌ நூல்
* காதல் ம‌ல‌ர்ந்த‌ இள‌ம் உள்ள‌ங்க‌ளுக்கோ அது ஒரு காத‌ல் நூல்
* அதுபோல் வ‌ணிக‌மோ தொழிலோ ந‌ட‌த்தி வ‌ள‌ம்பெற‌ விரும்புவோர்க்கு அத‌ற்குரிய இர‌க‌சிய‌ங்க‌ளைக் கூறும் தொழில்நுட்ப‌ நூல்

இப்ப‌டி ப‌ல்வேறு கோண‌த்திலிருந்து த‌மிழ்ச்ச‌மூகம் விழிப்புண‌ர்வுடன் திருக்குற‌ளைப் ப‌யின்று அத‌ன்வ‌ழி வாழ்வாங்கு வாழ வகைசொல்லும் ஒரு சான்றோர்,'பதினாறு கவனகர்' திருக்குறள் இராம‌. க‌ன‌க‌சுப்புர‌த்தின‌ம் அவ‌ர்க‌ள்.

திருக்குற‌ளுக்கு 'க‌வ‌ன‌க‌ர் அய்யா' உண‌ர்வுரை எழுதியுள்ளார்.
இவர் 1330 குற‌ட்பாக்க‌ளையும் ம‌ன‌தில் ப‌திய‌வைத்துள்ள‌ ஒர் அற்புத‌ வித்த‌க‌ர். குற‌ளின் எண்ணைக்குறிப்பிட்டால் போதும் குறளை ஒப்புவிப்பார். மற்றுமொரு ஆச்சரியம் அதற்குரிய ஆங்கில மொழிப்பெயர்ப்பயையும் ( கவியோகி சுத்தானந்த பாரதியாரால் ஆங்கில மொழியாக்கம் செய்யப்பட்டது ) இந்த அதிசய மனிதர் அணியப்படுத்தியுள்ளார்.....உதார‌ணத்திற்கு குற‌ள் எண் 34 என்றால்....

" ....ம்ம்ம் எண் முப்ப‌த்து நான்குங்க‌ளா..யா...ச‌ரி சொல்கிறேன் ச‌ரி பார்த்துகொள்ளுங்க‌ள்....

ம‌ன‌த்துக்க‌ண் மாசுஇல‌ன் ஆத‌ல் அனைத்துஅற‌ன்
ஆகுல் நீர‌ பிற.

'In Spotless mind Virtue is Found

Not in Show and Swelling sound'

என்று சிறிது நேரத்தில் கூறிவிடுவார். அதிசயமாயிருக்கும்...ஆனால் அவரோ இதுபோல் உங்களாலும் செய்ய முடியும் என்று உற்சாகமூட்டுவார்.

அக்குற‌ளின் விள‌க்கத்தை அவ‌ர‌து உண‌ர்வுரையிலிருந்து.....
( குற்ற‌ம‌ற்ற‌ ம‌ன‌நிலையே அற‌மாகும். ம‌ற்ற‌வை அனைத்தும் வெறும் ஆர‌வார‌ங்க‌ளே ).

'இந்த‌ உல‌க‌த்தைப் பொறுத்த‌வ‌ரை அற‌த்தின் ஆற்ற‌லை முழுமையாக‌ப் பெற‌வேண்டும் என்றால் ம‌ன‌த்தூய்மையை அடைந்தே ஆக‌வேண்டும்!'என்பார் திருவ‌ள்ளுவ‌ர்.

'ச‌ரி, அந்த‌ ம‌ன‌க்குற்ற‌ங்க‌ள் என்ன‌ ? என்ற‌ கேள்விக்கு அடுத்த‌ குற‌ளில் விடைய‌ளிப்பார்.

'அழுக்காறு அவாவெகுளி இன்னாச்சொல் நான்கும்
இழுக்கா இய‌ன்ற‌து அற‌ம்' ‍ ( குற‌ள் 35 )

"பொறாமை, தேவையை மீறிய‌ ஆசை, கோபம், க‌டுஞ்சொல் போன்ற‌வை ம‌ன‌க்குற்ற‌ங்க‌ள்" என்ப‌து இத‌ன் பொருள்.

இவ்வாறு 1330 திருவ‌ள்ளுவ‌ரின் குறள்க‌ளுக்கு உணர்வுரை எழுதிய‌வ‌ருட‌ன் இம‌ய‌ம‌லை யாத்திரையா ?....என்று எண்ணும் போதே ம‌ன‌துக்குள் ம‌கிழ்ச்சி பொங்கியது.

திருக்குறள் மட்டுமா....?

திரு.இராம‌.க‌ன‌க‌சுப்புர‌த்தின‌ம் அவ‌ர்க‌ள் கால‌ம் ந‌ம‌க்கு வ‌ழ‌ங்கியுள்ள‌ க‌ருத்துக் க‌ருவூல‌ம். ஞான‌க் க‌ள‌ஞ்சிய‌ம். அவ‌ர‌து உள்ள‌ம் திரும‌றைக‌ளும் அவ‌ற்றை அருளிய‌ ம‌கான்க‌ளும் ஆட்சி செய்யும் ஆன்மிக‌ அர‌சாங்க‌ம்.

"உண்மைக்கு உயிர் கொடுப்போம்" எனும் க‌ருப்பொருளுடன் ஒவ்வொரு மாத‌மும் வெளியீடு காணும் அவ‌ர‌து 'க‌வ‌ன‌க‌ர் முழ‌க்க‌ம்' என்னைப்போன்ற‌ ஞான‌சூன்ய‌ங்க‌ளுக்கு ஒரு வ‌ர‌ப்பிர‌சாத‌ம்.

'க‌வ‌ன‌க‌ர் அய்யா'வுட‌ன் தொட‌ர்புகொண்டு இம‌ய‌ம‌லை யாத்திரையில் க‌ல‌ந்துகொள்ள‌ அணிய‌மாயிருக்கிறேன் என்று 2 மாதங்களுக்கு முன்பு உறுதிய‌ளித்த‌திலிருந்து ப‌ய‌ண‌த்திற்கு இன்னும் சில‌ ம‌ணிநேர‌ங்க‌ளே....என்று நினைக்கும்போது சொல்லொன்னா இன‌ம்புரியா இன்ப‌ம்.

*புது டெல்லி பயணத்திற்கு 'சிங்கை சாங்கி விமான நிலையத்தில்' எப்ப‌டி காத்திருக்கிறேன் பாருங்க‌ள்!

சும்மாவா உட்கார்ந்திருந்தேன்...?

கையில் முதல் நாள் இரவு தண்டாயுதபானி கோவிலில் வாங்கிய‌'அருட்பெருஞ்சோதி ஞான‌ச் சித்த‌ர்' எனும் புத்த‌ம் புதிய‌ புத்தக‌ம்.

"நான் உரைக்கும் வார்த்த‌ எல்லாம் நாய‌க‌ன் சொல் வார்த்தை அன்றி நான் உரைக்கும் வார்த்தை அன்று"

இம‌ய‌ம‌லை யாத்திரை.....தொட‌ரும்.

இமயமலைக்கு ஓர் இமாலயப் பயணம் - 3

2010-03-10T14:17:00.002+08:00

முன்குறிப்பு:
நால்வர் விழா கடந்த நவம்பர் மாதம் 27 & 28 இல் இனிதே நடைபெற்றது.

நாள்: 28.11.2009

மதியம் 3 மணியளவில் நால்வர் விழா நிறைவுற்றதும் அங்கிருந்து வீட்டிற்கு விரைந்தேன். விமானம் புது டெல்லி புறப்பட இன்னும் சுமார் 8 மணி நேரம் இருப்பினும் கொஞ்சம் பதற்றமாக இருந்தேன். அன்று சனிக்கிழமையாதலால்
ஜொகூர் பாருவிலிருந்து சிங்கையை இணைக்கும் பாலம் மற்றும் சுங்கச்சாவடி எல்லாம் வாகனங்கள் அதிகமாகக் காணப்படும்.

மனம் பலவாறாக அலைபாய்ந்தது. 10 நாட்களுக்கு தேவையான உடைகள்.பயண ஏற்பாட்டுப் பை , பயண கடவுப்பத்திரம்,பயணச் சீட்டு ...இப்படிச் சிந்தையில் அடுக்கடுக்காக சரிபார்த்தது.

வீட்டிலிருந்து 6.30 மணிக்கு வெளியேறினால் பாதகமில்லை. வழியில் வாகன நெரிசல் ஏற்பட்டு தாமதமானாலும் குறிப்பிட்ட நேரத்திற்கு முன்பாகவே சிங்கை விமான நிலையைத்தை அடைந்து விடலாம்.

மனம் கொஞ்சம் நிதானத்திற்கு வந்தது.

இமயமலையைப் பற்றிய சிந்தனை.....தொடர்ந்தது.

இமயமலைக்கு ஓர் இமாலயப் பயணம் -‍ 2

2010-03-10T11:42:00.003+08:00

இமாலயப் பயணம் தொடங்கியது.....

குருவருள் இல்லையெனில் திருவருள் இல்லை என்பது எவ்வளவு உண்மை! அனுபவித்துப் பார்த்தவர்களுக்குத் தெரியும்.

அப்படியொரு அருமையான தருணம் எமக்கும் வாய்த்தது.

குருவுக்கு விழா : 2ஆம் ஆண்டாக ஜொகூர் பாரு,அருள்மிகு தண்டாயுதபாணி கோவில் ஒத்துழைப்போடு சைவத்தைத் தமிழோடு மீட்டுக் கொடுத்த சைவ சமயக் குரவர்களான திருஞானசம்பந்தர், திருநாவுக்கரசர், சுந்தரமூர்த்தி நாயனார், மாணிக்கவாசகர் நால்வருக்கும் விழா!

இனிய‌ ந‌ண்ப‌ர் திரு.பூப‌தி அவ‌ர்க‌ளின் அழைபினை ஏற்றேன்; விழா ஏற்பாட்டுக் குழுவில் துணைச் செய‌ல‌ர் பொறுப்பினையும் ஏற்றேன்.

நால்வ‌ர் விழா ஏற்பாட்டுக்குவில் தொண்டாற்றுவ‌து எம‌க்கு புதிய‌ அனுபாவம்.

இருப்பினும் விழா மிக‌ச் சிற‌ப்பாக‌ ந‌டைபெற்ற‌து. கோலால‌ம்பூரிலிருந்து சிற‌ப்புச் சொற்பொழிவாள‌ர்க‌ள் இருவ‌ர்: அ) திரு.பாலகிருஷ்ண‌ன் அவ‌ர்க‌ளும் திரு.த‌ரும‌லிங்க‌ம் அவ‌ர்க‌லும் முறையே திருஞான‌ச‌ம்ப‌ந்த‌ர் ப‌ற்றியும் திருநாவுக்க‌ர‌ச‌ர் ப‌ற்றியும் சொற்பொழிவு ஆற்றின‌ர். அவ‌ர்க‌ளை அடுத்து சிங்கை முனைவ‌ர் திரு சிவ‌குமார‌ன் அவ‌ர்க‌ள் சுந்த‌ர‌மூர்த்தி சுவாமிக‌ள் தொட‌ர்பான‌ ப‌ழ‌ஞ்செய்திக‌ளை வேறொரு கோண‌த்தில் அணுகி எடுத்துரைத்தார்.

விழா 2ஆம் நாள் இர‌வு ப‌ய‌ண‌ம். ம‌திய‌ம் ம‌ணி 3வ‌ரை நால்வ‌ர் விழாவில் இருந்தேன்.

இமயமலைக்கு ஓர் இமாலயப் பயணம்: படம் சொல்லும் கதை 1

2010-03-08T13:43:00.006+08:00

இமயமலைக்கு ஓர் இமாலயப் பயணம்: படம் சொல்லும் கதை 1

அனைவருக்கும் வணக்கம்.

இமயமலைக்கும் இந்த படத்திற்கும் என்னையா தொடர்பு என்று சிலர் யோசிப்பதும் .....

இமயம‌லைக்கா....?

எப்போது சென்றீர்....?

உம‌க்கு வேலை வெட்டி இல்லையா.....?

என‌ யோசிப்ப‌தும்... புரிகிற‌து.

அதையெல்லாம் பிற‌கு கூறுகிறேன்.

முத‌லில் உங்க‌ளுக்கு ஒரு புதிர்க் கேள்வி.
மேலே காணப்படும் இலத்திரன் படம் எங்கு எடுக்கப்பட்டது அல்லது எந்த நாட்டு விமான நிலையத்தில் இருக்கிறது ?

ச‌ரியாக‌ச் சொல்ப‌வ‌ர்க‌ளுக்கு ஆயிர‌ம் வெள்ளியெல்லலாம் த‌ருகிறேன் என்று ஏமாற்ற‌ விரும்ப‌வில்லை. 'சும்மா இருந்து சுக‌ம் காணும்' நிலைக்கு முய‌ற்சி செய்து கொண்டிருப்ப‌தால் 'சும்மா' ஒரு கேள்வி.

விடை தெரியுமா...? ம‌றுமொழி தாருங்க‌ள்.

( ப‌ய‌ண‌க்க‌ட்டுரை எழுதலாம் என்றுதான் ஆசை.ஆனால் ப‌ட‌க்க‌ட்டுரையாக‌ அல்ல‌வா மாறிவிட்ட‌து....என்ன‌ செய்ய‌ ?)

இனிய புத்தாண்டு வாழ்த்துகள் 2010

2010-01-01T23:42:00.004+08:00

அனைவருக்கும் இனிய புத்தாண்டு வாழ்த்துகள் 2010.
உங்கள் வாழ்வு வளம்பெற இறைவனைப் பிரார்த்திக்கிறேன்.

இமயத்திலிருந்து கங்கை நதி...

2009-11-06T10:50:00.005+08:00

[Permission is granted to copy, distribute and/or modify this document under the terms of the GNU Free Documentation License, Version 1.2 or any later version published by the Free Software Foundation; with no Invariant Sections, no Front-Cover Texts, and no Back-Cover Texts. Courtesy of GNU Free Documentation .]

இந்திய நாட்டில் கங்கை நதியானது பல கோணங்களில் பிரசித்திப்பெற்றது.ஆன்மீக யாத்திரீகளுக்கு கங்கை அன்னையாகக் காட்சியளிக்கிறாள். அப்பன் ஆதிசிவன் இப்புவியில் முதன் முதலில் குடிகொண்ட தளம் இமயமலையாகும்.

இமயமலையில் 14 அடி உயரத்தில் 'சூகோமுக்' என்ற குகையிலிருந்து கங்கை நதி உற்பத்தியாகிறது. அங்கு கங்கா தேவியின் கோயில் ஒன்று உள்ளது. இந்த கோயிலுக்கு ஒரு மகத்துவம் உள்ளது. நவம்பர் மாதம் முதல் மே மாதம் வரை 'பனி' மூட்டம் காரணமாக இக்கோயிலை தரிசிக்க இயலாது. ஆனால் கோயிலை மூடும்போது உள்ளே ஒரே ஒரு தீபம் மட்டும் ஏற்றி விடுவார்கள். இந்த தீபம் கடுங்குளிர் பனியிலும் அனையாமல் கோடை காலத்தில் கோயிலை திறக்கும் போதுகூட எரிந்து கொண்டிருக்குமாம்.ஆச்சரியம் தானே!

மௌனம் ஒரு மொழி

2009-11-04T23:25:00.002+08:00

தடாகம் நிறைந்த நீர்

ஒற்றையாய் மலர்ந்துள்ளது

வெள்ளை மனம்!

இலத்திரன் படம்தான்

காட்சிக்குள் சிக்க வைக்கும் இலாவகம்தான்

மௌனக்கலை!

நீர் உயர தான் உயரும்

ஓரறிவு நீர்வாழ்தாவர‌ இலை சொல்லும்

பற்றற்றத் தத்துவம்!

ஆக்கம்: தேவன்

சுவாமி சத்யானந்தா அவர்களின் நூற்றாண்டு விழா

2009-07-15T13:00:00.007+08:00

[Image Source: Courtesy of http://thestar.com.my/health/story.asp?file=/2009/7/12/health/4297967&sec=health ]

மலாயாவில் நாடு சுதந்திரம் அடைவதற்கு முன்னர் பல மகான்கள் நாட்டிற்காகவும், இனம், மொழி, சமயம் மற்றும் பண்பாடிற்காகவும் சேவையாற்றியவர்கள் பலர் வாழ்ந்துள்ளனர். அவர்களைப் பற்றி இன்றைய இளையோர் அறியாமல் இருக்கின்றனர். புனித சேவையாற்றியர்களை மறக்கக்கூடாது.

அவர்களில் உயர்ந்த ஜீவனாக மலாயா மக்களிடையே 1940 களில் சேவையால் பிரபலமடைந்த, சுவாமி சத்யானந்தா என்பவர் ஆவார். இந்த மகான்தான் 1950இல் சுத்த சமாஜம் (Pure Life Society)எனும் சேவையமைப்பையும் பின்னர் 1956இல் அனைத்துச் சமய புரிந்துணர்வு மன்றத்தையும் ( Malayan chapter of World Council for Interfaith Cooperation,WCIC ) தோற்றுவித்தார்.

இன்று மலேசிய சுத்த சமாஜம் சுவாமி சத்யானந்தாவின் நூற்றாண்டு விழாவை கொண்டாடுகிறது.

சுவாமி சத்யானந்தா ஜூலை 15, 1909இல் இலங்கையில் பிறந்தார். சிறுவனாகத் தம் பெற்றோருடன் ஈப்போவில் குடிபெயர்ந்தார். அவர் தந்தை அங்கு விவசாயத்தில் ஈடுபட்டார். அவரது 10வது வயதில் அவரின் தந்தை காலமானார்;ஓராண்டிற்குப் பிறகு அவர் தாயையும் இழந்தார். உறவினர் ஒருவரின் ஆதரவில் சேய்ன்ட் மைக்கல் எனும் கிருஸ்துவப் பள்ளியில் கல்வியை ஆரம்பித்தார். வீட்டில் இந்து சமயத்தையும் புத்த சமயத்தையும் பயின்று வாழ்ந்த வேளையில், வெளியே இஸ்லாம் சமயத்தைப் பற்றியும் தெரிந்து கொண்டார். எனவே, இளமையிலேயே ஆன்மீக நாட்டமும் ஈடுபாடும் வெளிப்பட்டது.

தம்முடைய இளமைக் காலத்தில் உலகத்தில் உயர்ந்த மகான்கள், அறிஞர்கள், துறவிகள், அடியார்கள் பற்றிய பல விசயங்களைக் கற்று வந்தார். ஆன்மீக நாட்டம் இவரை பிற்காலத்தில் பிரமச்சாரியாக, சுவாமியாக செப்பனிட வழிவகுத்தது.

இளவயதிலேயே சிங்கப்பூருக்குச் சென்று விவேகானந்தர் பள்ளியிலும், இராமகிருஷ்ண பணிமனையிலும் சேவையாற்றினார். பிற்காலத்தில், மகான் இராமகிருஷ்ணரின் சீடரான சுவாமி விஜ்னானந்தா அவர்களின் சீடரானார்.

அடிப்படை ஆன்மீக விசயங்களைத் தெரிந்து வைத்திருந்தாலும், முறையாக சமயக் கல்வியையும், தத்துவம், சமஸ்கிருதம், தமிழ் மொழியென பல்வேறு கல்வி நிலையங்களில் பாடம் பயின்றார். இவர் தத்துவத்துறையில் முனைவர் பட்டம் பெற்றவர் என்பது குறிப்பிடத்தக்கது.

1940 இல் சிங்கப்பூர் திரும்பிய சுவாமி சத்யானந்தா அவர்கள், அங்கு விவேகானந்தா ‍ஆண்கள் பள்ளி மற்றும் சரமணி பெண்கள் பள்ளியிலும் முதல்வராகச் சேவையாற்றினார்.அக்காலக் காட்டத்தில், சமூக விழிப்புணர்வு, மொழி, கலை மற்றும் பண்பாடு தொடர்பான கட்டுரைகளைத் தமிழ், ஆங்கில நாளிதழ்களில் எழுதி வந்தார்.அவர் எழுதிய " Glimpses of Malayan History and Influences of Indian Culture on Malaya " எனும் நூல் Malayan Civil Service Examination - MCSE " தேர்வுக்கான பாட நூலாக அங்கீகரிக்கப்பட்டது என்பதும் குறிப்பிடத்தக்கது. சமயம் மற்றும் அனைத்து சமய நல்லினக்கம் பற்றி பல்வேறு சொற்பொழிவுகளை ஆற்றியுள்ளார்.

1940களில் "சுத்த சமாஜம்" வழி அனாதைக் குழந்தைகளுக்கான ஆசிரமத்தை நிறுவியதுடன் மலாயாவின் அரசியல் சமூக வரலாறுகள் பற்றியும் இந்து சமயம் பற்றியும் நூல்கள் எழுதினார். பிரமச்சாரி கைலாசம் என்பது அவருடைய மற்றொரு பெயராகத் திகழ்ந்தது. அவருடைய நூல்களில் குறிப்பிடத்தக்கன: 1940இல் "மலாயா சரித்திரம்"; 1941 இல் "மலாயா தேசிய சரித்திரக் காட்சிகள்"; 1950 இல் "கண்ணன் சரித்திரம்"; 1952 இல் " நமது சமய விளக்கம்" மற்றும் 1953 இல் "உயர்ந்தோர் உலகு" போன்றவையாகும்.

ஏழைகளுக்கும் அனாடைக் குழந்தைகளுக்கும் தமது சேவையை சிங்கப்பூரிலும் மலாயாவிலும் தொடர்ந்தார். அவரது சீடராக அம்மா 'மங்களம்' இன்றுவரை மலேசியாவில் சுத்த சமாஜத்தை நிர்வகிக்கிறார்.

சுவாமி அரவிந்தரின் சீடரான யோகி சுத்தானந்த பாரதியின் வழிகாட்டுதலின் பேரிலும் கேட்டுக்கொண்டதற்காகவும் சுவாமி சத்யானந்தா அவர்கள் "Pure Life Soceity" மலாயாவில் தோற்றுவித்தார்.

அவரது நெருங்கிய நண்பர்கள் மற்றும் ஆதரவாளர்களுடன் 1948இல் "Pure Life Soceity " சுத்த சமாஜம் தோற்றுவிக்கப்பட்டு பின்னர் த‌ம்முடைய 41வது பிறந்த நாளின் போது, ஜூலை 15, 1950 இல் முறையாக பதிவுசெய்யப்பட்டது. கடந்த 60 ஆண்டுகளில் பல ஆனாதக் குழந்தைகள் சுவாமி சத்யானந்தாவின் ஆதரவிலும் மங்கலம் அம்மா அவர்களின் அன்பிலும் வளர்ந்திருக்கிறார்கள். தூய அன்பின் ஊற்றாக 'சுத்த சமாஜம்' திகழ்ந்து வந்துள்ளது. சுவாமி சத்யானந்தாவின் நூற்றாண்டு விழா இன்று முதல் ( 15 - 18th JULY, 2009 ) வரை பல்வேறு கண்காட்சி, மாநாடு, சொற்பொழிவு என நடைபெறுகின்றது.

‍நன்றி:The Star கட்டுரை மூலத்திலிருந்து ஒரு பகுதி எடுத்தாளப்பட்டுள்ளது.

மேல்விவரங்கள் பெற தொடர்பு கொள்க: 03-77829391, 03-77851087, 03-77828303 மின்னஞ்சல் முகவரி info@purelife.org.my

“The more the ego is eliminated, the nearer man goes to the source of his life.” – Swami Satyananda.

அன்பும் நட்பும்

2009-06-24T10:39:00.008+08:00

உயிரின் உறைவிடமே அன்பு. அன்பு இல்லாதவர்கள் எலும்பும் தோலும் வெறுமனே போர்த்திக்கொண்டு உலவும் தசைப் பிண்டங்கள் என்கிறார் வள்ளுவ மாமுனிவர்.

அன்பின் வழியது உயிர்நிலை அஃதிலார்க்கு

என்புதோல் போர்த்த உடம்பு.( குறள் 80 )

நம் உடலின் 'உள் உறுப்பாகிய' அன்பு என்னும் மின் ஆற்றல் இல்லாமல் வெளி உறுப்புகளாகிய ஐம்பொறிகளால் என்ன பயன்? என்று வினவுகிறார் வள்ளுவப் பெருந்தகை.தொடு உணர்வுக்குத் தோல், சுவையுணர்வுக்கு வாய், நுகருணர்வுக்கு மூக்கு, பார்வைக்குக் கண் மற்றும் கேட்பதற்குச் செவி என ஐந்தறிவை புறத்தே வைத்த இறைவன் ஆறாவது அறிவாகிய 'மனம்' எனும் ஆற்றலை நெறிப்படுத்த அன்பை அகத்தே வைத்தான்.

அன்பு எப்படிப் பட்டதாய் இருக்க வேண்டும்? தேவைக்காகக் காட்டும் அன்பா ? இயல்பாய் மலரும் அன்பா ?

தேவக்காகக் காட்டும் அன்பு, தேவை முடிந்ததும் மறைந்து விடும். உண்மை அன்பு இயல்புகளால் இணைந்தது; ஒத்துப் போவதால் மலர்ந்தது.
தேவைக்காக் காட்டும் அன்பு ஏதோ ஒரு நோக்கத்தைச் சார்ந்தது. காரியம் நிறைவுபெற்றதும் மறையும். உண்மை அன்பு என்பது 'வேண்டுதல் வேண்டாமை இலான் அடி....' என்று திருக்குறள் வெளிக்கொணரும் கடவுள் த‌ன்மையை ஒத்தது.

அத்தகைய உண்மை அன்பு ஆராய்ச்சிக்கு அப்பாற்பட்டது. மெய்யுணர்வு சம்பந்தப்பட்டது.

அன்பின் அருமையை, மனம் உருகி வெளிப்படும் கண்ணீர் ஊரரிய உணர்த்திவிடும். அத்தகைய‌ அன்பை வெறும் தாழ்ப்பாள் இட்டா அடைக்க முடியும் ? அன்பு உடைமை எனும் அதிகாரத்தில் முதற்குறளாக வருகிறது இவ்வாறு...

அன்பிற்கும் உண்டோ அடைக்கும்தாழ் ஆர்வலர்

புன்கண்ணீர் பூசல் தரும். ( குறள் 71 )

உண்மை அன்பு இயல்பாய் மலரும். மலர் பேசும் மொழி உலகறியும். மலரின் தன்மை பருவம் வந்ததும் மலர்வது; அவ்வளவுதான்.
அதை விடுத்து, "ஏன் மலர்ந்தது? எப்போது மலர்ந்த‌து? யாருக்காக மலர்ந்த‌து ? என்ற தர்க்கவாத வினாக்கள் எல்லாம் தேவையில்லாதது.

அதேபோல்தான் உண்மையான அன்பு, அதன் விளைவாய்ப் பிறக்கும் நட்பு கூட இப்படித்தான். உண்மையான நண்பர்கள் பார்த்துக் கொள்ள வேண்டிய அவசியம் இருக்காது. 'இங்குதான் இருக்கிறான் அல்லது இருக்கிறாள்' என்ற நினைப்பு மட்டும் இணைக்கும் உறவுப்பாலத்தை! எண்ண அலைகள், உணர்வலைகளாக இருவருக்கிடையே ஓடிக்கொண்டே இருக்கும். ஒத்த‌ சிந்தனை கொண்டவர்களின் எண்ண ஓட்டமும் அத்தகையது.

உண்மை அன்பை உணர்வோம்; அந்த அன்பின் வழி பிறக்கும் உண்மை நண்பர்களை அடையாளம் காண்போம். தன் தேவைகளுக்காக மட்டும் பழகும் போலி நட்புகளைப் புரிந்து கொள்வோம். இயல்பாய்ப் பொங்கும் அன்பே நிலைத்து வாழும்.

தகவல் யுகத்தில் கல்விப் புரட்சி

2009-06-22T14:26:00.006+08:00

உலகமயமாயிருக்கும் இன்றைய கணினி யுகத்தில் தமிழ் மின்னாக்கம் பெற்று இன்தமிழ் மின்தமிழாய் இணையத்தில் பவனிவருகின்றது. உலகம் தகவல் தொடர்பு தொழில்நுட்பத்தின் வழி துரித வளர்ச்சியைப் பெற்று வரும் இத்தருணத்தில் கல்வித் துறையில் கணினி மற்றும் இணையத்தின் வளர்ச்சியானது பிரமிக்கவைக்கின்றது.

கணினிவழி மொழி கற்பித்தல் கல்வித்துறையில் பல பரிணாமங்களைத் தாண்டி விட்டது. ஒருவர் புதிய பாடமொன்றைக் கற்றுக் கிரகித்தலின் காலம் வழக்கமான கற்றலைவிட கணினி மற்றும் பல்லூடகத்தின் துணை கொண்டு கற்கும் நேரம் வெகுவாகக் குறைந்துள்ளது என்று ஜேம்ஸ் கூளிக் ( 1985,1988 ) எனும் கல்வியாளர் குறிப்பிட்டுள்ளார். அடிப்படையில், கணினி மற்றும் தகவல் தொடர்பு தொழில்நுட்பத் துறை சார்ந்த பல்லூடகத் துணைக்கருவிகளின் வருகை கல்வியுலகில் விவேகமான கற்றல் கற்பித்தல் சூழலுக்கு இட்டுச்சென்றுள்ளது.

தகவல் தொழில்நுட்பத் துறையை இரு அடிப்படைக் கூறுகளாகப் பகுக்கலாம். ஒன்று அறிவுக்கூறு; மற்றொன்று தொழில்நுட்பக்கூறாகும்.

தொழில்நுட்பக்கூறானது மின்னியல் ஊடகங்களான கணினி, தொலைத்தொடர்பு சாதனம், பல்லூடகத் தகவல் பெறுவழி மற்றும் இதைச்சார்ந்த புதிய தகவல் தொடர்பு நுட்பங்களை ஒருங்கிணைத்து பயன்படுத்துவதை ஊக்குவிக்கின்றது.

கணப்பொழுதில் செய்தி பரவலாக்கம் என்பது சர்வசாதாரணமாகிவிட்ட இத்தகவல் யுகத்தில் இந்த அதிவிரைவுத் த‌கவல் பரிமாற்றமும் பரவலாக்கமும் புத்தாக்கச்சிந்தனைக்கு வழிவகுக்கின்றது. குறிப்பிட்டுச் சொல்லப்போனால், தகவலுக்கும் அறிவிற்கும் தனித் தன்மையை ஏற்படுத்துகின்றது.இந்தத் தகவலும் அறிவும் புதிய கண்டுபிடிப்புகளுக்கும் அதன் தொடர்பான பணிகளுக்கும் அடித்தளமாக அமைகின்றன.

நுண்ணறிவு (Intelligence) கலந்த மனித அறிவானது(Human Knowledge) சிந்தனையாற்றலை(Thinking Skills முடக்கிவிடும்

வல்லமைபெற்றுள்ளது. இந்த மூன்றின் கலவைதான் தகவல் யுகத்தில், சமூகப் பொருளாதார வளர்ச்சிக்கு வித்திடப்போகின்றன.

21ஆம் நூற்றாண்டின் கல்விப் புரட்சிக்கு தகவல் தொடர்பு தொழில்நுட்பமும் பல்லூடகப் பரவலாக்கமும் பெரும் பங்காற்றிவருகின்றன. தகவல் யுகம் எதிர்பார்க்கும் பண்புகளைக் கொண்ட மனித ஆற்றலை உருவாக்குவதே கல்வித்துறையில் பாடத்திட்டதின் நோக்கமாக இருக்கவேண்டும் என்பதை கல்வியாளர்கள் உண‌ர்ந்திருக்கிறார்கள்.

தகவல் யுகத்தின் அத்தியாவசியத் தேவைகளைப் பூர்த்திசெய்யும் கல்வி முறையே இன்று தேவை என்பதை ஏற்றுக்கொண்டு அதற்கு ஈடுகொடுக்கும் வகையில் பாடத்திட்டங்கள் வடிவமைக்கப்பட வேண்டும். பழைய கல்வி முறையையே பயன்படுத்திவரும் நாடுகள், தகவல் யுகம் கொண்டுவரும் அதிவிரைவு மாற்றங்களுக்கு ஈடுகொடுக்க இயலாமல் வளர்ச்சி பெறாமல் போய்விடும் அபாயம் உண்டு.

இன்றைய தகவல் யுகத்தில் பயின்றுவரும் மாணவர்கள் பன்மடங்கு அதிகமான தகவல் தொடர்பு சாதனங்களைப் பயன்படுத்தி வருகிறார்கள், சவால்களையும் எதிர்நோக்குகிறார்கள். இந்நவீன தொழில்நுட்பப் பயன்பாடு விளைபயன்மிக்க மாற்றங்களை, புத்தாக்கச் சிந்தனைகளை மனிதவள மேம்பாட்டிற்கு ஏற்படுத்தவேண்டுமானால், தகவல் யுகத்திற்கான கல்வித் திட்டமும் வடிவமைக்கப்பட்டு தொடர்ச்சியான கண்காணிப்பும் மேற்கொள்ளப்பட வேண்டும்.

நாள் காட்டியும் கண்ணதாசனும்

2009-06-20T20:30:00.005+08:00

நாள்காட்டி கிழிக்கும் போது பாட்டு வருமா?

இன்று வந்ததே.. கொஞ்சம் இடைவெளி விட்டு விட்டு!

இன்று கண்ணதாசன் பிறந்தநாள். (உண்மையா? )

நாள்காட்டி உபயம் தெரியவந்தது.

தத்துவ ஞானிகளின் கூற்று எப்போதுமே பொய்த்தது இல்லை.அறிவுக்குள் உணர்ச்சியும் உணர்ச்சிக்குள் அறிவுமாகப் பின்னப்பட்ட ஓர் அழகிய ஆடை என்கிறார்கள் வாழ்க்கையை!

இந்த வாழ்க்கைப் பயணத்தில் தடை நேர்கிறது என்றால்....அந்தத் தடைக்கு அறிவு, உணர்ச்சி என்னும் இந்த இரண்டு அம்சங்களில் ஏதோ ஒன்றில் 'தொழில்நுட்பச் சிக்கல்' ஏற்பட்டுள்ளது என்று தெளிவு பெறுங்கள் என்கிறார்கள்.

கொஞ்சம் யோசித்துப் பார்த்தால் விளங்காத விசயங்கள் கூட‌ எளிதாகப் புரிந்துவிடும்.

உணர்ச்சிசார்ந்த சிக்கல்களுக்குக் கொஞ்சம் அறிவைக் கலந்தால் சரியாகிவிடும்; அறிவு சார்ந்த சிக்கல்களுக்குக் கொஞ்சம் உணர்ச்சியைக் கலந்தால் சரியாகிவிடும்.

கவியரசு கண்ணதாசன் பாடல்களிலும் இந்தச் சூட்சுமம் நிறைந்துள்ளது.

80களில் கவியரசு கண்ணதாசன் பாடல்கள் என்று சொல்லத் தெரியாமல் எம்.ஜி.ஆர் பாட்டு, சிவாஜி பாட்டு என்று நண்பர்களுடன் அரட்டையடித்த காலங்களை நினைவுபடுத்திப் பார்க்கிறேன்.

அது ஒரு கானாக் காலம்....

வாழ்க்கை பற்றிய பயமறியா விடலைப் பருவம்.உண்மையிலேயே வாழ்க்கையென்றால் என்னவென்று தெரியாது ...ஆனாலும் ஏதோ தெரிந்தது போல் காட்டிக் கொள்வதற்கு துணைகொடுத்தது கண்ணதாசன் பாடல்கள்தான்.

அப்படி அடிக்கடி அசைபோட்ட பாடல் இதுதான்...

வாழ்க்கையே அலைபோலே.....

நாமெல்லாம் அதன்மேலே...

ஓடம்போலே ஆடிடுவோமே......வாழ்நாளிலே...

சும்மா நையாண்டி செவதாக எண்ணிக்கொண்டு பாடிய பாடல் ஒன்று நினைவுக்கு வருகிறது.

போனால் போகட்டும் போடா..

இந்த பூமியில் நிலையாய் வாழ்ந்தவர் யாரடா..

போனால் போகட்டும் போடா...!

ஆனாலும் உற்சாகம் குறையாமல் சுதந்திர மனப்பான்மையுடன் இரம்மியமாய்ப் பாடிய‌ பாடலும் உண்டு.

காற்று நம்மை அடிமை என்று விலகவில்லையே,

கடல் நீரும் அடிமை என்று சுடுவதில்லையே!

காலம் நம்மை விட்டு விட்டு நடப்பதில்லையே!

காதல் பாசம் தாய்மை நம்மை மறப்பதில்லையே...!

அதோ அந்த பறவை போல வாழவேண்டும்

இதோ இந்த அலைகள் போல ஆடவேண்டும்

ஒரே வானிலே ஒரே மண்ணிலே

ஒரே கீதம் உரிமை கீதம் பாடுவோம்!

சில சம்யங்களில் சோகம் கப்பிப் கொண்டு சோம்பி இருக்கும் போது ஒருகணத்தில் மனசு அதுபாட்டுக்கு நம்பிக்கையூட்டும் பாட்டைத் தட்டி விடும்....

வாழ்க்கை என்றால் ஆயிரம் இருக்கும்

வாசல் தோறும் வேதனை இருக்கும்

வந்த துன்பம் எது வென்றாலும்

வாடி நின்றால் ஓடுவதில்லை

எதையும் தாங்கும் இதயம் இருந்தால்

இறுதி வரைக்கும் அமைதி இருக்கும்

அண்மைக் காலத்தில் மக்களின் மனதில் நம்பிக்கையூட்டி பட்டி தொட்டிகளிலெல்லாம் ஒரு கலக்கு கலக்கிய பாட்டு உண்டென்றால் அது "ஒவ்வொரு பூக்களுமே' என்ற பாடல்தான். இப்பாடல் கண்ணதாசனின் "மயக்கமா கலக்கமா" பாடலை ஒத்தது; ஒரு வகை தொடர்ச்சி என்று கூட சொல்லலாம்.

புதிய பாடல்களின் வரிகள் பெரும்பாலானவை அவ்வளவு விரைவில் மனதில் தங்காது.( புதிய பாடல் அபிமானிகள் பொறுத்துக் கொள்ளவும் ) ஆனால் கண்ணதாசன் பாடல் வரிகள் காலத்தைக் கடந்து நினைவில் நிற்கிறது.

இன்னொரு ஆச்சரியமான விசயம் என்னவென்றால்...அதன் இசையும் மனசின் இன்னொரு 'ட்ரெக்'கில் ஓடிக்கொண்டிருக்கும்.

இப்படித்தான் இன்று விட்டு விட்டு கண்ணதாசன் பாடல்கள் 'ஹம்மிங்' செய்து கொண்டிருக்கையில் புதிய‌பாடல் ஒன்றும் 'க்ரொஸ் ட்ரெக்' செய்தது....

கண்ணதாசா கண்ணதாசா வருவாயா....

என் விழியோரமாய் மை எடுப்பாயட........

என் இதழ்மிதிலே கவிவடிப்பயடா

என்னமெச்சு மெச்சு லச்சம்லச்சம் பாட்டு மீண்டும் பாடு..

கண்ணதாசா கண்ணதாசா வருவாயா....

காலத்தைக் கடந்து வாழும் கண்ணதாசன் புகழ் புதிய படாலாசிரியர்களையும் விட்டு வைக்க வில்லை போலும்.

பி.கு: நாள்காட்டியில் அச்சுப்பிழையா? ஏனெனில் கவியரசு கண்ணதாசன் பிறந்த நாள் ஜூன் 24 என்று சிலர் குறிப்பிடுகிறார்கள். எது எப்படி இருப்பினும், வாழ்க அவரது புகழ்!

*வாழ்க்கை நெருக்கடிகளைக் குறைக்க இலக்கியமும் இசையும் கூட துணைபுரிகின்றது.

ஆசிரியம் - கல்வியியல் புத்தக வெளியீடு

2009-06-16T11:45:00.006+08:00

கடந்த ஞாயிற்றுக்கிழமை ( 14.06.2009 )மாலை 5.00க்கு மலேசியா, கோலாலம்பூரிலுள்ள துன் சம்பந்தன் கட்ட‌டத்தின் 'சோமா' அரங்கில் 'மலேசியாவில் தமிழ்க் கல்வியும் கற்றல் கற்பித்தலும்' எனும் கருப்பொருளுடன் அடங்கிய கல்வியியல் ஆய்வுக் கட்டுரைகளின் தொகுப்பு நூலான 'ஆசிரியம்' வெளியீடு கண்டது.

இந்நூலின் ஆசிரியர் சுல்தான் ட்ரிஸ் ஆசிரியர் பல்கலைக்கழகத்தின் இணைப் பேராசிரியர் முனைவர் என்.எஸ்.இராஜேந்திரன் ஆவார்.

த‌‌மிழ்ப்ப‌ள்ளியில் த‌ன்னுடைய‌ ஆர‌ம்ப‌க் க‌ல்வியை தொட‌ங்கிய‌தாலும், தமிழாசிரிய‌ராக‌ப் ப‌யிற்சிப் பெற்றுப் ப‌ணியாற்றிய‌வ‌ர் என்ற‌ நிலையிலும், ஆய்வு நிலையில் நூலாசிரியர் தொகுத்த‌ க‌ட்டுரைக‌ள் யாவும் ப‌ல்வேறு த‌ர‌ப்பின‌ருக்கும் ப‌ய‌ன‌ளிக்கும் வ‌கையில் அமைந்துள்ள‌து.

க‌‌ட‌ந்த‌ 1992ஆம் ஆண்டு முத‌ல் ப‌ல்வேறு மாநாடுக‌ளில் ப‌டைக்க‌ப்ப‌ட்ட‌ க‌ட்டுரைக‌ளும், சிற‌ப்பு நிக‌ழ்வுக‌ளுக்காக‌ எழுத‌ப்ப‌ட்ட‌ க‌ட்டுரைக‌ளும் ம‌ற்றும் ம‌லேசியாவில் த‌மிழ்க்க‌ல்வி க‌ற்ற‌ல் க‌ற்பித்த‌ல் தொட‌ர்பான‌ ப‌ல்வேறு வ‌ர‌லாற்றுச் சான்றுக‌ள் அட‌ங்கிய‌ நூல் 'ஆசிரியம்'. மலேசியத் தமிழ்க் கல்வியியலில் முதல் தமிழ் நூல் என்றுகூட‌ குறிப்பிட‌லாம்.
நீண்ட‌ வ‌ர‌லாற்றினைக் கொண்ட‌ ம‌லேசிய‌த் த‌மிழ்க் க‌ல்வி ம‌ற்றும் க‌ற்ற‌ல் க‌ற்பித்த‌ல் ப‌ற்றிய‌ வ‌ள‌ர்ச்சியினை, ச‌வால்க‌ளை, செல்நெறிக‌ளை ஆசிரிய‌ர் ப‌ட‌ம் பிடித்துக் காட்டியுள்ளார். இம்முய‌ற்சிம‌லேசியா ம‌ற்றும் இத‌ர‌ நாடுக‌ளிலுள்ள‌ த‌மிழ் ஆய்வாள‌ர்க‌ளின் வ‌ர‌வேற்பைப் பெறும் என்று நம்புகிறார், இணைப் பேராசிரிய‌ர் முனைவ‌ர் என்.எஸ்.இராஜேந்திர‌ன் அவ‌ர்க‌ள்.

உமா பதிப்பகத்தின் வெளியீடான இந்நூலை ம‌லேசிய‌ அமைச்ச‌ர் டாக்ட‌ர் சுப்ர‌ம‌ணிய‌ம் அவ‌ர்க‌ள் வெளியீடு செய்தார்.

எண்ணங்களே....வண்ணங்களாய்..!

2009-05-21T23:44:00.002+08:00

சும்மா... கண்ணை மூடிக்கொண்டு உங்களுக்குப் பழக்கப்பட்டவர்களை உங்கள் மனத்திரையில் கொண்டுவர முடியுமா ? முடிந்தால் மேலே படியுங்கள்; மனோவண்ணங்களைக் கண்டுபிடியுங்கள்!மனத்திதையில் பிரதிபலிக்கும் வண்ணங்களின் தன்மைகளைக் கொண்டு ஒருவரது எண்ணங்களைப் புரிந்து கொள்ள முடியுமாம்!அதற்கு முன், வண்ணங்கள் என்ன எண்ணங்களைக் குறிக்கின்றன என்று தெரிந்து கொள்ளுங்கள்.......இதோ வண்ணங்களின் தன்மைகள்:

சிவப்பு:

தெளிவாக சிவப்பு ஒளி பிரகாசித்தால் நல்ல ஆரோக்கியத்தையும் அதிகமான ஆழமான பாலுணர்வையும் குறிக்கும். மங்கலான சிவப்பு வண்ணம் கோபம்-வெறுப்பு மற்றும் எதிர்மறை எண்ணங்கள் - வஞ்சத் தன்மைகளைக் குறிக்கும்.

ஆரஞ்சு:

தெளிவாகவும் பிரகாசமாகவும் ஆரஞ்சு வண்ணம் தெரிந்தால் இவர்கள் மிகவும் கெட்டிக்காரர்களாகவும் மனவுறுதி படைத்தவர்களாகவும் இருப்பார்கள். மதிப்பு- மரியாதை ஆகிய பண்புகள் இவர்களிடம் இருக்கும். மங்கலான ஆரஞ்சு வண்ணம் - நம்பகமில்லாத தன்மைகளையும் மதிக்காத குணம் - தூக்கியெறிந்து பேசும் தன்மை மற்றும் அதிக விபரம் இல்லாதவர்களாகத்தான் இருப்பார்கள்.

மஞ்சள்:

பிரகாசமான மஞ்சள் வண்ணம் நல்ல உடல்வாகு - கவர்ச்சி - மதிப்பு - மரியாதை ஆகிய குணங்களை வெளிப்படுத்துகிறது. மற்றும் பலரையும் உபசரித்து மகிழ்வதில் விருப்பம் உள்ளவர்களாக இருப்பார்கள். மங்கலான மஞ்சள் ஒளியுள்ளவர்கள் நம்ப முடியாது.நயவஞ்சகத் தன்மை உள்ளவர்கள். இவர்கள் செயல்களும் பதட்டம் அவசரத் தன்மை இருக்கும்.

பச்சை:

நல்ல தெளிவான பச்சை வண்ணம் பிரகாசமாக இருந்தால் அது நேர்மை , நியாயம், அன்பு, பாசம் ஆகியவைகளைக் குறிக்கும். இவர்கள் உண்மையானவர்களாகவும் இருப்பார்கள். நமது வளர்ச்சிக்கும் உயர்வுக்கும் உதவி செய்வார்கள். மங்கலான பச்சை வண்ணம் - போட்டி, பொறாமைக் குணங்களைக் குறிக்கும்.

நீலம்:

நல்ல பிரகாசமான நீல வண்ணம் உங்களுக்கு அமைதியையும் அன்பையும் தரக்கூடியது. கிரியாசக்திகள் நன்கு செயல்படுவதை இந்த பிரகாசமான நீல ஒளி குறிப்பிடுகிறது. இவர்கள் நல்லதையே செய்வார்கள். பிறருக்கு உதவி செய்வார்கள். மங்கலான நீல ஒளி சாதாரணமானவர்களாகத்தான் இருப்பார்கள்.

இண்டிகோ -

கருநீலம்: இந்த வண்ணம் சூட்சும சக்திகளின் ஆற்றல்களை வெளிக்காட்டுகிறது. தெளிவான கருநீலம் உள்ளவர்கள் சூட்சும சக்திகளை இயக்கத் தெரிந்தவர்களாக இருப்பார்கள். உன்னத யோக நிலையை அடைந்தவர்கள். இவர்கள் ஞானிகள் யோக சித்திகள் அடைந்தவர்களாகவே அமைதியுடனும் ஆனந்தத்துடனும் அன்பு ஒளியை பரவச் செய்து கொண்டும் இருப்பார்கள்.

வயலட் - ஊதா:

நல்ல தெளிவான ஒளி பிரகாசத்துடன் வயலட் வண்ணம் ( ஊதா / கத்தரிப்பூ) தெளிவாக இருப்பதால் இவர்கள் மகான்கள்தான். எல்லாம் அறிந்தவர்களாக இருப்பார்கள். வயலட் - தங்க வண்ணம் - பச்சை போன்ற வண்ணங்களையும் பிரகாசிப்பவர்கள். மக்களுக்கு வழிகாட்டியாகவும் ஆன்மீக குருமார்களாகவும் ஆற்றல் மிகுந்து திகழ்வார்கள்.

ஆசிரியர் தன் மாணவர்களுக்கு எவற்றைக் கற்பிக்க வேண்டும் - ஆபிரகாம் லிங்கன்

2009-02-24T19:43:00.002+08:00

ஓர் ஆசிரியர் தன் மாணவர்களுக்கு எவற்றைக் கற்பிக்க வேண்டும். எவற்றைத் தெளிவுபடுத்த வேண்டும் என்பதை உணர்த்த வேண்டி, உலகின் தலைசிறந்த அரசியல்வாதியாகிய ஆபிரகாம் லிங்கன், தன் மகனைப் பள்ளிக்கு அனுப்பியபோது பள்ளி ஆசிரியருக்கு எழுதிய மடல் தான் இது.

நிதானமாய்ப் படித்துப் பார்த்து ஆசிரியர்களும் தெளிவு பெறவேண்டும்; மாணவர்களும் தெளிவு பெறவேண்டும்; பெற்றோர்களும் தெளிவு பெறவெண்டும்.

அன்புள்ள ஆசிரியருக்கு,

எனது மகன் இன்று தன் பள்ளிப் படிப்பைத் தொடங்குகிறான். கொஞ்ச காலத்திற்குப் பள்ளிப் படிப்பு அவனுக்குப் புதிதாக இருக்கப் போகிறது. ஆதலால் அவனைப் பரிவோடு நடத்துவீர்கள் என நம்புகிறேன்.

எல்லா மனிதர்களும் நீதியானவர்களல்லர். நேர்மையானவர்களல்லர் என்ற உண்மையை அவன் கற்றுக்கொள்ள வேண்டும். அதே சமயத்தில் ஒவ்வொஎரு கயவனும் - ஒரு வீரனை முன் மாதிரியாகக் கொண்டுள்ளான் என்றும்- ஒவ்வொரு ஒழுக்கங்கெட்ட அரசியல்வாதியும் ஒரு தன்னலமற்ற தலைவனை முன்மாதிரியாகக் கொண்டுள்ளான் என்றும் கற்றுத்தர வேண்டும். அவ்வாறே, ஒவ்வொரு பகைவனுக்கும் கூட ஒரு நண்பன் இருக்கிறான் என்ற உண்மையைக் கற்றுக் கொடுங்கள்.

பொறாமைப்படுவதிலிருந்து அவனைத் திசை திருப்புங்கள், முடிந்தால் அமைதியாகத் தனக்குள்ளேயே சிரித்துக் கொள்வதன் இரகசியத்தைக் கற்றுக் கொடுங்கள்.

வலிமையற்றவர்களைக் கொடுமைப்படுத்தி அவர்கள் மீது வெற்றி கொண்டுவிட்டோம் என எண்ணுபவர்களே உண்மையில் தோல்வியைத் தழுவியவர்கள் என்பதை அவன் கற்றுக் கொள்ளட்டும்.

ஏமாற்றுவதைவிட தோல்வியடைவது எவ்வளவோ மேன்மையானதெனக் கற்றுத் தாருங்கள். எல்லோரும் தவறு என்று சொல்லும்போதும் - தன்னுள்ளத்தில் இயல்பாக எழும் சிந்தனைகள் மீது, உறுதியான நம்பிக்கை கொள்ளக் கற்றுத்தாருங்கள்.

எளியோரிடம் எளிமையாகவும், பரிவோடும் இருக்கவும், வலியோருடன் வன்மையாக இருக்கவும் அவனுக்குக் கற்றுத் தாருங்கள்.

முடிந்தால், புத்தகம் படிப்பதன் அதிசயத்தைக் கற்றுக் கொடுங்கள். அதே நேரத்தில், வானத்துப் பறவைகள் பற்றியும் புரிந்து கொள்ள முடியாத உண்மைகளைப்பற்றியும், இயற்கையெழில் பொங்கும் பச்சை மலைகளின் மீது வளர்ந்துள்ள வண்ண மலர்களைப் பற்றியும், ஆழமாக தியானிக்கக் கற்றுக் கொடுங்கள்.

எல்லோரும் சொல்வதுபோல், கூட்டத்தைப் பின்பற்றாமலிக்கத் தேவையான வலிமையை - முடிந்தால் என் மகனுக்குக் கொடுங்கள். எல்லோர் சொல்வதையும் கேட்கவும் - ஆனால் கேட்பதை உண்மை என்ற சல்லடையில் வடிகட்டி நல்லதை மட்டுமே எடுத்துக் கொள்ளவும் - கற்றுக் கொடுங்கள்.

முடிந்தால் தான் வருத்தமாக இருக்கும்போதும் - எப்படிச் சிரித்துக் கொள்வது எனவும் கற்றுக் கொடுங்கள். அழுவதில் வெட்கப்பட எதுவுமில்லை எனக் கற்பியுங்கள்.

அவனது திறமைகளை நல்ல விலைக்கு விற்கவும் - அதே நேரத்தில், அவனது இதயத்துக்கும், ஆன்மாவுக்கும் விலை நிர்ணயிக்காமலிருக்கவும் - கற்பியுங்கள்.

ஊளையிடும் கூட்டத்தின் முன், தன் காதுகளை மூடிக் கொள்ளவம், தான் செய்வது சரி என்று பட்டால் அவர்களை எதிர்த்து நின்று மோதவும் கற்பியுங்கள்.

பொறுமையிழந்து துடிப்பாக வாழத் தேவையான துணிவை அவன் பெறட்டும்; எப்போதும் தன்மீது மேலான நம்பிக்கை கொள்ளக் கற்றுக் கொடுங்கள். அப்போதுதான், அவன் மனித குலத்தின் மீதும், கடவுளின் மீதும் மேலான நம்பிக்கை கொண்டிருப்பான்.

இது ஒரு மிகப்பெரிய கட்டளை; ஆனால் உங்களால் இயன்றதைச் செய்யுங்கள். அவன் மிகவும் நல்ல சிறுவன்; ஏனெனில் அவன் என் மகன்.

அன்புடன்,

ஆபிரகாம்லிங்கன்

குறைந்த எழுத்துகள் உள்ள குறள்!

2009-02-23T22:22:00.002+08:00

மிகக் குறைந்த அளவு எழுத்துகள் கொண்ட குறள் என்னவென்று அறிவீரா....?

இதோ....

காத லவரில ராகநீ நோவது
பேதைமை வாழியென் நெஞ்சு. ( 1242 )

விளக்கம்:
அந்த மனிதருக்கு என் மீது அன்பு இல்லாதபோது அன்பு நெஞ்சே, நீ மட்டும் அவரையே நினைந்து வாடுவது அறியாமையன்றோ!

எதையோ தேடிக்கொண்டிருக்கும்போது எதுவோ கிடைத்தது என்பார்களே....
அப்படித்தான் இதுவும்.......

கண்ணில் பட்டது.....பகிர்ந்து கொள்கிறேன்.

உங்களுக்கு எது ஏற்புடையதோ அதை உள்வாங்கிக் கொள்ளுங்கள்!

2008-10-06T11:36:00.000+08:00

சில நேரம்....சில பொழுது ...... சோதனை வரும் போது.....

=================================================

மாணவன் தயாராகி விட்டால்....ஆசான் வந்து விடுவார்! எங்கிருந்தாகிலும்.

உன்னுடைய தலைவிதியை ஏற்றுக் கொண்டு வாழ்க்கையின் போக்கிலேயே நடைபோடு.......பிரபஞ்ச லயத்துடன்..!

உனக்கு என்ன விதிக்கப்பட்டிருக்கிறதோ அது இப்போது வெளிப்படாமல் இருக்கலாம். ஆனால் அது ஏற்கனவே தீர்மானிக்கப்பட்டு விட்டது.

இந்த தோல்வியை மறந்துவிடு,உனக்கு விதிக்கப்பட்டுள்ள இடத்திற்கு போக இது வழிகாட்டும்.

உன்னுடைய இருப்புக்கான நிஜமான நோக்கம் என்ன என்ற தேடலில் இறங்கு. உன்னுடைய சுயத்தோடு நீ ஒன்றிவிடு.

கடவுளின் விருப்பத்திற்கு உன்னை ஒப்படைத்துவிடு!

நீண்ட இடைவெளிக்குப் பிறகு..வலைப்பூ பயிலரங்கு

2008-07-11T22:16:00.001+08:00

இரு தினங்களுக்கு முன்பு, குளுவாங் ஹஜி மனான், தமிழ்ப்பள்ளி தலைமையாசிரியர்ம் திரு.செல்வராஜா அவர்கள் அலைபேசியில் தொடர்புகொண்டார். "வலைப்பூ பயிலரங்கு தமிழ்ப்பள்ளி ஆசிரியர்களுக்கு நடத்த முடியுமா ?"

வலைப்பூ பயிலரங்கு நடத்தி வெகுநாட்களாகி விட்டது. இருந்தாலும் தமிழாசிரியர்களுக்கு இந்த ஊடகத் தொழில்நுட்பம் இன்னும் பரவலாக எட்டவில்லையே என்ற ஆதங்கம் இருந்துவந்தது.

"வரும் சனிக்கிழமை காலையில் முடியுமா ? " என தலைமையாசிரியர் வினவினார்.

"இயலாது.....எங்கள் பள்ளியில் மற்றொரு பாட சம்ந்தமான பயிலரங்கு நடைபெற உள்ளது. வேண்டுமானால்....பிற்பகல் 1.00 முதல் தொடங்கலாமே" என்று மாற்றுவழி சொன்னேன்.

தலைமையாசிரியர் உடனே...சம்மதித்தார். இணைய வசதி இருக்குமாறு பார்த்துக் கொள்ளுங்கள் என்றேன். ஆவன செய்வதாகக் கூறியுள்ளார்.

ஏற்கனவே பலமுறை இம்மாதிரி பயிலரங்கு நடத்தியிருந்தாலும்.....பழைய கோப்புகளை மீட்டெடுத்துப் பாத்துக்கொண்டேன். சில திருத்தங்களுடன், ஆசிரியர்களுக்கு வழங்கவிருக்கும் ஆவணத்தைத் தயார் செய்துள்ளேன்.

நாளை மீண்டும் 'வலைப்பூ' அறிமுகப்படலம் காணவிருக்கிறது.

எத்தனை பூக்கள் பூக்கும் என்று யாமறியேன்....பராபரமே!

தமிழ்ப்பள்ளிகளின் தரம் உயர்ந்துள்ளதா ?

2008-04-22T21:37:00.000+08:00

சர்ச்சைக்குரிய கேள்விதான் ? என்னை நானே கேட்டுக் கொள்கிறேன். தமிழ்ப்பள்ளியில் பணியை ஆரம்பித்து ( சுமார் 10 ஆண்டுகள் அனுபவம் ) தற்போது இடைநிலைப்பள்ளியில் போதித்தாலும், தமிழ்ப்பள்ளியின் பால் உள்ள பற்று குறையவில்லை.

பிறகு ஏன் இந்த கேள்வி ? ஆதங்கம்தான்...வேறென்னவாக இருக்க முடியும்?
அடிப்படையில் தமிழாசிரியர்கள் ( எமக்குப் போதித்தவர்கள், சம கால ஆசிரிய நண்பர்கள் சிலர் ) மாண்புக்குரியவர்கள் என்பதில் கிஞ்சிற்றும் ஐயமில்லை!

இருப்பினும், கடந்த சில ஆண்டுகளாக தமிழ்ப்பள்ளிகளின் வளர்ச்சி தொட்டு பலர் பேசிவருகிறார்கள்; விவாதிக்கிறார்கள். தமிழ்ப்பள்ளிகளின் அத்தியாவசிய வசதிகள் என்று பார்த்தால் - தேசிய மலாய் / சீன பள்ளிகளிடம் ஒப்பிடுகையில் மிகப் பெரிய இடைவெளி என்பது கண்கூடு!

தரம் என்று யாம் கேட்பது 'கற்றல் கற்பித்தல்' எனும் ஒரு கூறில்தான்.

தமிழ்ப்பள்ளிகளில் 'கற்றல் கற்பித்தலின்' தரம் உயர்ந்துள்ளதா ? அல்லது இன்னும் பழைய வழிமுறைகளையே கையாள்கிறார்களா ?

தமிழ்ப்பள்ளி ஆசிரியர்கள் உண்மையிலேயே தமிழ்ச்சமூக உணர்வோடு பணியாற்றுகிறார்களா ? 'கற்றல் கற்பித்தல்' மேன்மையுற என்னென்ன புதிய உத்திகளை இவ்வாண்டு ( முதல் கால் ஆண்டு ) பயன்படுத்துகிறார்கள் என்பதை அறிய மனம் ஏங்குகிறது ? ஆங்கிலத்தில் 'Think out of the box' என்று கூறுகிறார்களே..... அதைப் பற்றி தமிழ்ப்பள்ளியாசிரியர்கள் நடைமுறையில் மாணவர்களுக்கு அப்படிப்பட்ட சிந்தனையாற்றலை வளர்க்கிறார்களா ?

இங்கு மற்றொரு கேள்வியும் எழுகிறது ? ( கேள்வியே பதிவாகிறது, என்ன செய்ய ?)
ஆறாம் ஆண்டு 'யூ.பி.எஸ்.ஆர்' மட்டும்தான் தமிழ்ப்பள்ளியின் தரத்தை உயர்வடையச் செய்யும் அளவையா ?

தமிழ்ப்பள்ளி தலைமையாசிரியர்கள் சிந்திப்பார்களா?

மலாய் மொழியை விரைவாக கற்கலாம் !

2008-03-04T01:28:00.000+08:00

மலேசியாவின் தேசிய மொழி 'பஹாசா மலேசியா'- Bahasa Malaysia'. மலாய்க்காரர்கள் தங்கள் மொழியை முன்னிருத்த எண்ணி 'பஹாசா மெலாயு' - Bahasa Melayu என்று எழுதலாயினர். பிறகு அரசாங்கம் நாட்டின் ஒற்றுமையை வலியுறுத்தும் நோக்கத்தில் மீண்டும் 'Bahasa Malaysia' என்றே பயன்படுத்த வேண்டும் என்று பிரகடனப்படுத்தியுள்ளது. அரசாங்க ஊழியர்கள் கண்டிப்பாக மலாய் மொழியில் சிறப்புத் தேர்ச்சி பெற்றிருக்க வேண்டும். அப்போதுதான் அரசாங்க வேலையே கிடைக்கும்.

ஒரு மகிழ்ச்சியான விசயம் என்னவென்றால், இந்தியர்களில் இங்கு உயர் கல்வி படித்தவர்கள் பலர் 'தேசிய மொழியில்' மிகச் சரளமாக, மொழியாற்றலுடன் பேசும் திறன் பெற்றுள்ளனர்.
அடிப்படையில் இந்தியர்கள் மிக விரைவாக மலாய் மொழியை கற்றுவிடுகிறார்கள், தமிழகத்திலிருந்து பிழைப்பு தேடி வரும் பாமர மக்கள் உட்பட.

இங்கே தமிழ்-சமஸ்கிருதம் எப்படியெல்லம் மலாய் மொழியில் நீக்கமர கலந்துள்ளது பார்த்தீர்களா ?

உதாரணத்துற்கு சில :
1. adi = ஆதி
2. adikara = அதிகாரம்
3. adiwangsa = ஆதிவம்சம்
4. adipati = அதிபதி
5. agama = ஆகமம்
6. angkasa = ஆகாஷம்
7. asal = அசல்
8. asrama = ஆஷ்ரமம்
9. ayah = ஐயா
10.bahagiya = பாக்கியம்
11.baiduri = வைடூரியம்
12.baris = வரிசை

மற்றதை பிறகு தொகுக்கட்டுமா ?

அரசாங்கத்தில் இந்தியர் பிரதிநிதித்துவம் பறிபோகும்!

2008-03-02T20:25:00.000+08:00

கடந்த ஞாயிற்றுக்கிழமை, பிப்ரவரி, 24ஆம் திகதி நாட்டின் 12வது தேர்தல் வேட்புமனுத் தாக்கல் நடைபெற்றது. வரும் மார்ச், 8இல் நடைபெறவிருக்கும்
பொதுத்தேர்தலில் மூன்றில் இரண்டு மடங்கு பெரும்பான்மை கிடைக்கும் என்று தேசிய முன்னணி நம்பிக்கை கொண்டுள்ளது. ஒரு வார கால தேர்தல்
பிரச்சாரத்திற்குப் பிறகு பல்வெறு மாநிலங்களிலிருந்தும் மக்களின் மனப்போக்கும் பெற்ற விவரத்தின் அடிப்படையில் இந்த நம்பிக்கை எழுந்துள்ளதாக பிரதமர் டத்தோஸ்ரீ அப்துல்லா அகமட் படாவி தெரிவித்துள்ளார்.

இதற்கிடையில் தேசிய முன்னணியில் மூன்றாவது பங்காளிக்கட்சியாக விளக்கும் ம.இ.காவின் ( அரசாங்கத்தில் இந்தியர்களைப் பிரதிநிதிக்கும் கட்சி )
நிலையை நாடே கூர்ந்து கவனித்து வருகிறது. கடந்த 11 பொதுத்தேர்தலில் சந்திக்காத எதிர்ப்பலைகளை ம.இ.கா சந்தித்து வருகிறது. நாட்டின்
அனைத்து ( பிர மொழி ) நாளிதழ்களிலும் தற்போதைய தேர்தல் பிரச்சாரம் பற்றி விறுவிறுப்பான விமர்சனங்கள் வெளிப்படுத்தப்படுகின்றன.
தேசிய முன்னணியின் இரண்டாவது பங்காளிக்கட்சியாக விளங்கும் ம.சீ.சவின் ( சீனர்களைப் பிரதிநிதிக்கும் முதன்மைக்கட்சி ) துணைத் தலைவர்
டத்தோஸ்ரீ சான் கோங் சோயின் திடீர் பதவி விலகல் மசீச உறுப்பினர்களிடையே மட்டுமல்லாமல் சீன சமூகத்தினரின் மனங்களைப் பாதிப்படையச் செய்துள்ளது.

பினாங்கு, சீன சமூகத்தினர் அதிகமாக வாழும் தீவு. இங்கு பாதுகாப்பற்ற நாடாளுமன்ற தொகுதியாகக் கருதப்படுவது 'பத்து காவான்'
தொகுதியாகும். இங்கு பினாங்கு புதல்வர் டான்ஸ்ரீ கோ சூ கூன் பலத்த போட்டியைச் சந்திக்கிறார். நிலைமை கட்டுப்பாட்டில் இல்லை எனலாம். பினாங்கு வாழ் இந்திய மக்கள் மிகவும் விழிப்படைந்துள்ளனர். அவர்களின் ஓட்டும் மிகவும் அவசியம் என்பதை தேசிய முன்னணி அறியாமல் இல்லை.
பிரபல சீன நாளேடு ஒன்று 'இந்திய வாக்காளர்கள் தேசிய முன்னணியின் வாக்கு வங்கி' என வர்ணித்துள்ளது. வரும் பொதுத்தேர்தலில் இந்தியர்கள்
கடந்த காலம்போல் முழுமையான வாக்குகளை 'பாரிசான் நேஷனலுக்கு' வாக்களிப்பார்களா ? எப்படி இந்திய வாக்குகள் செயல்படும் என்று புரியாத
புதிராக உள்ளது.

இந்தியர்களின் உணர்வில் 'ஹிண்ராப்' குறிப்பிடத்தக்க அளவில் பெரும் தாக்கத்தை ஏற்படுத்தியுள்ளது. தற்போது தைப்பிங் கமுண்டிங் தடுப்பு முகாமில் - உள்நாட்டுப் பாதுகாப்புச் சட்டத்தின் கீழ் தடுத்து வைக்கப்பட்டிருக்கும் 'ஐவரில்' ஒருவரான மனோகரன் மலையாளம், கோத்தா அலாம் ஷா சட்டமன்றத் தொகுதியில் ஜனநாயக செயல்கட்சி சார்பில் போட்டியிடுகிறார். தம்முடைய வேட்புமனு தாக்கல் தேர்தல் அதிகாரிகளால் ஏற்றுக்கொள்ளப்பட்டதை எண்ணி மகிழ்வதாகவும், விரைவில் தங்களுக்கு நீதி கிடைக்கும் எனவும் தமதறிக்கையில் குறிப்பிட்டுள்ளார். அங்கு தாம் வெற்றி பெற்றால் தமது பங்காக மலேசிய இந்தியர்கள் மற்றும் சீனர்களின் சட்டப்பூர்வ உரிமைகளுக்குக் கடுமையாகப் பாடுபடப்போவதாகக் அறிவித்துள்ளார். இவரது சார்பில் இவரது மனைவி திருமதி பிஷ்பநீலா தீவிர பிரச்சாரத்தில் ஈடுபட்டு வருகிறார்.

ம.இ.காவைப் பொறுத்தவரை பெரும் வெற்றியுடன் சாதனைப் படைப்பதற்கு விவேகமான முயற்சிகளில் ஈடுபட்டுள்ளது. ம.இ.காவில் 6 இலட்சத்து 10
ஆயிரம் உறுப்பினர்கள் உள்ளனர். அவர்களில் 85 சதவிதத்தினர் பதிவு பெற்ற வாக்காளர்கள் ஆவர். இவர்களோடு சேந்து அரசு சார்பற்ற இந்திய
இயக்கங்களின் ஆதரவும் பெருமளவில் உண்டு என ம.இ.கா நம்புகிறது.

ம.இ.கா வரலாற்றில் 28 ஆண்டு காலம் பதவி வகிக்கின்ற ஒரே தலைவர் எனப் பலராலும் 'பாராட்டைப்' பெறும் தலவர் ," இந்தியர்கள் இம்முறை
தேசிய முன்னணிக்கு ஆதரவு அளிக்கவில்லையென்றால், அரசாங்கத்தில் இந்தியர் பிரதிநிதித்துவம் பறிபோகும்!" என்று எச்சரிக்கிறார். அவரது
வழக்கமான 'பானி'யில் இந்தியர்களுக்கு இன்னும் அதிகமான வாய்ப்புகளை வழங்க அரசாங்கம் உறுதி அளித்துள்ளது என்று கூறியுள்ளார்.

வரும் பொதுத் தேர்தலில் ம.இ,காவைச் சேர்ந்த தேசிய முன்னணி வேட்பாளர்களை இந்தியர்கள் ஆதரிக்காமல் போனால் அரசாங்கத்தில் இந்தியர்களின் பிரதிநிதித்துவம் இருக்காது என்பதை வலியுறுத்திக் கூறியுள்ளார்.

கற்றல் கற்பித்தலில் மொழி விளையாட்டு

2008-03-02T10:08:00.000+08:00

விளையாட்டு முறையை பயிற்றியலில் மேற்கொள்வதன் மூலம் விளைபயன்மிக்க நன்மைகளை அடைய முடியும்.தற்போது தோன்றும் புதிய கல்வி முறைகள் பெரும்பாலும் விளையாட்டை அடிப்படையாகக் கொண்டுதான் தோன்றுகின்றன.இவ்விளையாட்டு முறையினால் கற்றலில் பல மாறுதல்கள் ஏற்படுகின்றன.இம்முறையில் காணப்படும் கட்டாயமின்மையினால் மாணவர்கள் ஆர்வத்தோடும் பற்றோடும் கற்றலில் ஈடுபடுகின்றனர்.

மொழி விளையாட்டானது விளையாட்டு முறையின் ஒரு கூறாகும்.மாணவர் எளிய முறையில் மொழியைக் கற்கவும்,மொழித் திறனை அடையவும், மொழி அறிவை வளர்த்துக் கொள்ளவும் மேம்படுத்தவும் இம்மொழிவிளையாட்டு ஓர் இன்றியமையாத பயிற்றியல் கருவியாகப் பயன்பட்டு வருகிறது.

கற்றல் கற்பித்தலில் மொழி விளையாட்டு என்பது மாணவர்களின் ஆர்வத்தையும் தூண்டுதலையும் கொண்டு குறிப்பிட்ட உபகரணங்களுடன் நடைபெறும் ஒரு நடவடிக்கையாகும்.மொழி விளையாட்டு, மாணவர்கள் கேட்டல், பேச்சு, வாசிப்பு அல்லது எழுத்து போன்ற அடிப்படைத் திறன்களைப் பயன்படுத்தி மொழித்திறனை வளப்படுத்தவும் மேம்படுத்தவும் வாய்ப்பளிக்கிறது.

மாணவர்கள் சோர்வடையும் வேளையில் இம்மொழி விளையாட்டானது அவர்களுக்குக் கிளர்ச்சியூட்டி ஆர்வத்துடன் பங்கேற்க வழிவகுக்கின்றது.

மொழி விளையாட்டினைப் பயன்படுத்துவதன் மூலம் கொடுக்கப்படும் பிரச்னைகளுக்கு குறிப்பிட்ட நேரத்தில் சிந்தித்துத் தீர்வு கண்டறிவதால் மாணவர்களின் அறிவு வளப்படுத்தப்படுகின்றது. இம்மாதிரியான விளையாட்டின் போது மாணவர்கள் ஆர்வமாகப் பங்கேற்று ஒருவருக்கொருவர் நல்லுறவை ஏற்படுத்திக் கொண்டு பிரச்னைகளுக்குத் தீர்வு காண்கிறார்கள்.மொழி விளையாட்டு மகிழ்ச்சிகரமான கற்றல் கற்பித்தல் சூழலை உருவாக்கி மொழித் திறனை மேம்படுத்த வழிவகுக்குகிறது.

மொழி விளையாட்டின் போது எல்லா மாணவர்களும் பொறுப்பை ஏற்கின்றனர்; தனிப்பட்டவர்களின் உரிமைகள் நன்கு மதிக்கப் பெறுகின்றன; சகோதரத்துவம் வளர்ச்சியடைகின்றது; வற்புறுத்தாமலேயே கூட்டுணர்ச்சியை எல்லோரும் மேற்கொள்கின்றனர். மேலும் கற்றலில் வெறுப்பும் சலிப்பும் ஏற்படுவதில்லை.மாணவர்கள் ஆர்வத்தோடும் பற்றோடும் கற்றலில் பங்கேற்க நல்லதொரு தூண்டுதலாக அமைகிறது.மொழி விளையாட்டின் போது மாணவர்கள் பல்வேறு பட்டறிவை அடைகின்றனர்.

இவ்வளளையாட்டின் போது ஏற்படும் பிரச்னைகளுக்குத் தீர்வு காண ஏரணமாகவும், புதுமையாகவும் நுணுக்கமாகவும் சிந்திக்கத் தூண்டுகிறது. வகுப்பறையிலும் வெளியிலும் ஒரே மாதிரியான சவால் மிகுந்த கற்றல் நடவடிக்கையில் ஈடுபட வாய்ப்புண்டாக்குகிறது.

நல்லாசிரியருக்குரிய குணநலன்கள்!

2008-03-02T09:50:00.000+08:00

நல்லாசிரியர் என்று யாரைக் குறிக்கிறோம்? சமூகத்தில் இயல்பாகவே ஆசிரியர்களுக்கு தனி மதிப்பு உண்டு. ஆசிரியர் நல்லாசிரியர் ஆகும் போது சிறப்புமதிப்பு வழங்கப்படுகிறது. முதலில் வழங்குபவர்கள் மாணாக்கர்களே மாணவர்களின் வழிபெற்றோர்களுக்கும் தெரிய வரும்போது நல்லாசிரியர்களின் நன்மதிப்பு சமூக அங்கீகாரம்பெற்று விடுகின்றது.

சரி, நல்லாசிரியருக்குறிய குணநலன்கள் எப்படி இருக்க வேண்டும் ?

முதலில், அவர் மாணவர் நலனுக்காகப் பாடுபடுபவராயிருத்தல் வேண்டும். வகுப்பறையின்உள்ளேயும் வெளியேயும் மாணவர்களுக்கு எவை நன்மை பயக்கும் விசயங்கள் என்று தீர்மாணித்து அதற்காகப் போராடுபவரே நல்லாசிரியர் தகுதிக்கு உரியவவர் ஆவார். ஆசிரியரின் எந்த முடிவும் மாணவர்களிடன் பாதிப்பை ஏற்படுத்தும் என்பதனை விழிப்புணர்ந்துமிகச் சரியான, மாணவர்களின் உயர்வுக்குச் சாதகமான முடிவுகள் எடுக்கும் தீர்க்கச் சிந்தனை படைத்தவராயிருத்தல் வேண்டும். நல்லாசிரியர் இயல்பாகவே தன்னலமற்றவராவார். அவர்எப்போதுமே மாணவர்களுக்குத் தான் முன்னுரிமை வழங்குவார்.

இரண்டாவது, நல்லாசிரியர் என்பவர் மற்றவரை மதிக்கும் நற்பண்பு உடையவர். அவர்கள்தங்கள் வகுப்பு மாணவர்களை மதிக்கிறார்கள்;
வகுப்பறையில் மாணவர்களின் செயலூக்கங்களையும் நிர்வாகத்தையும் மதிக்கிறார்கள். அதோடு மட்டுமல்லாமல் பெற்றோர்களையும், சமூக அங்கத்தினரையும்மதிக்கிறார்கள். கற்றல் கற்பித்தல் நடவடிக்கைக்கு உரிய தரத்தை சுயமதிப்பிட்டு தங்கள் துறையில் நிபுணத்துவம் பெறுகிறார்கள்.
மூன்றாவது யாதெனில், நல்லாசிரியர் தொடர்ந்து கற்கிறார். பொதுவாக தம்மைச் சுற்றி நடைபெறும்அனைத்துத் துறைகளிலும் ஓரளவு விசயஞானம் பெற்றவராயிருக்கிறார். அவர் தொடர்ந்து தம் துறையைச்சார்ந்த நூலகளை வாசித்து காலத்துக்கேற்பத் தயார்நிலையில் இருக்கிறார். அறிவுசார்ந்த விசயங்களில் ஆழ்ந்த ஈடுபாடு காட்டுகிறார்.

நான்காவது, நல்லாசிரியர் ஒரு நல்ல உரையாளராகவும் திகழ்கிறார். ஒரு கருத்தை சபையறிந்து நன்கு விளக்கும்ஆற்றல் மிக்கவராவார். அதே சமயத்தில், அவர் மற்றவர்களின் கருத்துக்களையும் நன்கு கேட்கிறார். மாணவராகட்டும் பெற்றோராகட்டும் அவர்கள் சொல்வதை நன்கு உள்வாங்கிக் கொள்கிறார். பிறகு சமயோசித உத்தியில் பிரச்னைகளுக்குவழி காண்கிறார்.

இறுதியாக, கற்றல் தொடர்ந்து நிகழ மாணவர்களே பொறுப்பேற்க வேண்டும் எந்தனை வலியுறுத்துகிறார்.நல்லாசிரியர், மாணவர்களின் 'கற்றல் நோக்கங்கள் ' அடைவதற்கு அவர்களுடன் இணைந்தே செயல் திட்டங்கள்வகுக்கிறார். அவற்றை விவேகமான முறையில் செயல்படுத்தி 'கற்றல் இலக்கு ' அடைவதற்கு மாணவர்களுக்கு எப்போதும் உதவுகிறார்.

பி.கு : தமிழ்ப்பள்ளியில் பணியாற்றும் ஆசிரியர்கள் நல்லாசிரியர்களா..? ஒவ்வொரு ஆசிரியரும் சுயமதிப்பீடு செய்ய வேண்டும்!

பிரபஞ்சப் பாதையிலே....ஆழ்மனத் தொடர்பு

2008-03-01T20:29:00.000+08:00

நம்மில் பெரும்பாலோர், மேற்கத்திய பானியின் தாக்கத்தால் இன்று இந்நவீன உலகில் சிக்குண்டு இருக்கின்றோம். தெரிந்தோ தெரியாமலோ ஒருவகை
மனப்பாதிப்புக்கும், சில சமயம் உளைச்சலுக்கும் ஆளாகிறோம். சில சமயம் என்ன இது செக்கு மாட்டு வாழ்க்கை ? என்று நொந்துகொள்கிறோம். ஏன் ?

நமக்குப் பல கடமைகள். நம் பணி, நம் குடும்பம், நம் நண்பர்கள் வட்டம், நம் சமூகக்கடப்பாடு மற்றும் அரசியல் என்று தொடர்பு ஏற்படுத்தி
விரிவுபடுத்திக் கொண்டு இருக்கிறோம். சாதாரண பொழுது போக்குக் காரியங்களில் கூட நம் செயல்பாடும் சக்தியும் மிகுதியாகத் தேவைபடுகிறது.

ஏன் இந்நிலை ? ஏனெனில், நாம் அளவுக்கு அதிகமாக வெளிநோக்கிய விசயங்களில் மூழ்கியுள்ளோம். வெளிநோக்கிய பயணக் களைப்பை ஈடுசெய்ய உள்நோக்கியப் பயணம் (inner journey) தேவைப்படுகிறது.
உடனடி நிவாரணம் ஒன்று இருக்கிறது. நம் ஆதாரத்துடம் தொடர்பு கொண்டு உயர் உணர்வுகளின் சக்திகளைப் பெறுவதைத் தவிர வேறொன்றுமில்லை!
நம் ஒவ்வொருவரின் மனமும் மகத்தான சக்தி படைத்தது என்பதை மனோவியல் அறிஞர்கள் மற்றுமன்றி ஆன்மீக குருமார்களும் நிரூபித்து
வருகிறார்கள்.

வாழ்க்கைப் பாதையில் எல்லாமே மகிழ்ச்சி நிறைந்தவையாக இருப்பதில்லை! சில இடர்பாடுகளும் சோதனைகளும் இருக்கத்தான் செய்கிறது. பார்க்கின்ற கோணதில் அந்தந்த சமயத்தில் நம் மனநிலை எப்படி இருக்கிறதோ அவ்வாறே பிரதிபலிக்கின்றோம்.

சில சம்யங்களில் அளவுக்கு அதிகமாக வெளி விசயங்களில் சுழன்றுக் கொண்டிருப்பதால் ஆழ்மனத் தொடர்பு தடைபடுகிறது. தற்காலிகமாக பிரபஞ்சப் பேருணர்வின் தொடர்பிலிருந்து விடுபட்டுள்ளோம். ஆழ்மனதிற்கும்( subconscious mind ) பிரபஞ்ச மனதிற்கும் ( cosmic conscious mind ) உள்ள தொடர்பு, அது சம்பந்தமான அறிவு எல்லாம் நம் பள்ளிகளில் இன்னும் போதிக்கப்படவில்லை. வருங்காலங்களில் அவை முக்கியத்துவம் பெறலாம்! நமக்கு சிறிது காலம் தேவைப்படுகிறது.

ஆழ்மனதுடன் தொடர்பு கொள்வதற்கும் நமக்குப் பொறுமையும் நிதானமும் தேவைப்படுகிறது. உள் மன உயர் உணர்வுடன் கலக்க சிறிது காலம் நம்மையே சுய சோதனைக்கு ஆளாக்க வேண்டியுள்ளது.நமக்கும் புற சூழ்நிலையில் ஏற்படுகின்ற மாற்றஙகளையும் கூர்ந்து கவனிக்க விழிப்புணர்வும் அவசியம்.

ஆழ்மனதையும் பிரபஞ்ச அறிவையும் திறக்கும் நல்ல திறவுகொல் - தியானம் மட்டுமே! பிரார்த்தனை, தியானம், யோகம் இவையெல்லாம் பத்திரமான திறவுகோல்கள். இவற்றுடன் மனதைப்பற்றியும்,எண்ணங்களைப் பற்றியும் புரிந்து கொள்ள வேண்டும். இதற்கு மிகுந்த பயிற்சியும்,பொறுமையும்,
ஆதரவும் தேவைப்படுகிறது.

உண்மையிலேயே இது இயற்கையான ஒன்று. நம் சமூகத்தினர் "அர்ப்பணிப்பு"எனும் வார்த்தைக்கு செயல் வடிவம் கொடுத்தவகள். முயற்சிக்கு, வெற்றி - தோல்வி என்ற இரண்டு முடிவுகள் உண்டு. "அர்ப்பணிப்புக்கு" வெற்றி என்ற ஒரு முடிவுதான் இருக்க முடியும். அத்தகைய மனநிலை வாய்க்க, அல்லது பழக்கப்படுத்திக்கொள்ள விழைவது நன்மை பயக்கும். ஆழ்மனத் தொடர்பும், பிரபஞ்சத் தொடர்பும் கிட்ட வேண்டும் என்ற மனதைக் கடந்த அர்ப்பணிப்பு உணர்வுடன் காரியங்கள் ஆற்றும் போது,இயற்கை அந்தப் பிரபஞ்ச பேராற்றல் நமக்குப் பலனை வாரி வழங்கும்! அதன் பிறகு, அப்பேராற்றலோடு தொடர்ந்து பிணைப்பை ஏற்படுத்திக் கொள்ள வேண்டும் எனும் அவா கூடுவதை மெய்யாக உணரலாம். உங்களைச் சுற்றியிருக்கும் எல்லாமே பேசும்.

'நாம்தான் இந்தப் பிரபஞ்சம்; இப்பிரபஞ்சம்தான் நாம்' - அண்டத்திலுள்ளதே பிண்டம்; பிண்டத்திலுள்ளதே அண்டம்! என்பதைப் போல உயர் சிந்தனை-
உயர் எண்ன அலைகள் நம்மைச் சுழ்ந்திருக்கும்.

பினாங்கில் - மலேசியாவின் முதல் தமிழ்ப்பள்ளி !

2008-03-01T18:50:00.000+08:00

பினாங்கு மாநிலம் பல வரலாறுச் சிறப்புக்கள் கொண்டது. தமிழகத்தினர்க்கு பெரும்பாலும் பினாங்கு நிரம்ப பிரபலம்; மலாயா என்பதைவிட! முதன் முதலாக பிரிட்டிஷார் காலெடுத்து வைத்ததும் இந்த பினாங்குத் தீவில்தான்.

இங்கிருந்து தங்களின் துரைத்தனத்ந்த் (காலனித்துவம்) தென்கிழக்காசியாவில் பல இடங்களுக்கு விரிவுபடுத்தினர். மற்றொரு சிறப்பு யாதெனில், இங்குதான் தென்கிழக்காசியாவிலேயே முதன் முதலாக ஆங்கிலப் பள்ளியைத் தோற்றுவிக்கப்பட்டது.

1816இல், அக்டோபர் 21ஆம் திகதியன்று இந்த ( மேலே காணப்படும் ) 'பிரி ஸ்கூல்' ( Penang Free School ) -ஆங்கிலப் பள்ளி தொடங்கப் பெற்றது. அன்றைய பிரிட்டீஷ் அரசின் மத குருவாக இருந்த ரெவரெண்ட் ஆர்.எஸ்.ஹட்சிங்ஸ் என்பவரே இப்பள்ளி தோன்றக் காரணமாக இருந்தவர்.

இன்று இது மாநில அருங்காடியகமாக மாற்றப்பட்டுள்ளது. 1927இல் 'பிரி ஸ்கூல்' "கிரீன் லேன்" பகுதிக்க் மாற்றப்பட்டது. ரெவரெண்ட் ஹட்சிங்ஸ், ஆரம்பத்தில் ஏழைக்குழந்தைகளுக்கும், அனாதைக் குழந்தைகளுக்கும் கல்வி போதிக்கும் நோக்கத்திலும், அக்காலக்கட்டத்தில் பினாங்கில் வசித்து கொண்டிருந்தவர்களுக்குத் தாய் மொழியையும் போதிக்க வேண்டும் என்ற நோக்கத்தில் இப்பள்ளியை அமைக்க அன்றைய அரசிடம் முறையாக அனுமதி பெற்றார்.

குறிப்பிடத்தக்க விசயம் என்னவென்றால், அப்பள்ளியில் பயில்கின்ற பல்லின குழந்தைகளுக்கு அவர்கள் விரும்பினால் ஆங்கிலமும் போதிக்கப்பட்டது. மேலும் உள்ளூர் ஆசிரியர்களைக் கொண்டு இப்பள்ளியில் தமிழும், மலாய் மொழியும் போதிக்கப்பட்டது.

தாய்மொழிக் கல்வியுடன் தொழில் கல்வியும் இந்த 'பிரி ஸ்கூலில்' போதிக்கப்பட்டது என்பதும் கூடுதல் தகவல்.

இருப்பினும், சில ஆண்டுகளுக்குப் பிறகு பொதிய ஆதரவு இல்லாத காரணத்தால் தமிழ், மலாய் மற்றும் தொழில் கல்வி போதிப்பது நிறுத்தப்பட்டது!

கவிதை....இடைநிலை பள்ளியில் நம்மாணவர் நிலை!

2008-02-29T20:48:00.000+08:00

இடைநிலைப் பள்ளியில் நம் இந்திய மாணவர்களில் சிலர் அடாவடித் தனமாக இருப்பதாகவும், ஆசிரியர்களை மதிக்காமல் சேட்டைகள் புரிபவர்களாகவும் இருப்பதை முன்பு கேட்டிருக்கின்றேன். தற்போது நேரடியாகப் பார்த்தும் வருகின்றேன். எல்லா மாணவர்களும் இப்படி இல்லை என்றாலும் பெரும்பாலான மாணவர்கள் பள்ளியில் பிரச்னையை எதிர்நோக்குகிறார்கள். விடலைப் பருவ மாணவர்களிடம் தமிழாசிரியர்கள் படும் பாட்டை.......எங்களூர் இளங்கவிஞர் - தமிழ்போதிக்கும் ஆசிரியர் - திரு.வாஞ்சிதேவன் சோமசன்மா தம் ஆதங்கத்தை கவிதையாய் வடித்துள்ளார்.

அக்கவிதையை உங்களுக்காக.....இதோ:
====================================
வீணாகும் மாணாக்கர்.

சிறகடிச்சிப் பறக்கமட்டும் துடிக்கிறீங்க - ஆனா
சிந்தனையை முடுக்கிவிட மறுக்குறீங்க !
அரட்டையிலும் ஆட்டத்திலும் கிடக்குறீங்க - நீங்க
சிரத்தைவச்சா பள்ளியில படிக்குறீங்க ?

திரைப்படத்தை நடைமுறையா நெனக்குறீங்க - கருத்தைச்
சிதறடிச்சு காதலுன்னு கொணிக்குறீங்க!
மறைகழன்ற மனுசனைப்போல் உடுத்துறீங்க - கையில்
மட்டையோடு அடிதடின்னு படுத்துறீங்க !

கதையளக்க வாயைநல்லா பிளக்குறீங்க - பிறர்
கரைசேர வாய்ப்பிழந்து தவிக்குறீங்க !
உதைபட்டும் வதைபட்டும் சிரிக்குறீங்க - மான
உணர்வற்றுப் பிழைபட்டுச் சறுக்குறீங்க !

தலைமுறைக்கே தலைகுனிவாய் இருக்குறீங்க - தவற்றை
சுட்டிக்காட்டும் தரப்பினரை வெறுக்குறீங்க !
பிழைபொறுத்தா தலையிலேறிக் குதிக்குறீங்க - பாவம்
பெத்தவங்க கனவிலேறி மிதிக்குறீங்க !

படிக்கிறப்ப திறமையுடன் உயர்ந்திடுங்க - அறிவு
படைச்சவர்க்கே தலைவணங்கும் உலகிதுங்க !
முடிவுபண்ணி அடாவடியை நிறுத்திடுங்க - நெனப்பை
முழுசாகக் கல்வியின்பால் செலுத்திடுங்க !

ஆக்கம் : கவிஞர் வாஞ்சிதேவன்,சோமசன்மா.

குறிப்பு: நாடறிந்த தலைசிறந்த கவியரசு சோமசன்மா அவர்களின் புதல்வர் ஆசிரியர் திரு. வாஞ்சிதேவன் அவர்கள். தற்போது குளுவாங்கில், இடைநிலைப் பள்ளியில் பணிபுரிந்து வருகிறார்.

தமிழ்ப்பள்ளிகளில் ஆசிரியர் பற்றாக்குறை - தீர்ந்தபாடில்லை!

2008-02-29T09:51:00.000+08:00

மலேசியாவில் தமிழ்ப்பள்ளிகளின் பிரச்னை என்றுதான் தீருமோ ? என்று ஆங்காங்கே மக்கள் வேதனையுடன் புலம்ப ஆரம்பித்துள்ளனர். ஒவ்வொரு
ஆண்டும் பள்ளித் தவனை தொடங்கும் போது இப்பிரச்னை குறிப்பாக தமிழ்ப்பள்ளிகளில் ஆசிரியர் பற்றாக்குறை நிலவுகின்றது. வருடம் தொடங்கி
இன்றோடு இரண்டாம் மாதம் முடிகிறது. ஆனால், தமிழ்ப்பள்ளிகளில் குறைந்தது 350இல் இருந்து 400வரைக்குமான ஆசிரியர்கள் நிரபப்பட

வேண்டும் என்ற தேவை நேர்ந்துள்ளது அதிர்ச்சியளிக்கிறது; வேதனையளிக்கிறது.

ஏன் தமிழ்ப்பள்ளிகளில் மட்டும் இந்த நிலை. தேசிய பள்ளிகளில் தேவைக்கும் அதிகமாகவே காணப்படுகிறார்கள். ஆசிரியர் பற்றாக்குறை நிலவுவது சம்பந்தப்பட்ட பள்ளிகளின் தலைமையாசிரியர்கள் பலமுறை மாவட்டக் கல்வி இலாக்காவிடம் தெரியப்படுத்தியும் இந்த நிலை ஏற்படுகின்றது என்றால் யாரைக் குறைச் சொல்வது? ஆசிரியர் பயிற்சிக் கல்லூரியில் பயில விண்ணப்பிக்கும் இந்தியர்களைத் தேர்ந்தெடுக்கும் எண்ணிக்கை குறைவாக இருப்பதைத்தானே காட்டுகிறது ?கல்வி வல்லுநர்களுக்கு தமிழ்ப்பள்ளிகளுக்கு ஆசிரியர் பற்றாக்குறை நிலவும் பிரச்னை தெரியாமல் இருக்க வாய்ப்பில்லை. மாநில கல்வி இலாக்கா, தேசிய கல்விப் பிரிவு இலாக்கா மற்றும் கல்வி அமைச்சு உடனடியாக பிரச்னைக்குத் தீர்வு காண
வேண்டும் என்பதுதான் தமிழ்ப்பள்ளிகளுக்கு அனுப்பும் பெற்றோர்களின் நியாயமான எதிர்பார்ப்பு.

இப்பிரச்னையை தேசிய ஆசிரியர் பணியாளர் சங்கத்திற்கு புகார்கள் கிடைத்த வண்ணம் இருப்பதாக அதன் பொதுச் செயலாளர் லோக் இம் பெங்
அறிக்கையில் கூறியுள்ளார்.

தமிழ்ப்பள்ளிகளில் கற்றல் கற்பித்தல் நடவடிக்கை தங்கு தடையின்றி நடைபெறவும், தமிழ் மாணவர்களின் பாடத் திட்டங்களும் இதர புறப்பாட
நடவடிக்கைகளும் எவ்வித சுணக்கமும் இன்றி நடைபெற இந்த ஆசிரியர் பற்றாக்குறைப் பிரச்னைக்கு உடனடியாக தீர்வு காணப்பட வேண்டும்.

அரசாங்கம் - கல்வி அமைச்சின் திட்டங்கள் பிரமிக்க வைக்கின்றன. 2006-2010 வரையிலான நாட்டின் கல்விப் பெருந்திட்டத்தின் வழி, நாட்டிலுள்ள ஆரம்பப் பள்ளிகள் அது தேசியப் பள்ளிகளாக இருந்தாலும் சரி, தமிழ்-சீனப் பள்லிகளாக இருந்தாலும் சரி அல்லது சமயப் பள்ளிகளாக இருந்தாலும் சரி, அவற்றின் அடைப்படைத் தேவைகளை பூர்த்தி செய்யாவிடில், நோக்கம் நிறைவேறாது. மற்ற பள்ளிகளில் மட்டும் அத்தியாவசிய வசதிகளை ஏற்படுத்தி விட்டு, தமிழ்ப்பள்ளிகளைக் கண்டும் காணாமல் இருந்தால், மாணவர்களுக்கு இழைக்கும் துரோகம்; இனத்தை இம்சிக்கும் நயவஞ்சகம். அரசாங்கம் இனியும், தமிழ்ப்பளிகளின் தேவைகளைப் பூர்த்தி செய்யதான் இந்தியர்களின் 'கட்சி' இருக்கிறதே - கேட்கும் போதெல்லாம் வாரி வழங்கியிருக்கிறோமே என்று பொறுப்பை பிறர் மீது தினித்தால்......என்னத்தச் சொல்வது.

இவ்வளவு பிரச்னைகளுக்கு நடுவே......நேற்று இந்தியர்களைப் பிரதிந்திக்கும் ஒரே கட்சிக்கு வாழ்நாள் தலைவரின் கூற்று அவமானத்திற்குரியது.
"கடவுள், தமிழ்ப்பள்ளிகளுக்கு நல்ல கூலி கொப்பார்! " எனும் தோரணையில் வசைப்பாடுகிறார். கடந்த ஜனவரி மாத இறுதியில் ஜொகூர் மாநிலத்தில் 5
ஆண்டுகளாக தமிழ்ப்பள்ளி ஒன்றில் இடப்பற்றாக்குறையை எதிர்நோக்கியிருக்கும் பெற்றோர்கள் "சாகும் வரை உண்ணாவிரதம் "- அரசாங்கம் தமிழ்ப்பள்ளிகளைக் கட்டித் தர வேண்டும்!" என்று அறிக்கைவிட்ட பின்னர், அரசாங்கம் 'கட்டித் தருகிறோம்' என்று எப்படியோ அந்த

போராட்டத்தை கைவிட வியூகம் அமைத்தனர். எவ்வளவு காலம்தான் மக்கள் பொறுத்திருப்பர் ?

ஒரு பள்ளியில் போதுமான ஆசிரியர்கள் தேவை. அதன் மூலமே நிறைவான கல்வியை அங்கு உறுதி செய்ய முடியும் எனும் அடிப்படை விசயத்தைக்
கூடவா அறியாமல் இருப்பார்கள்? கல்வி இலாக்காவில் முக்கியப் பொறுப்பளர்களுக்கு இதைவிட வேறு வேலைகள் முக்கியமாகப் படுகின்றதோ?

தமிழ்ப்பள்ளியில் படிப்பவர்களும் 'மலேசிய' மாணவர்கள்தான்.

12வது பொதுத் தேர்தல் - மார்ச், 8.

2008-02-28T11:33:00.000+08:00

நாடு சுதந்திரம் அடைந்த 50 ஆண்டுகளில் பிரமிக்கத்தக்க வளர்ச்சியைக் கண்டுள்ளது. பல்லின மக்களும் விட்டுக்கொடுக்கும் மனப்பான்மையுடன் ஒற்றுமையாக வாழ முடியும் என்பதை ஆணித்தரமாக உலகிற்கு எடுத்துரைக்கும் கௌரவத்தைப் பெற்றுள்ளது. 1957ஆம் ஆண்டு தனிநபர் வருமனம் RM 800க்கும் குறைவாகவே இருந்தது.தற்போது RM 40,000 எட்டியுள்ளது. அதே காலக்கட்டத்தில் நாட்டின் பட்டுவாடா மதிப்பு (GDP) RM 500 கோடியிலிருந்து RM 90,000 கொடியாக உயர்ந்துள்ளது.

ஐம்பது ஆண்டுகளுக்கு முன்பு 63 இலட்சமாக இருந்த மலேசிய மக்கட்தொகை, இன்று 2.6 கோடியாக வளர்ந்துள்ளது. இதில் 7 இலட்சமாக இருந்த இந்தியர்கள் இன்று 20 இலட்சமாகக் கூடியுள்ளனர். இருப்பினும் விழுக்காட்டு வளர்ச்சியில் 11.3 விழுக்காட்டிலிருந்து 7 விழுக்காட்டுக்குக் குறைந்துள்ளது.

பொருளாதாரத்துறை என்றில்லை, பல்வேறு துறைகளில் மிகத் துரிதமான வளர்ச்சி கண்டுள்ளது. நியாயமாக, இந்த வளர்ச்சியில் அனைத்துத் தரப்பினர்க்கும் பங்குண்டு. இன பாகுபாடு அற்ற நிலையில், நாட்டின் நிலைத்தன்மையைத் தாரக மந்திரமாகக் கொண்டு, முன்பு கூட்டணியாக இருந்த தேசிய முன்னணி அரசாங்கம் மலேசியாவை ஆட்சி செய்யும் பொறுப்பை உண்டாக்கிக் கொண்டது.

1957 முதல் இன்றுவரை 11 பொதுத்தேர்தல்கள் நடந்துள்ளன. ஒவ்வொரு முறையும் தேசிய முன்னணி வெற்றிபெற இந்தியர்கள் தங்களின் வற்றாத ஆதரவையும் பெரும்பான்மையான வாக்குகளையும் அளித்து, இந்தியர்களே இந்நாட்டின் முன்னணி விசுவாசி என்ற முத்திரையையும் பெற்றுள்ளனர்.
இந்நிலை வரும் 12வது பொதுத் தேர்தலில் நீடிக்குமா ? அதிருப்தியும் விரக்தியும் அடைந்துள்ள தற்போதைய காலக்கட்டத்தில் தொடர்ந்து தேசிய முன்னணிக்கு வாக்களிப்பார்களா ? எதிர்கட்சியினர் இந்தியர்களின் வாக்குகள் பெற மிகத் தீவிரமாக பிரச்சாரங்களை முடக்கியுள்ளது. தேசிய முன்னணியில் முக்கிய( இந்திய ) பங்காளிக் கட்சியான ம.இ.காவுக்கு பிளவுபடாத ஆதரவை நல்குமா ?

அமைதியான, அடக்கமான, அரசாங்கத்திற்கு கட்டுப்பட்ட, பெரும்பான்மையில் உழைக்கும் வர்க்கமாக இருந்த இந்தியர்கள் நாட்டின் வளர்ச்சியில் தங்களை இணைத்துக்கொள்ள உண்டாக்கப்பட்ட புதிய பொருளாதாரக் கொள்கைகள் சீரமைப்புத் திட்டங்களைக் கொண்டிருந்தன. வறுமை ஒழிக்கப்பட வேண்டும் என்பது, தொழியியல் துறைகளில் இனப்பாகுபாட்டைக் குறைக்க வேண்டும் என்பதை நோக்கமாகக் கொண்ட நாட்டின் மேம்பாட்டுத் திட்டங்கள் கொண்டிருந்தன. ஆனால், அவையாவும் 'பூமிபுத்ராக்களுக்காகவே' நடைமுறைப்படுத்தப்பட்டன். இந்தியர்களுக்கு என 'வழங்கப்பட்ட' வாய்ப்புகள் பெரும்பாலும் பணக்காரர்கள் அல்லது நடுத்தர வர்க்கத்தினருக்கே கிடைத்தது. பெரும்பான்மை தொழிலாளர் வர்க்கமாக இருந்த இந்தியர்களின் நிலையில் பெரிய மாற்றம் உருவாகவில்லை. அவர்களது அடிப்படைப் பிரச்னைகளாக பிரப்புப் பத்திரம் இல்லாமை, குடியுரிமை வழங்கப்படாமை, அரசாங்க பகுதி உதவி பெறும் தமிழ்ப்பள்ளிகள், அதில் ஒவ்வொரு ஆண்டும் நிலவும் ஆசிரியர் பற்றாக்குறை, சொந்த வீடு இல்லாத நிலை, நில உரிமையற்ற கோயில்கள், குறைந்த சம்பள வேலைகள், கல்வி பயிலும் வாய்ப்புகள், தகுதி இருந்தும் அரசாங்க இலாகாக்களில் இந்தியர்களுக்கு வேலை வாய்ப்பு வழங்கப்படாமை என பல சூழ்ந்துள்ளன.

இதற்கிடையில் 25/11 சம்பவம் நிகழ்ந்து அதிர்ச்சியலை ஓய்ந்தபாடில்லை.

இம்மாத ஆரம்பத்தில் (பிப்ரவரி,2) பிரதமர் திடீரென்று அறிவிப்பு செய்தார்:
இந்தியர்களுக்கு உதவ திட்டங்கள்:

இந்திய சமுதாயத்தை அரசாங்கம் ஒருபோதும் ஓரம் கட்டாது.

அரசு சேவையில் இந்தியர்களுக்கு கூடுதல் வேலை வாய்ப்பு வழங்கவுள்ளோம்.

தமிழ்ப்பள்ளிகளுக்கு அரசாங்க உதவி தொடரும்.

இந்தியர்களுக்கு உதவ நான் எப்போதும் தயார்.

தலைவர்கள் என்னிடம் உண்மையைச் சொல்ல வேண்டும்!

விழிப்படைந்த இந்திய சமூகம் மிகக் கூர்மையாக எல்லாவற்றையும் கவனித்து வருகிறது.நாட்டின் 12-வது பொதுத் தேர்தல் வரும் மார்ச்-8இல் நடைபெறும்.

25/11 ஓர் அலசல்

2008-02-28T01:24:00.000+08:00

அன்றைய மாபெரும் பேரணியில் பங்கு பெற்றவர்கள் மாண்புக்கு உரியவர்கள். மலேசியா சரித்திரத்திலேயே சுதந்திரம் அடைந்தது முதல் கடந்த 50 ஆண்டு கால வரலாற்றில் சுமார் 50 ஆயிரம் பேர் தலைநகர் கோலாலம்பூரில் அரசின் எச்சரிக்கையையும் பொருட்படுத்தாது 'ஒற்றுமையாக' அணி திரண்டனர். உண்மையிலேயே, நாட்டின் முழுக்

கவனத்தையும் ஈர்த்த 'மக்கள் சக்தியின்' எழுச்சிப் பேரணி மலேசிய அரசை
அதிர்ச்சிக்குள்ளாக்கியிருக்கிறது.

24/11 வரை இந்தியர்கள் ஒற்றுமை குலைந்தவர்கள் என்று கருதப்பட்டார்கள். ஆனால், தம் உரிமைக்காக எத்தகைய சோதனையையும்
தாங்கக்கூடியவர்கள் என்று உணர்த்தினர் இந்தியர்கள்!

ஓர் இலட்சம் இந்தியர்களின் கையெழுத்தைத் தாங்கிய மகஜரை 25.11.2007இல் அம்பாங் தெருவில் பிரிட்டிஷ் தூதரகத்திடம் இந்தியர்கள் மாபெரும்
பேரணியாகச் சென்று வழங்குவது எனத் தீர்மாணிக்கப்பட்டது. அதற்கான போசீசாரின் அனுமதி கோரி இண்ராப்பின் தலைவர்கள் மனு செய்திருந்தனர்.
அம்மனு போலீசாரால் நிராகரிக்கப்பட்டதுடன், மேலும் இண்ராப்பின் தலைவர்கள் பேரணியில் கலந்துகொண்டு பிரிட்டிஷ் தூதரகத்தின் முன்
தோன்றுவதைத் தடுப்பதற்காக வழக்குமன்றத்தின் தடையுத்தரவும் பெறப்பட்டது. அவ்வுத்தரவை மீறுபவர்கள் அனைவரும் கைது செய்யப்படுவார்கள் என்று அச்சுறுத்தப்பட்டது. அத்தகைய பேரணி சட்ட விரோதமானது என்று ஊடகங்களின் வழி அதிகப்பட்ச நினைவூட்டல் வேறு.

இந்தியர்களை பயமுறுத்தும் பல நடவடிக்கைகள் மேற்கொள்ளப்பட்டன. உச்சக்கட்ட 'நட(வ/வே)டிக்கை' என்ன வென்றால், பிரிட்டிஷ் தூதரகத்தைச்
சுற்றி சுமார் 4 கி.மீ தூரத்திற்குப் போலீஸ் வளையம் உருவாக்கப்பட்டது. தலைநகரின் பல இடங்களில் சாலை தடுப்புகள் போடப்பட்டன. தெற்கே
ஜொகூரிலிந்தும் வடக்கே கடாரத்திலிருந்தும் நம் மக்கள் பேருந்து, சொந்த வாகனம் கொண்டு பேரணியில் கலந்துகொள்ள வரும் வழியில் எத்தனை
எத்தனை முடுக்கட்டைகள், தடங்கல்கள். வேண்டுமென்றே சாலைத் தடுப்பு உருவாக்கி, சாலையில் வாகன நெரிசலை ஏற்படுத்தி நயவஞ்சக
நாடகமாடியது காவல்துறை. நெடுஞ்ச்சாலையில் முதல்நாள் இரவு பயணித்த பேருந்தை நிறுத்தி, குறிப்பாக இந்தியர்களை கீழிறங்கச்சொல்லி
அவர்களது அடையாள அட்டை எண் குறிப்பெடுக்கப்பட்டது. நவம்பர் 25, 2007 விடிந்தது. தடையுத்தரவுகள், சாலைத் தடுப்புகள், கண்ணீர்ப்புகைகள், இரசாயணம் கலந்த தண்ணீர் வீச்சுகள் ஆகிய எல்லாவற்றையும் மீறி, அரசின் ஆணைகளைத் துச்சமாக எண்ணி இண்ட்ராப்பின் நியாயமான கோரிக்கையை ஏற்று பல்லாயிரக்கணக்கான இந்தியர்கள் அம்பாங் தெருவை ஆட்கொண்டனர்.

அன்று அரசாங்கத்தின் 'வயிற்றில் கொஞ்சம் புளியைக் கரைத்தது'. சீனர்களின் புருவத்தை உயர்த்தியது. ம.இ.கா- மலேசிய இந்தியர் காங்கிரஸ்

தலைத்துவத்தின் தலை உச்சியின் ( ஒட்டவைத்த/ நட்டுவைத்த )சிண்டைப்பிடித்து ஆட்டவைத்திருக்கிறது.
இது எதிர் கட்சியினரின் சதி நாடகம். நாட்டின் நிலைத்தன்மையை குலைக்க திட்டம்தீட்டியுள்ளனர் என பல்வேறு குற்றச்சாட்டுகள் அறிக்கைகளில்
வெளிப்பட்டன.

ஒரே நாட்டிலிருந்து கொண்டு சிறுபான்மையினரை ஒதுக்கி வைத்துவிட்டு, பெறும்பான்மையினர்க்குச் சிறப்புச் சலுகைகள் சர்வ சாராரணமாக
நடைமுறையாக்கப்பட்டதன் விழைவே மூலக்காரணம். எல்லோருக்கும் ஒரே மாதிரியான வரிகள்தாம். நாட்டிலுள்ள அனைத்து குடிமக்களிடமிருந்தும்
வசூலிக்கப்படுகிறது. இருப்பினும், வரியிலிருந்து மேம்பாட்டுத் திட்டங்களில் வாய்ப்புகள் அனைவருக்கும் சமமாகவல்லவா வழங்கப்பட்டிருக்க
வேண்டும்? கடந்த 50 ஆண்டுகளாக மலாய்ச் சமூகத்திற்கு சிறப்புச் சலுகைகள் அரசாங்கத்தால் திட்டமிடப்பட்டு அரங்கேற்றப்பட்டு வந்துள்ளது.
சமுதாயத்தில் அக்கறை கொண்டவர்கள் இதைத்தான் கேட்டார்கள், கேட்டுக் கொண்டும் வருகிறார்கள். உதாரணத்திற்கு:

எல்லாத் தமிழ்ப்பள்ளிகளுக்கும் முழு மானியம் இல்லை.

சிறப்புத் தேர்ச்சி பெற்ற மாணவர்கள் பலருக்குப் பல்கலைக்கழகத்தில் இடமில்லை.

அரசாங்கத்தில் வேலை செய்யும் இந்தியர்களுக்கு பதவி உயர்வு சாத்தியமில்லை.

அரசாங்கக் குத்தகைகளில் தனித்து போட்டியிட்டு வெற்றிபெற வாய்ப்பே இல்லை.

அரசாங்கத்தின் அக்கறையின்மை. இந்தியர்களைப் பிரதிநிதிக்கிறோம் என்று சொல்லிக்கொள்ளும் அரசியல் கட்சி தலைமைப் பொறுப்பாளர்களின் சுயநலத்தன்மை, சமுதாய அக்கறையின்மை எல்லமும்தான்.

கோயில்கள் உடைக்கப்படும்போது இந்தியர்களின் உணர்வுகளுகக்கு மதிப்பளிக்காது வளர்ச்சித்திட்டம் எனும் காரணத்தை முதன்மைப்படுத்துவது. இது போன்ற பல்வேறு சூழல்களை மலேசிய இந்தியர்கள் சந்தித்து வருவது அப்பட்டமான உண்மை.

நாடு 50 ஆண்டுகள் சுதந்திரம் அடைந்த பிறகும் இந்தியர்கள் இரண்டாம்தர குடிமக்கள் எனும் உணர்வே நாளுக்கு நாள் மேலோங்கி வருகிறது.

மலேசிய இந்தியர்கள் இனப் பாகுபாட்டின் வழி ஓரங்கட்டப்படுகின்றனர் என்பது மறுக்கமுடியாத உண்மை.

மலாயா சரித்திரம்

2008-02-26T11:43:00.000+08:00

மலேசியா என்று வழங்கப்படுவதற்கு முன்பு மலாயா என்றுதான் அழைத்தனர். கொஞ்சம், சரித்திரம் காண்போமா ? மலாயாவை ஆட்சி செய்தவர்களுக்கு பல காரணங்கள் இருப்பினும், முதன்மைக் காரணமாக இருப்பது அதன் இயற்கை வளம் என்றால் மிகையாகாது. மேலும் அதனால் கிடைக்கப்பெறும் வாணிப லாபம் என்றும் கூறலாம்.

ஏற்கனவே கூறியது போல், மலேசியா ( மலாயா ) இயற்கை வளம் மிகுந்தது. வரலாற்றுப் புகழ் பெற்றது. இங்கு வாசனைப் பொருட்கள் மிகுதியாகக்
கிடைத்தன. கிராம்பு, மிளகு, ஏலம்,பட்டை முதலியன வாசனைப் பொருட்களாகும். தங்கம், ஈயம் போன்ற உலோகப் பொருட்களும் கிடைத்தன.
இப்பொருட்களை வாங்குவதற்காக வந்த மேல் நாட்டவர் பலர் மலாயாவிற்கு வந்தனர். இங்குள்ள இயற்கை வளம் அவர்களைக் கவர்ந்ததால் அதைக்
தங்களின் உரிமையாக்கிக் கொள்ளவே மலாயாவை அவர்கள் கைப்பற்றினர்.

மலாயாவிற்கு முதலில் வந்த ஐரோப்பியர்கள் போர்த்துகீசியர்கள் ஆவர். அவர்கள் 1511இல் மலாக்காவைக் கைப்பற்றினர். 130 ஆண்டுகள் வரையிலான அவர்களுடைய ஆட்சிகளுக்குப் பிறகு மலாக்கா டச்சுக்காரர்களின் வசமாயிற்று.19ஆம் நூற்றாண்டு முதல்ஆங்கிலேயர்கள் மலாயாவைச் சிறுகச் சிறுகத் தங்கள் வசமாக்கினர்.

அந்நிய ஆட்சியாளர்கள் மக்களின் நலனில் அக்கறை கொள்ளவில்லை. தம் சொந்த இலாபத்தையே குறிக்கோளாகக் கொண்டிருந்த அவர்கள் நாட்டின் முன்னேற்றத்திற்காகப் பாடுபடவில்லை. இத்தகைய ஆட்சியை வெறுத்த மக்கள் சுதந்திரமாக வாழ விரும்பி அதற்காகப் போராடவும் செய்தனர். இப்போராட்டத்தின் விளைவாக 1957இல் ஆகஸ்ட் திங்கள் 31ஆம் நாள் மலாயா சுதந்திரம் பெற்றது.

மலேசிய ஆட்சி முறையில் மரபு வழிமுறை அம்சங்கள்

2008-02-25T22:59:00.000+08:00

இன்றைய மலேசிய ஆட்சி முறைக்குப் பண்டைய மலாக்காவின் மரபுவழி ஆட்சி முறை அம்சங்களே அடிப்படையாக உள்ளன.

15-ஆம் நூற்றாண்டுத் தொடக்கத்தில் முதலாவது மலாய் ஆட்சி மலாக்காவில் தோன்றியது. பரமேஸ்வரா மலாக்காவை நிறுவி அதன் முதல் சுல்தான் ஆனார். அவர் ஓர் இந்து சாம்ராஜ்யத்தைச் சேர்ந்தவர் என்பது குறிப்பிடத்தக்கது. அன்றைய சரித்திர புத்தகங்களில் பரமேஸ்வரா இஸ்லாத்தைத் தழுவினார் என்றே கூறப்பட்டு வந்தது.( அரசாங்க மாலாய்க்காரர்களின் ஆதிக்கம் வலுப்பெற சரித்திர விஷயங்கள் பல மாறுதல்களுக்கு உள்ளாகியுள்ளன என்பது காலத்தால் மறக்கப்படலாம்! உண்மை மௌனத்தில் வாழ்கிறதோ! ) அடியேன், ஆரம்பக் கல்வி பயிலும் போதே இத்தகைய சரித்திரத்தைத் திரித்து எழுதும் வழக்கம் இருந்துள்ளதை காலம் கடந்து தெரியவரும் போது, கல்வியாளன் என்ற அடிப்படையில் மிக வருந்தினேன்.

பரமேஸ்வரா மலாக்காவை நிறுவியதின் வழி அதுவே முதல் மலாய் அரசு என்று எங்களூர் சரித்திரம் பகர்கின்றது! இருப்பினும், அன்றைய காலத்தில் மலாக்கா ஒரு வாணிக மையமாய் விளங்கியது. பல நாட்டு மக்கள் அங்கு வாணிகம் புரிய வந்தனர். அரேபியா, இந்தியா முதலான நாடுகளிலிருந்து அதிகமான முஸ்லீம் வியாபாரிகள் இங்கு வந்தனர். அதன் காரணமாக மலாக்காவின் அரசன் முஸ்லீம் ஆனான்; அங்குள்ள மக்களும் முஸ்லீம்கள் ஆனார்கள். இஸ்லாம் அங்கு ஆட்சி மதமாயிற்று.

அப்படியானால், அதற்கு முன்பு எத்தகைய ஆட்சி முறை இருந்திருக்கும் என்பதை வாசகர்களின் சிந்தனைக்கே விட்டு விடுகிறேன்.

அந்த காலக்கட்டத்தில், பல மொழிகள் பேசிய மக்கள் அங்கு வாணிகம் புரிந்தனர். மலாக்கா ஒரு முக்கிய வானிகத் தளமாக விளங்கிற்று. எனினும் மலாய் மொழியே பொது மொழியாகவும் ஆட்சி மொழியாகவும் இருந்ததாகக் கூறப்பட்டுவருகிறது. எனினும், அம்மொழிக்கு குறிப்பிடத்தக்க வரிவடிவம் இல்லாதது வியப்பில் ஆழ்த்துகிறது. மலாய் மொழியின் தந்தை என்று போற்றக்குடிய முன்ஷி அப்துல்லா (Munshi Abdullah ) என்பவரின் பூர்வீகம் இந்தியா என்பதும் அவர் ஒரு தமிழர் என்பதும் சரித்திரத்தில் இருட்டடிக்கப்பட்ட உண்மை!

எது எப்படியிருந்தாலும், அன்று முதல் ( இடையே போர்த்துகீஸியர்கள், டச்சுக்காரர்கள், ஆங்கிலேயர்கள், ஜப்பானியர், மீண்டும் ஆங்கிலேயர்கள் போக) இன்று வரை மலாய் மொழியே பொது மொழியாகவும் ஆட்சி மொழியாகவும் விளங்குகிறது.

இஸ்லாமிய செல்வாக்கு மலாக்காவில் பரவியவுடன் வாணிகமும் அதிகரித்தது. மக்கள் தொகை பெருகியது. எனவே சட்டமும் ஒழுங்கு முறையும் ஏற்படுத்தப்பட்டன. ஆட்சி நிர்வாகம் முறையாக நடைபெற சுல்தானுக்கு உதவியாகத் திறமைமிக்க அதிகாரிகள் நியமிக்கப்பட்டனர். அவர்கள் சுல்தானுக்கு உதவியாக இருந்து நல்லாட்சி புரிந்தனர்.

'பெண்டஹாரா' என்னும் பொறுப்பு வகித்த அதிகாரி சுல்தானின் நேரடி உதவியாளராக, ஆட்சிக் குழுவின் தலைவராக விளங்கினார். 'பெண்டஹரி' எனும் பதவியில் இருந்தவர் நிதியாளராக இருந்து பொருளாதாரத்தைக் கவனித்து வந்தார். 'தெமெங்கோங்' எனும் பதவி வகித்தவர் சட்ட திட்டங்களை அமல்படுத்தும் காவல்துறை அதிகாரியாக விளங்கினார். 'ஷா பந்தார்' என்னும் பதவி வகித்தவர் துறைமுக அதிகாரியாகவும், 'இலக்சுமணா' எனும் பதவி வகித்தவர் கடற்படைத் தளபதியாகவும் பொறுப்பேற்றுச் சுல்தானுக்கு உதவியாக ஆட்சி புரிந்துவந்தார்.

எங்கள் மலேசியா.

2008-02-25T13:12:00.000+08:00

மலேசியா எங்கள் தாய்நாடு. எங்கள் மூதாதையர் இந்திய நாடிலிருந்து புலம் பெயர்ந்து வந்தவர்கள்தான். பெரும்பாலும் சஞ்சிக் கூளிகளாக

தருவிக்கப்பட்டவர்கள். அது சுமார் 200 ஆண்டுகளுக்கு முன் நிகழ்ந்த இருண்ட சரித்திரம். அதைப் பற்றி வேரொரு பதிவில் இடுகிறேன். இன்றைய
மலேசியா.....அன்று மலையகமாக இயற்கை சூழ்ந்திருந்ததால் மலாயா என்றழைக்கப்பட்டது.( மலையகம் ....பிறகு மலாய்க்காரர், 'மலாய்' மொழி என்று பெயர் உருவானதற்கு நெருங்கிய தொடர்பிருக்கிறது என்பதை ஆழ்ந்து சிந்திப்பவர்களுக்கு தெளிவு கிடைக்கும் )

முதலில், எழில் மிகுந்த எமது மலேசிய திருநாட்டைப் பற்றி சொல்லட்டுமா...? எங்கிருந்து ஆரம்பிப்பது ...சரி, அதன் அமைப்பில் இருந்து தொடங்குகிறேன்.

அழகிய மலேசியா- சிறந்த இயற்கை அமைப்பும், அழகும் ஒருங்கே பொருந்திய நாடு. மலேசியாவை, மேற்கு மலேசியா எனவும் கிழக்கு மலேசியா எனவும் நிலவியல் அடிப்படையில் பிரிக்கலாம். மேற்கு மலேசியாவின் மூன்று பக்கங்களிலும் கடல் சூழ்ந்துள்ளது. எனவே, இது தீபகற்ப மலேசியா எனவும் அழைக்கப்படுகிறது. கிழக்கு மலேசியா கலிமந்தான் தீவில் உள்ளது. சபா, சரவாக் எனும் மலேசியாவின் இரு மாநிலங்கள் இங்குதான் உள்ளன. மலேசியாவின் நிலவியலைப் பல வகையாகப் பிரிக்கலாம். அவை மலைகள், மலைத்தொடர்கள், சமவெளிகள், பள்ளத்தாக்குகள், சதுப்பு நிலக்காடுகள் மற்றும் கடற்கரைப் பகுதிகளாகும்.

மலைகலும் மலைத்தொடர்களும்:

மலேசியாவின் நீண்ட மலைத்தொடர் 'தித்திவங்சா' மலைத்தொடர் ஆகும். வடக்கில் தொடங்கி தெற்கு வரை படர்ந்திருக்கும் இது தீபகற்ப மலேசியாவில் உள்ளது. மலேசியாவின் உயரமான மலைத்தொடர் 'குரோக்கர்'( Crocker).இது சபா மாநிலத்தில் உள்ளது. மலேசியாவின் முல்லிய
மலைத் தொடர்களில் லேடாங் மலைத்தொடர், தாஹான் மலைத்தொடர், நாக்காவான் மலைத்தொடர், ஈரான் மலைத்தொடர் போன்றவை
குறிப்பிடத்தக்கவையாகும்.

மலேசிய மலைப்பகுதிகளில் தேயிலை மற்றும் காய்கறிகள் பயிரிடப்படுகின்றன. பல்வகை பூச்செடிகளும் இங்கு வளர்க்கப்படுகின்றன. இவை மட்டுமின்றி, மலைப் பிரதேசங்களில் உள்ள உல்லாசத் துறையை ஊக்குவிக்கின்றன. இவற்றால் நாட்டிற்கு நல்ல வருவாய் கிடைக்கின்றது.
உதாரணத்திற்கு கேமரன் மலை, கெந்திங் மலை உல்லாசத் தளங்களைச் சொல்லலாம்.

சமவெளிகள்:

மலேசியாவில் பெரும்பாலும் பயிர்த்தொழில்கள் சமவெளிகளில் மேற்கொள்ளப்பட்டு வருகின்றன. கெடா ( கடாரம் ஆண்ட இராஜேந்திர சோழன் ஞாபகம் வருகிறதா ) மாநிலத்தின் மூடா சமவெளி மிகவும் பெரியது. இங்கு அதிகமாக நெற்பயிரிடப்படுவதால் இச்சமவெளியை மலேசியாவின்
'நெற்களஞ்சியம்' என்று அழைப்பர்.

கிளந்தான் மாநில ஆற்றோரப் பகுதிகளும் சிலாங்கூர் மாநிலத்தின் சபாக் பெர்ணாம் பகுதியும் பயிர்த்தொழிலுக்கு ஏற்ற சமவெளிகளாகும்.
மலேசியாவில் கிள்ளான் பள்ளத்தாக்கும் கிந்தா பள்ளத்தாக்கும் முக்கியமானவையாகும். மலேசிய மக்கள் தொகையில் அதிகமானோர் இங்குதான் வாழகின்றனர். பல பட்டணங்கள் இப்பள்ளத்தாக்குகளில் உருவாகியுள்ளன. கிந்தா பள்ளத்தாக்கு முன்பு உலகிலேயே அதிக அளவில் ஈயம் தோண்டப்பட்ட பகுதியாகும்.

கடற்கரைப் பகுதிகள்:

மலேசியாவின் கடற்கரைப் பகுதிகள் மிகவும் அழகானவை; பிரசித்திப் பெற்றவை. உலகமெங்கிருந்தும் சுற்றுப்பயணிகளைக் கவரும் இடங்களில்
மலேசியக் கடற்கரையும் அடங்கும். அவை கிளந்தானில் 'ச்சாகாயா பூலான்' (Cahaya Bulan) கடற்கரை, பினாங்கில் பத்து பெர்ரிங்கி (Batu Peringgi)
கடற்கரை, லங்காவியில் பந்தாய் பாசீர் பூத்தே (Pantai Pasir Putih) கடற்கரை, நெகிரி செம்பிலானில் 'போர்ட்டிக்சன்' கடற்கரை போன்றவை அடங்கும்.
சதுப்பு நிலக்காடுகள்:மலேசியாவின் சில பகுதிகளில் சதுப்பு நிலங்களைக் காணலாம். சதுப்பு நிலங்களில் காண்டா மரக்காடுகள் நிறைந்துள்ளன. மலேசியாவில் ஜொகூர் மாநிலத்திலுள்ள எண்டாவ், ரொம்பின் பகுதிகளிலும் சிலாங்கூர் மாண்-இலத்திலுள்ள கோலாடிலாங்கூரிலும், சபா மாநிலத்தின் கிழக்குப் பகுதியிலும், சரவாக் மாநிலத்தின் தென்மேற்கு கரையோரத்திலும் சதுப்பு நிலங்கள் உள்ளன.

மலேசியா, பூமத்திய ரேகைக்கு அருகில் அமைந்துள்ளதால் 'பூமத்திய ரேகை' வாநிலையைக் கொண்டுள்ளது. வெப்பநிலை - ஆண்டு முழுதும் உயர்ந்தே
காணப்படுகிறது ( 26'C - 28'C ). இங்கு ஆண்டு முழுதும் மழை பெய்யும்.இருப்பினும் பருவ மழைக்காலங்களில் பெரும் மழை பெய்யும். பருவக் காற்றானது - வடகிழக்குப் பருவக்காற்று -( நவம்பர் முதல் மார்ச் வரை ) / தென்மேற்கு பருவக் காற்று - ( மே முதல் செம்டம்பர் வரை).

பல்லின மக்கள் வாழும் நாடு மலேசியா. இங்கு மலாய்க்காரர்கள், சீனர்கள், இந்தியர்கள், பழங்குடியினர் மற்றும் பலர் 'ஒற்றுமையாக' வாழ்ந்து
வருகின்றனர். பல இன மக்களின் பல்வேறு கலை, கலாச்சாரங்கள் மலேசியாவுக்குத் தனித்தன்மையைத் தருகின்றன.

================

உலகளவில் எம்மொழியைப் பேசினாலும், இல்லத்தில் தமிழ் மொழியே பேசுவோம்!

2008-02-25T02:04:00.000+08:00

உலகத் தாய் மொழி நாள் தொடர்பான கட்டுரைத் தொகுப்பு.[ யுனேஸ்கோ மன்றம் 1999-ஆம் ஆண்டு செப்டம்பர் திங்களில் ஆலோசனை நடத்தி பிப்ரவரி 21-ஆம் நாளை உலகத் தாய் மொழி தினமாக அறிவித்துள்ளது. " எந்த நாட்டில் வாழ்கின்ற மக்களாக இருந்தாலும் அவர்கள் எந்த இனத்தைச் சேர்ந்தவர்களாக இருந்தாலும் தம் கருத்தை உறுதியாக எடுத்துரைக்கவும் பாரம்பரிய பண்பாட்டைப் பேணவும் இன ஒற்றுமைக்கும் கருவியாக அமைவது தாய் மொழி ஒன்றுதான்".]

======================================================

கடந்த 21.02.2008 அன்று உலகத் தாய் மொழி நாள். யுனேஸ்கோ எனப்படும் 'ஐக்கிய நாடுகளின் கல்வி, அறிவியல்,பண்பாட்டுக் கழகம்' அறிவித்துள்ளபடி உலகிலுள்ள அனைத்து மக்களும் தம் தாய் மொழியை கொண்டாடுகிறார்கள். உலகில் சுமார் 6,000 முதல் 7,000 வரைக்குமான மொழிகளில் எறக்குறைய பாதிக்கும் மேற்பட்டவை வழக்கழியும் நிலையை எதிர்நோக்கியுள்ளன. குறிப்பிட்டுச்சொன்னால், சிறுபான்மை மக்களால் பேசப்படும் மொழிகள்தாம் அத்தகைய நிலையை எதிர் கொண்டுள்ளன.

ஏன் இத்தகு நிலை ? அந்த மொழி பேசும் மக்கள் தாய்மொழிப்பற்று இல்லாமைதான் முழுமுதற் காரணம். உதாரணத்திற்கு, பண்டைய இலக்கிய வளமும், செழுமையும் கொண்டிருந்த கிரேக்கம், இலத்தீன் போன்ற மொழிகள் இன்று இல்லாமல் போனதற்கு அன்றைய மக்கள் தாய்மொழி உனற்வின்றி இல்லாததே காரணம் ஆகும்.

உலக வரலாற்றுச் சுவடுகளைத் திரும்பிப் பார்க்கும் பொழுது தாய் மொழிக்காக நாடு சமைத்த வங்க மக்களின் மொழி வேட்கையும் தாய்மொழிப் பற்றும் இணையில்லாதது; ஈடற்றது. பிரெஞ்சு மொழியினரும்
ஜெர்மனியாளர்களும் கூட தாய் மொழிப் பற்று மிக்கவர்கள். தட்டுத் தடுமாறியேனும் தம் மொழியில்பேசுவோரைக் கண்டு பிரெஞ்சு மக்கள் உள்ளம் உவகை அடைகின்றனர்.

ஆங்கில மொழி வாடையின்றியே அறிவியல் சாதனை படைத்து வரும் ரஷ்யா, ஜப்பான், சீன மொழிகளைத் தாய் மொழியாகக் கொண்டோரும் உலகில் போற்றத் தகுந்தவர்கள்.

மலேசிய மக்களின் தேசிய மொழியாக பவனி வரும் 'பஹாசா மலேசியா' ( முன்பு 'பஹாசா மெலாயு' என்றழைக்கப்பட்டது ) வழி 'பஹாசா ஜீவா பங்சா' (மொழியே இனத்தின் உயிர் - எனப் பொருள்படும்) என்பதை கொள்கை-பண்பாடு அடிப்படையில் அப்படியே ஏற்றுக் கொண்டுள்ள மலாய் மக்களின் மொழி ஆர்வமும் போற்றத்தகுந்ததுதான்.

இதையெல்லாம் எண்ணிப் பார்த்து மலேசியத் தமிழ் மக்கள் அனைவரும் தம் தாய் மொழி மீது மங்காத பற்றும் மாறாத ஈடுபாடும் கொண்டு திகழ வேண்டும்.

மலேசியத் தமிழர்களிடையே குறிப்பாகத் தமிழ் இளைஞ்ர்களிடையே தமிழார்வம் தற்பொழுது வெகுவாக குன்றியுள்ள நிலையை மாற்றியமைக்க தமிழ்ச் சார்ந்த இயக்கங்கள் ஆவன செய்ய வேண்டும்.

மலேசியத் தமிழ் இளைஞ்ர் மணிமன்றம் தோற்றுவித்த காலத்தில் தமிழ் மொழியார்வம் செழித்து வளர்ந்தது. தமிழ் நெஞ்சர்களின் சீரிய வழிகாட்டுதலுடன் அன்று பட்டி தொட்டியெல்லாம் தமிழ் மொழி, கலை, பண்பாடு தொடர்பான நிகழவுகள் நடைபெற்றன. தமிழ் இளைஞர் மணி மன்ற வித்தகர், அமரர் கோ.சா அவர்களின் விழுமிய தமிழ்ச் சேவை- தமிழ் உணர்வு இன்று இருக்கிறதா என்றால் கேள்விக் குறியே!

"தாய்மொழி வழி முன்னேற்றம் காண மலேசியத் தமிழ் இளைஞர்கள் மணிமன்றப் படை களம் காண வேண்டும்' என்று தாய்மொழி குறித்து மன்றத்தின் தேசியத் தகைவர் திரு.பி.பொன்னையா அவர்கள் கூறியுள்ளார்.

தாய்மொழியும் சமயமும் இரு விழிகளுக்கு ஒப்பாகும் என்று மலேசிய இந்து தர்ம மாமன்ற தேசியத் தலைவர் இணைப்பேராசிரியர் என்.எஸ்.இராஜேந்திரன் அவர்கள் தாய்மொழி தினம் குறித்து அறிக்கை வெளியிட்டுள்ளார். அதன் சாரம்சம், " தமிழ்ர்க்குத் தாய் மொழி தமிழும் சமயமும் இரு விழிகள் போன்றவை. நன்னெறி சார்ந்த வாழ்க்கைக்கு சமயத் தெளிவு வேண்டும். அந்தச் சமயத் தெளிவு தாய் மொழி வழி பெற வேண்டும். இந்நாளில் உலகம் முழுவதும் அனுசரிக்கப்படும் தாய் மொழி தினத்தில் தமிழ் வளர்ச்சி மீது தமிழர்கள் கருத்துற வேண்டும்" என்பதாகும்.

ஒன்றை மட்டும் இந்த உலகத் தாய் மொழி நாளில் நினைவில் கொள்வோம்; நிறைவேற்றுவோம்.

"உலகலவில் எம்மொழியைப் பேசினாலும், இல்லத்தில் தமிழ் மொழியே பேசுவோம்!"

நினைவுகள்- சிறுகதை பகுதி 1

2008-02-23T20:46:00.000+08:00

அடடே....இவரும் சிறுகதை எழுத வந்துவிட்டாரே.....என்று எண்ணிவிடாதீர்கள்!

இச்சிறுகதை என் நண்பர், தமிழ் ஆர்வலர் திரு. பால.இளங்கோவன் என்பவரின் கன்னி முயற்சி. அவருக்கு ஆதரவு தரவேண்டும் என்ற எண்ணத்தாலும், அவர் மேலும் எழுதுவதற்கு இந்த வலைப்பு ஊடகம் உத்வேகத்தை வழங்கும் என்ற சிந்தனையாலுமே இந்த முயற்சி.

குறிப்பு: இச்சிறுகதை அவர் வாழ்க்கையில் நடந்த உண்மைச்சம்பவங்களை அடிப்படையாகக் கொண்டுள்ளது.

========================================================

"நினைவுகள்"- சிறுகதை - ஆக்கம் : பால. இளங்கோவன்( குளுவாங்,ஜொகூர், மலேசியா.)

========================================================

சூரியனின் முதல் கீற்று பூமியில் விழுவதற்கு இன்னும் ஏறக்குறைய மூன்று மணிநேரம் இருக்கும் இரவின் கட்டளைக்குக் கட்டுப்பட்டு தன் கண்சிமிட்டும் பணியை சரியாகவே செய்து கொண்டுருக்கும், நட்சத்திர குவியல்களின் ராஜாங்க வேலை அது. மொத்தத்தில், பூமி இன்னும் தன் இரவு உறக்கத்திலிருந்து கண்விழிக்காத நிசப்த அதிகாலை நேரம். நிதர்சனமான நிசப்தத்தைச் சப்தமாக்கிக்கொண்டு இரயில் தனது பயணத்தை தெற்கிலிருந்து வடக்கே கோலாலம்பூர் மாநகரத்தை நோக்கி பயணித்துக் கொண்டிருந்தது.

கிம்மாஸ்(Gemas) இரயில் நிலையத்தில் இருந்து அதிகாலைப் பயணத்தைத் தொடர்ந்து கொண்டிருந்த இரயில், ஜொகூரை நோக்கி தன் பயணத்தில் ஈடுபட்டிருந்த இன்னொரு இரயிலுக்கு முதல் வழிவிடும் பொருட்டு கிம்மாஸுக்கு அடுத்து உள்ள ஆயிர் கூனிங் (Air Kuning) என்னும் இடத்தில் நின்றது. வழக்கமாக எந்த விரைவு இரயிலும் அங்கு நிற்பது கிடையாது. ஆனால் தவிர்க்க இயலாத நிலையில் தெற்கில் இருந்து வடக்கு நோக்கி செல்லும் இரயில் அங்கே நிற்கும், எப்போதாவது. இன்றும் அவ்வாறே நின்றது. புறப்பட்டு சிறிது நேரத்திற்கெல்லாம் இரயில் நின்றதைத் தொடர்ந்து ஒவ்வொரு பெட்டிகளிலும் இரவுக்கு வெள்ளையடித்துக் கொண்டிருந்த சில விழிகள் ஆங்காங்கு எழுந்து விடியல் இருட்டில் விழிகொண்டு ஊடிருவிக் கொண்டிருந்தன. சில மணித்துளிகளுக்குள், இரவு பயணத்திற்கு பொறுப்பு வகித்த பயண நிலைய அதிகாரி, இரயில் நின்றதற்கான காரணத்தை நடந்து கொண்டே பயணிகளுக்குத் தெரிவித்துக் கொண்டு ஒவ்வொரு பெட்டியாக கடந்து கொண்டிருந்தார்.

சங்க காலத்து இலக்கியங்களில், முரசொலி கேட்டு, புஜம் உயர்த்தி போருக்குக்கெழும் வீரனைப்போல், அதிகாலை நிசப்தத்தை, சத்தமாக்கிய அதிகாரியின் குரல் கேட்டு திடுக்கிட்டு எழுந்தான், சங்கர். அதுவரை இருந்த அவனது ஆனந்த உறக்கம் அறுந்து விழுந்தது. இருந்தபோதும், அதிகாலை வேளையல்லவா, அக்னிக் குஞ்சின், அக்னி ஓமம் இன்னும் ஆரம்பிக்காத அமைதியான வேளை. கண்விழித்த சங்கர் மனமெங்கும், ஓர் ஆனந்தம்..மெல்லியதாய் படர்ந்து வியாபித்திருந்தது. அந்த இரவு இரயில் பயணத்தில் தற்காலிகத் தடையை முன்னிட்டு, தன் இருக்கையில் இருந்து எழுந்து நடந்து இரயில் பெட்டியின் கதவருகே வந்த சங்கர் பெட்டியின் கதவைத் திறந்தான். அதிகாலை சில்லென்று வீசிய குளிர்காற்று அவனது மிச்சம் மீதி இருந்த உறக்கத்தையும், அவனது உள்ளத்து சோர்வையும் வாரி எடுத்துச் சென்றது. பூமியில் புதிதாய் பிறந்த குழந்தை போல் ஆனது அவனது மனம், இரயில் பெட்டியில் இரு படிகளைத் தாண்டி இரயில் நிலையத்திற்கும், இரயில் வண்டிக்கும் இடையில் நடைபாதையில் கால் பதித்தான் சங்கர்.

தொடர்ந்து வீசிக் கொண்டிருந்த சில்லென்ற தென்றலில் முழுமையாகக் குளிர்ந்தான் சங்கர். உறக்கம் கலைந்ததும், அவனுக்கு நாவரட்சி ஏற்பட்டது. இரயில் நிலையத்தில் அப்படியொன்றும் இரவு நேரத்து டீ, காப்பிக் கடை இருப்பதற்கான சுவடுகள் எதுவுமே இல்லாமல் இருள் சூழ்ந்திருந்தது.

சுற்றும் முற்றும் மீண்டும் தன் பார்வையை அகலமாக்கினான். மனிதர்கள் நடமாட்டம் அறவே இல்லை. இரயில் நிலையத்தில் இருந்து சுமார் 50 மீட்டர் தூரத்தில், ஒரு வீடு, அந்த வீட்டில் ஆள் புலங்குவதற்கான அறிகுறிகள் இருப்பதை, இரவும் விடியலும் ஒன்றாக நலம் விசாரித்துக் கொள்ளும் அந்த அதிகாலை நேரத்தில் கண்டான். காலம் தாழ்த்தாமல் தன் தாகம் தீர்த்துக்கொள்ள அந்த வீடு நோக்கி நடந்தான், சங்கர். வீட்டுக் கதவைத் தட்டினான், ஹலோ! என்ற வார்த்தையுடன். யாரும் கதவைத்திறந்ததாக இல்லை. ஒரு வினாடி மௌனித்து மீண்டும் தட்டினான். அப்பொழுது யாரும் கதவைத் திறக்கவில்லை.

வாசலில் இருந்து பின்வாங்கினான். வீட்டின் பின்புறம் அந்த அதிகாலை........ ( தொடரும் )

சிறந்த தலைவராக இருப்பதற்கு 7 தகுதிகள் - துன் டாக்டர் மகாதீர் கருத்து.

2008-02-09T21:55:00.000+08:00

தலைவர்களாக வரக்கூடியவர்கள் நற்பண்புகளுடன் இருக்க வேண்டும். அவர்கள் சாதனை படைக்காமல் இருந்தாலும் நல்ல குணமுள்ளவர்களாக இருந்தால் போதும் என மலேசிய முன்னாள் பிரதமர் துன் மகாதீர் முகமட் அவர்கள் கருத்துரைத்துள்ளார்.

அவர் மேலும், நன்னெறியில்லாமல், ஆக்ரோஷமான முறையில் தலைவர்களாக வர வேண்டும் என்று எண்ணம் கொண்டவர்கள் மக்கள் புறக்கணிக்க வேண்டும் என்றார்.

மலேசியாவில் தலைவருக்கான நன்னெறியுள்ள ஆயிரம் தலைவர்கள் இருக்கலாம். ஆனால், அவர்கள் வெற்றி பெறாததற்கு காலம் அவர்களுக்கு சாதகமாக இல்லாமல் இருந்திருக்கலாம். அதே நேரத்தில் ஒருவர் நற்பண்புகள் இல்லாமல் இருந்தாலும் அவர்களுக்கு தலைமைத்துவம் வழங்கப்பட்டுள்ளது என்று அவர் சமீபத்தில் 'பெர்னாமா'வுக்கான செய்தியில் குறிப்பிட்டுள்ளார்.

ஒருவர் சிறந்த தலைவராக இருப்பதற்கு 7 தகுதிகளை துன் மகாதீர் பட்டியலிட்டார்.

1. ஒரு சிறந்தத் தலைவர் தன்னடக்கமாக இல்லாவிட்டாலும் பெரிதாக பேசக்கூடாது.

2. ஒருவர் தன் பொறுப்புகளை ஏற்று மேற்கொள்ளத் தயாராக இருக்க வேண்டும். ஆனால், தலைமைத்துவத்தில் நெருக்குதல், கடுமை இருக்கக்கூடாது.

3. ஒருவர் தனது தோல்விக்கு அடுத்தவரை குறை சொல்லக்கூடாது. தனது பலவீனத்தை ஒப்பு கொள்ளத் தயாராக இருக்க வேண்டும். குற்றஞ்சொல்வதற்கு அடுத்தவரை சுட்டிக் காட்டக்கூடாது.

4. அவர் புகழுக்கு மயங்காமல் கண்ணியமாக இருக்க வேண்டும்.

5. அவர் தனது ஆதரவாளர்களைக் கையாள தெரிந்திருக்க வேண்டும். மற்றவர்களின் உணர்வுகளைப் புரிந்து மதிப்பளிக்க வெண்டும்.

6. மற்றவர்களின் எதிர்பார்ப்புகளை நிறைவேற்ற வேண்டும். முன் மாதிரித் தலைவராக இருக்க வேண்டும்.

7. அவரது தலைமையின் கீழ் செயல்படுபவர்களுடன் ஒப்பிடுகையில் அவர் ஆற்றல்மிக்கவராகத் தலைவராக இருக்க வேண்டும்.

ஒரு சில முன்னணி நாடுகள் முன்னேற்றத்திற்கு ஒரு தலைவரின் சிறந்த ஆட்சி முறைதான் காரணம். ஒரு நாட்டுக்கு நல்ல தலைவர் இல்லை என்றால் சிறந்த ஆட்சி இருக்காது. நிறைந்த ஆட்சி இல்லை என்றால் மக்கள் அந்த ஆட்சியை விரும்பமாட்டார்கள் என்று துன் டாக்டர் மகாதீர் முகமட் கருத்துரைத்துள்ளார்.

-நன்றி 'பெர்னாமா'

பி.குறிப்பு:டும்...டும்...டும்..... மலேசியாவில் மிக விரைவில் பொதுத் தேர்தல் நடைபெறவுள்ளது!

இன்பமாக வாழ என்ன செய்யலாம்..?

2008-02-09T20:31:00.000+08:00

சாதாரணமாக மனிதனுடைய உள்ளத்திலே ஒரு நிறைவு வேண்டும். அந்த நிறைவிலிருந்து பெறக்கூடியதுதான் இன்பமான வாழ்க்கை. உண்மையில், மனிதனுக்கு வறுமை என்பது இல்லை. மேம்போக்காக எடுத்துக்கொள்ளாமல், சற்று ஆழ்ந்து யோசித்தால் இவ்வுண்மை புலப்படும். இப்புவியில் பிறந்த ஒரு மனிதனுக்கு இயற்கையிலேயே, அவனது இறுதி காலம் வரையிலும் எல்லா வசதிகளும் அமைக்கப்பட்டுள்ளது. ஆனால், மனிதன் ஒருவரைப் பார்த்து அவரைப்போல் நாம் இல்லையே என்று நினைத்து தன்னைத்தானே தாழ்த்திக் கொண்டு துன்புறுகிறான். அவன் தன்னிடம் உள்ள ஆற்றலை உணர்ந்து, வளர்த்துக் கொள்ளும் திறமை பெறாமையும், செயல்படுத்திக் கொள்ளக் கூடிய வாய்ப்பு கிட்டாமையுமே, சோர்வு, விரக்தி, வறுமை உண்டாவதற்குரிய காரணங்களாகும்.

மனத்தை அலைபாய விடுவது, அதைக் கட்டுபாட்டில் வைக்காமல் தேவையில்லா தாழ்வு எண்ணங்களையும், எதிர்மறையான விசயங்களையும் தேக்கி களங்கப்படுத்திக் கொண்டும், தனக்குத் தானே ஒரு எல்லை கட்டிக் கொண்டும், அதிலேயே மனதைச் சிக்க வைத்துக் கொண்டும் அங்கலாய்ப்பதாலேயே 'மனநிறைவு' எற்படாமைக்கு மற்றொரு காரணம்.

இதிலிருந்து எவ்வாறு விடுபடுவது..?

முதலில் இயற்கையை நேசியுங்கள். இயற்கையுடன் பேசுங்கள்; ஒன்றித்து விடுங்கள். சுருக்கமாச் சொன்னால், இயற்கை லயத்துடன் வாழ்வை ஓட்டுங்கள். இயற்கையுடன் பேசுவதா...? ஆம். மனதுடன் பெசுவது ஒரு கலை. தற்கருத்தேற்றம் வழி நேர்மறை எண்ணங்களை சுலபமாக மனதிடம் போட்டு வைத்தால் அது பாட்டுக்கு வேலையைச் செய்யும். சுயமுன்னேற்றப் பயிற்சிகளிலோ அல்லது புத்தகங்களில் படித்தோ இருப்பீர்கள்.

சற்றேரக்குறைய அதே போல்தான். நம்மைச் சுற்றி இந்த இயற்கையிடம் பேசுவதும் ஒரு கலைதான். சரி, நான் பேசுகிறேன்; இயற்கை பேசுமா...? என்றால் அதற்குப் பதில் நீங்கள் எவ்வளவு தீவிரமுடன் இயற்கையுடன் இணைகிறீர்கள் என்பதில் இருக்கிறது. சும்மா ஒரு வாரத்திற்கு ....இயற்கைப் பிரதிநிதிகளான மண்,நீர்,காற்று,நெருப்பு மற்றும் ஆகாயம் ஆகியவற்றில் ஏதாவது ஒன்றுடன் ஆரம்பியுங்கள்.

இயற்கையானது ஆயிரமாயிரம் இன்பங்கள் உள்ளடக்கியுள்ள ஒரு கூட்டமைப்பு என்பதை நன்றாக உணரும் காலம் வெகுதொலைவில் இல்லை. உயர்வு உங்கள் சிந்தையில் ஆரம்பிக்கட்டும். முயற்சி செய்துதான் பாருங்களேன்.....இயற்கயின் பதில் கிடைத்தால் அதற்கென்றே ஒரு தனி 'வலைப்பூ' ஆரம்பிப்பீர்கள்!

திறம்படக் கற்றல் (Mastery Learning)

2008-01-27T20:35:00.000+08:00

திறம்படக் கற்றல் என்பது கல்வித் துறையில் பல காலங்களாக வழங்கிவருகின்ற ஒரு முறைதான். திறம்படக் கற்றல் ( Mastery Learning ) என்பதுகற்பித்தலைப் பற்றிய ஒரு கோட்பாடு - Mastery learning is a philosophy abaout teaching. தகுந்த முறையில் அதே நேரத்தில் ஏற்புடைய சரியான வழிகளைப்பின்பற்றி கற்பித்தால் அனைத்து மாணவர்களும் ஆசிரியர் போதிக்கும் பாடங்களைமுழுமையாகப் பெற்றுக் கொள்ள முடியும் என்பதே இக்கொள்கையின் முதன்மையானகூற்றாகும்.

திறம்படக் கற்றலின் வெற்றி மாணவர்கள் எந்த அளவுக்குக் கற்றலில் ஊக்குவிக்கப்படுகிறார்கள் என்பதிலும், எந்த அளவுக்குத் தேவையான பொழுது' கற்றல் சிக்கலை எதிர்நோக்குகின்ற காலத்தில்' பிரச்னைகளைக் களைய உதவப்பட்டிருக்கிறார்கள் என்பதைப் பொறுத்தே அமைகின்றது என்று கல்வியாளர்கள் கருதுகின்றனர்.

திறம்படக் கற்றலில் ஆசிரியரின் கற்பித்தல் அணுகுமுறை, பேச்சுமுறை, கட்டளை முறை,விளக்கும் பாங்கு, கற்பிக்கும் பாங்கு, கற்றலில் சிக்கலை எதிர்நோக்கும் மாணவர்களுக்கு உடனுக்குடன் வழங்கும் உதவி, திறம்படக் கற்றலுக்குத்தேவையான கால அவகாசம், ஆசிரியரின் தெளிவான கற்பித்தல் நோக்கம்,கற்பித்தல் விளைவு முறை( feed back ) குறைநீக்கல் முறை( corrective procedures )போன்றவை மாணவர்களின் அடைவுநிலை வேறுபாட்டிற்கு முக்கியக் காரணங்களாகவிளங்குகின்றன. இவற்றுள் உன்னதமான கற்றல் நடைபெற " கற்பித்தல் விளைவு அறிதல்"( feed back ), குறைநீக்கல் முறையும் ( corrective procedures ) முக்கியப் பங்குவகிக்கின்றன.

கடந்த இருபது ஆண்டுகளில் திறம்படக் கற்றல் முறையைப் பற்றிச் செய்யப்பட்டஆய்வுகளிலிருந்து தெள்ளெனத் தெரிவது யாதெனில்,ஒரு பள்ளியில் நல்லகற்றல் சூழல் இருந்தால், கற்றலில் தனிமனித வேறுபாடு அர்த்தமற்றதாகிறது அதாவது பூஜ்யத்தை நோக்கிச் செல்கின்றது என்றும், பொருத்தமில்லாத சூழலில் அதிகப் பெரும்பான்மையான வேறுபாடு தோன்றுகின்றது என்பதுமே ஆகும்.

குறிப்பு: தமிழ்ப்பள்ளிகளில் திறம்படக் கற்றல் முறை அறிமுகப்படுத்தப்பட்டு பலஆண்டுகள் ஆகின்றன என்பது ஒருபுறமிருக்க, தகுந்த கற்றல் சூழல் அமைந்திருக்கின்றதா? என்பதே தலையாயக் கேள்வி.
ஆசிரியர்கள், தலைமை ஆசிரியர்கள் கருத்து தெரிவிக்கலாமே!

பொங்கலோ பொங்கல்!

2008-01-14T22:21:00.000+08:00

பொங்கல் பண்டிகை, தமிழர்களின் பண்பாட்டுக்கு முத்திரை பதிக்கிற விழா. மண்பானையில் உலையிட்டு, பால் ஊற்றிக் கொதிக்க வைத்து, அரிசியைக் களைந்துபோட்டு அது வெந்ததும், வெல்லத்தை இடித்துப் போட்டு, இறக்கிவைப்பதும், கரும்புகளை வைத்து, பொங்கலிட்ட பானையுடன் படையல் செய்து கதிரவனுக்கு நன்றி கூறி வழிபடுவதும் வாழையடி வாழையாகக் கடைப்பிடிக்கப்படும் பண்பாட்டுக் கூறுகள்.

அப்பொங்கல் திருநாளைக் கொண்டாடும் உலகத் தமிழர்களே....

அமைதி, நிம்மதி, நேசம், ஒற்றுமை என்பதே உண்மையான கொண்டாட்டம்.

உங்களின் தூய உள்ளத்திலிருந்து வழங்குவதே வாழ்க்கையின் மகிழ்ச்சியாகும்.

அனைவரது உள்ளங்களிலும் குதூகலம், கலகலப்பு, புத்துணர்வு பரவட்டும்.

சூரிய ஒளிபோன்று - உள்ளூற பிரகாசிக்கின்ற ஒளியே மகத்தானது.

உங்கள் அனைவருக்கும் இனிய பொங்கல் நல்வாழ்த்துக்கள்!

சிவகங்கை சுத்தானந்த பாரதி

2008-01-14T22:15:00.000+08:00

அச்சமற்ற உண்மை - கிளியே
ஆண்மையுள்ள நெஞ்சம்.
கொச்சையற்ற பேச்சு - நல்ல
கொள்கை கொண்ட நட்பு.
இன்னலற்ற சாந்தம் - யார்க்கும்
இனிது செய்யும் பொறுமை
தன்னலத் தவிர்ப்பு - கிளியே
தருமமாகும் இவையே!

குறிப்பு: பாட்டுக்கொரு புலவன் எட்டயபுரம் சுப்பிரமணிய பாரதி மட்டுமில்லை; சிவகங்கைசுத்தானந்த பாரதியும்தான். பாரதி பாடல்கள் போலவே படித்த மாத்திரத்தில் பாடம் ஆகிவிடுபவை அவருடைய பாடல்கள்.

மலேசிய நாட்டின் தமிழ்ப்பள்ளிகளின் நிலை -2

2008-01-14T21:06:00.000+08:00

ஒரு காலத்தில் மலேசியாவில் 900 தமிழ்ப்பள்ளிகள் இருந்தன என்றால் பலர் ஆச்சரியப்படுவார்கள். ஆனால் இப்பொழுது அதன் எண்ணிக்கை 523. ஏன் குறைந்தது? முன்பு தோட்டப்புறத்தில் வாழ்ந்த இந்தியர்களின் அடுத்த தலைமுறை பிழைப்புத் தேடி நகர்ப்புறத்தை நாடினர்; மாணவர்களின் எண்ணிக்கை வெகுவாகக் குறைந்ததனால் மூடப்பட்டது. மேலும் தோட்டப்புறங்களில் உள்ள குறைவான எண்ணிக்கை கொண்ட பள்ளிகளை( கட்டட அமைப்பைக் கண்டால் பள்ளி எனக் கூற இயலாது என்பது வேறு விசயம் ) கூட்டுச் சேர்த்து " கூட்டுத் தமிழ்ப்பள்ளி " என மாற்றம் கண்டதாலும் தமிழ்ப்பள்ளிகளின் எண்ணிக்கை மெல்ல மெல்லக் குறைந்தது. இம்மாதிரியான கூட்டுத்தமிழ்ப்பள்ளிகள் 1979-இன் இறுதியிலும் 1980-இன் ஆரம்பங்களிலும் பிரபலம். ஏனெனில், அடியேன் ஒரு கூட்டுத்தமிழ்ப்பள்ளியில் இருந்து வந்தவன். தீபகற்ப மலேசியாவில் தெற்கே உள்ள "ஜோரான" ஜொகூர் மாநிலத்தில் - சிகாமாட் மாவட்டத்தில் - ச்சா'ஆ ( சாகா வரம் பெற்ற ஊர் ) எனும் சிறு பட்டனத்தில் அமைந்துள்ள " ச்சா'ஆ கூட்டுத் தமிழ்ப்பள்ளிதான் " அது.

மலேசியத் தமிழ்ப்பள்ளிகள்: வரலாற்றில் ஒரு பகுதி!

2008-01-14T21:03:00.000+08:00

மலேசியாவில் ( முன்பு மலாயா என்று வழங்கப்பட்டது ) தமிழ்ப்பள்ளிகளின் தொடக்கம் 19-வது நூற்றாண்டின் ஆரம்பத்தில்தான் ஏற்பட்டுள்ளது. ஏனெனில், அந்த காலக்கட்டத்தில்தான் இந்தியர்கள் ஆங்கிலேயர்களால் மலாயாவில் தோட்டப்புறங்களில் வேலைசெய்ய வரவழைக்கப்பட்டுள்ளனர்.1816 - இல் பினாங்கில் முதன் முதலாகத் தமிழ்ப்பள்ளி துவங்கப்பட்டது என்று சரித்திரம் கூறுகிறது. இருப்பினும் அதன் எண்ணிக்கை மிகக் குறைவு. 1900-ஆம் இறுதியில் நாட்டின் விவசாயம் மற்றும் தோட்டப்புற மேம்பாடின் காரணமாக தென் இந்தியர்களின் வருகையும் தமிழ்ப்பள்ளிகளின் எண்ணிக்கையைக் கூட்டியது என்றால் மிகையாகாது.1912-இல் தொழிலாளர் சட்டத்தின் கீழ் ஒரு தோட்டத்தில் குறைந்தது 10 சிறார்கள் பள்ளி செல்லும் பருவத்தை அடைந்தால் கட்டாயம் அங்கு ஒரு பள்ளி கட்டப்படவேண்டும் என்பது விதி. பெரும்பாலும் அவ்வகை பள்ளிகள் தோட்ட நிர்வாகத்தின் கீழ் செயல்பட்டு வந்தன. பல தோட்ட மேலாளர்களின் மெத்தனத் தன்மையால் தமிழ்ப்பள்ளிகளின் நிலை மோசமாகியது. சரியான கட்டடம் இல்லாதது அடிப்படை பிரச்னையானது. பிறகு மலாயா கல்விச் சட்டம் தமிழ்ப்பள்ளிகள் தோன்றுவதற்கு வாய்ப்பளித்தது. தமிழ்ப்பள்ளிகளுக்குச் சாதகமான சூழல் 1930 முதல் 1937 ஏற்பட்டதற்கு மற்றொரு முக்கியக் காரணமும் உண்டு. வேலையுண்டு என்று மலாயா வந்த இந்தியர்களின் நிலை கவலைக்கிடமாகியது. அவர்கள் சரியாக நடத்தப்படவில்லை அடிப்படை உரிமைகளும் இழந்த மாதிரியான நிலை ஏற்பட்டது. அப்போது இந்திய அரசாங்கம் மலாயா வாழ் இந்தியர்களுக்காக ( தமிழர்கள் பெரும்பான்மையினர் ) குரல் கொடுத்தது.அதன் விளைவாக தமிழ்ப் பள்ளிகளிக்கு அதிக மானியம் வழங்கப்பட்டது. தமிழாசிரியர்களுக்குச் சிறப்பு பயிற்சியும் வழங்கப்பட்டது.பின்பு, 1956- இல் "ரசாக் அறிக்கை" ஒரு மாற்றத்தைக் கொண்டு வந்தது. தனியார் கொள்கையின் கீழ் இருந்து வந்த சிறுபான்மையினர் பள்ளிகள் ( தமிழ்ப்பள்ளிகளோடு சினப்பள்ளிகளும் இதில் அடங்கும்) 1957-இன் கல்விச் சட்டதின் வழி அவை " தேசிய மாதிரி " எனும் அடைமொழியோடு புதிய தோற்றம் கண்டது.

குறிப்பு:இது மலேசிய தமிழ்ப்பள்ளிகளின் ஆரம்ப வரலாற்றின் ஒரு பகுதிதான் !

நோட்டுப் புத்தகக் குறிப்பு என்ன செய்தது?

2008-01-10T11:43:00.000+08:00

'குறிப்பெழுதும் மனிதன் குறிக்கோளுடன் வாழ்வான்' என்றார் பிளாட்டோ. எண்ணத்தில் உதித்தவற்றை உடனே சிறுகுறிப்புடன் எழுதி வைத்துக்கொள்வது சிறப்பு. தக்க தருணத்தில் கைகொடுக்கும்.

ஒருவருடைய உள்ளத்தில் எப்போது கருத்துக்கள் புத்தாக்கச்சிந்னைகள் எப்பொழுது வேண்டுமானாலும் தோன்றலாம். அவற்றை எப்பொழுதுமே மனதில் பதிய வைக்கவும் முடியாது. ஒதுக்கி வைக்கவும் முடியாது. பதுக்கி வைக்கவும் முடியாது. ஏனெனில், மனித மனம் விசித்திரமானது. சாமானியர்கள் விளங்கிகொள்ள முடியாத விந்தையானது. மனிதன் அன்றாடம் ஆயிரக்கணக்கான எண்ணச் சூழலில் வாழ்பவன். அவன் நினைப்பவற்றையெல்லாம் மூளையானது தன்னுடைய அணுக்களில் பதிய வைத்துக் கொண்டாலும் திரும்ப நினைவுக்குக் கொணர முடியாமல் போய்விடவும் வாய்ப்புண்டு. ஆனால், கருத்துக்களையும் எண்ணங்களையும் , தான் கையாளும் குறிப்புப் புத்தகத்தில் ஒதுக்க முடியும், பதிக்க முடியும், பதுக்கவும் இயலும் !

இப்படித்தான், பத்துமொழிகளில் சிறப்புற அறிந்த பன்மொழி வித்தகர் ஒருவர் வாழ்ந்திருக்கிறார். இந்திய விடுதலை இயக்கத் தீவிரதீரர் விநாயக தாமோதர சாவர்க்கரின் அறிமுகத்தால் இங்கிலாந்தில் வசித்த போதே, தேசிய இயக்கத்தில் ஈடுபட்டவர். கிரேக்கம் முதலான மொழி வல்லமை காரணமாகப் பல நூல்களைத் தமிழில் தந்தவர். திரு.வி.க. போன்றோர் ஈர்ப்பால் பத்திரிகை ஆசிரியர் ஆனவர். திருக்குறள் அவரை முழுவதுமாக ஆட்கொள்ள அதனை ஆங்கிலத்தில் " The Kural or The Maxim of Thiruvalluvar"(1916) எனும்
தலைப்பில் மொழிப்பெயர்த்தார். எமர்சனின் 'Self Reliance' எனும் கட்டுரையைத் தமிழில் 'தன்னம்பிகை' எனும் தலைப்பில் தந்தார்.

யாரந்த தேசபக்தர் ?

கம்பராமாயணத்திற்கு முதன் முதலில் ஆங்கிலத்தில் திறனாய்வு செய்த பெருமையாளர். மேலும், இவர்தான் தமிழில் முதல் சிறுகதையைப் பெற்றெடுத்த தந்தையுமாவார். ஆம். மொழியார்வம், முதிர்ந்த நாட்டுப்பற்று, முனிவர்க்குரிய மனப்பக்கும், வீரனுக்குரிய வேகம், நேர்மையாளருக்குரிய நெஞ்சுரம், பழமையில் பக்தி,புதுமையில் ஆர்வம், தொண்டுணர்வு என முழுவடிவமாக விளங்கியவர் - வ.வே.சுப்பிரமணிய ஐயர்.

வ.வே.சு ஐயர் தம்முடைய 'நோட்டுப் புத்தகத்தில்' தாம் நினைத்த நினைப்புகளை எல்லாம் குறித்து வைத்துக் கொண்டு உள்ளார். இதில்
என்ன விஷேசம் என்றால், பிறர் பார்த்தாலும் அறியும் வண்ணம் சில குறிப்புகளை எழுதியிருக்கிறார். சில குறிப்புகள் மற்றவர்க்குப் புரியக்கூடாது என்று பதுக்கியும் வைத்து இருக்கிறார். அவர் பிரிட்டிஷாரால் எப்பொழுதும் வேவு பார்க்கப்பட்டு வந்தவர் என்பது குறிப்பிடத்தக்கது. எனவே சங்கேதக் குறியீடுகளால் சிலவற்றைக் குறித்துள்ளார்.

வ.வே.சு ஐயர், மகாகவி பாரதியாரை ஆசிரியராகக் கொண்டு வெளிவந்த 'இந்தியா' என்னும் வார இதழ் மடலில் பல உணர்ச்சி கொப்பளிக்கும் செய்தி விவரங்களைத் திரட்டிப் படிப்போருக்கு விழிப்புணர்வையும் நல்கியுள்ளார். உதாரணத்திற்கு இதைப் படிக்கவும்...

"....இதற்கெல்லாம் என்ன காரனம்? ஒரெ ஒரு காரணந்தான். அதாவது உலகத்தில் பரவி வரும் சுதந்திரமும் ஜன ஐக்கியமுமே. இதுவரை
ராஜாகங்கள் ஒன்றோடொன்று சிநெகம் செய்து கொண்டு தங்களுடைய பிரஜைகளை இம்சித்து வந்தார்கள். இன்னும் இம்சித்து
வருகிறார்கள். ஆனால் சென்ற நூறு வருஷங்களுக்குள் ஜனங்கள் விழித்துக் கொண்டார்கள். ராஜாங்கங்கள் செய்கிற அக்கிரமங்களைப்
பார்த்துக்கொண்டு ஜனங்கள் அதை எதிர்க்கத் தீர்மானித்து விட்டார்கள். .....கடைசியில் ஜனங்களுடைய கட்சி வெல்லும் என்பதில்
தடையில்லை..."

( ஆதாரம்: வ.வே.சு ஐயர்- இந்திய இலக்கியச் சிற்பிகள், கோ.செல்வம்(2000).சாகிக்திய அக்காதெமி )

சொந்த நூல் நிலையம் வேண்டும் !

2008-01-09T01:04:00.000+08:00

வாசிப்பது எப்போதுமே சுவாரஸ்யமானது, சுவாசிப்பதைப் போன்று. நூல்கள் வாசிப்பதை சிறுவயது முதல் பழக்கப்படுத்தியவர்கள் சிறந்த கல்விமான்களாகவும் அறிஞ்ர்களாகவும் திகழ்கிறார்கள். சிறுவர் சிறுமிகளுக்கு எவ்வாறாயினும் இப்பழக்கத்தை ஊட்டிவிட வேண்டும். ஆசிரியரின் தூண்டுதலைத் தவிர்த்து பெற்றோரின் பங்கு மிக முக்கியம்.

நூல்களைக் கடன் வாங்கிக் கற்பது நல்லதன்று; சொந்தமாக வாங்கி வைத்துக்கொண்டு கற்க வேண்டும். அதில் சில நன்மையும் உண்டு. சொந்தமாக உள்ள நூல்களில் எந்தவிதமான சிறு குறிப்புகளையும் எழுதி வைக்கலாம். கடன் வாங்கிப் படிக்கும் நூல்களில் அப்படிச் செய்வது எப்படி முடியும்? ஆதலால், வீட்டில் சொந்தமாக நூல் நிலையம் இருக்க வேண்டும். நல்ல நூல்கள் முந்நூறாவது இருப்பது நன்று. கற்றவர் என்றால் அவரிடம் 3000 நல்ல நூல்கள் சொந்தமாக இருக்க வேண்டும் என்று ஆங்கில அறிஞர் மார்க் பட்டீசன் கூறியுள்ளார்.

சொந்த நூல் நிலையம் குடுப்பச் சொத்தாக, கலைவளர்க்குங் கருவியாக, குடும்பத்தை உருவாக்கும் திருவாக அமையும். வீட்டில் நூல் நிலையம் இருந்தால் ஆண்களும் மட்டுமல்லாமல் பெண்களும் தாங்கள் விரும்பிய நூல்களை எடுத்துப் புலமை பெற்றுவிடக்கூடும். நூல்நிலையத்தில் அறிஞர்கள் நூல்வடிவாக இருந்து எந்த நேரத்திலும் வந்து உதவி செய்யக் காத்திருப்பார்கள்; நள்ளிரவிலும் நாடி வந்து ஐயம் தீர்ப்பார்கள்; தேடிவந்து இன்பமளிப்பார்கள். எந்த நிலையிலும் நடித்தரக் குடும்பத்தினர் சொந்தமாக தலைசிறந்த இலக்கியங்களை வாங்கி வைப்பது கடினமான செயலாகாது. மன்மிருந்தால் வழியுண்டு.

பண வறுமையினும் மன வறுமையே நூல்களை வாங்கத் தடையாகிறது எனலாம்.

சொந்த நூல் நிலையம் குடும்பப் பண்பாட்டை வளர்க்குஞ் சாதனம் என்றுண்ர்வீர்!